قازاقستان رەسپۋبليكاسى قورعانىس مينيسترلىگىنىڭ بۇيرىعى  №32

  2016 جىلعى 22 قاڭتار, استانا قالاسى قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلاردىڭ ۇلگەرىمىنە اعىمداعى باقىلاۋ, ولارعا ارالىق جانە قورىتىندى اتتەستاتتاۋ جۇرگىزۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 5) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلاردىڭ ۇلگەرىمىنە اعىمداعى باقىلاۋ, ولارعا ارالىق جانە قورىتىندى اتتەستاتتاۋ جۇرگىزۋ قاعيدالارى بەكىتىلسىن. 2. قازاقستان رەسپۋبليكاسى قورعانىس مينيسترلىگى ءبىلىم جانە عىلىم دەپارتامەنتىنىڭ باستىعى: 1) وسى بۇيرىقتى زاڭنامادا بەلگىلەنگەن تارتىپپەن مەملەكەتتىك تىركەۋ ءۇشىن قازاقستان رەسپۋبليكاسىنىڭ ادىلەت مينيسترلىگىنە جولداسىن; 2) وسى بۇيرىقتىڭ كوشىرمەسىن مەملەكەتتىك تىركەلگەننەن كەيىن كۇنتىزبەلىك ون كۇن ىشىندە رەسمي جاريالاۋ ءۇشىن مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە جولداسىن; 3) وسى بۇيرىقتى رەسمي جاريالانعاننان كەيىن قازاقستان رەسپۋبليكاسى قورعانىس مينيسترلىگىنىڭ رەسمي ينتەرنەت-رەسۋرسىنا ورنالاستىرسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى قورعانىس ءمينيسترىنىڭ ورىنباسارى گەنەرال-مايور ت.س. مۇحتاروۆقا جۇكتەلسىن. 4. بۇيرىق لاۋازىمدى ادامدارعا, ولارعا قاتىستى بولىگىندە جەتكىزىلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ قورعانىس ءمينيسترى ي. تاسماعامبەتوۆ قازاقستان رەسپۋبليكاسى قورعانىس ءمينيسترىنىڭ 2016 جىلعى 22 قاڭتارداعى №32 بۇيرىعىمەن بەكىتىلگەن قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلاردىڭ ۇلگەرىمىنە اعىمداعى باقىلاۋ, ولارعا ارالىق جانە قورىتىندى اتتەستاتتاۋ جۇرگىزۋ قاعيدالارى 1. نەگىزگى ەرەجەلەر 1. وسى قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى جوعارى اسكەري وقۋ ورىندارىندا ءبىلىم الۋشىلاردىڭ ۇلگەرىمىنە اعىمداعى باقىلاۋ, ولارعا ارالىق جانە قورىتىندى اتتەستاتتاۋ جۇرگىزۋ قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە قازاقستان رەسپۋبليكاسىنىڭ قورعانىس مينيسترلىگىنە (بۇدان ءارى – قر قم) ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلاردىڭ ۇلگەرىمىنە اعىمداعى باقىلاۋ, ولارعا ارالىق جانە قورىتىندى اتتەستاتتاۋ جۇرگىزۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلعان: 1) ارالىق اتتەستاتتاۋ (ەمتيحان سەسسياسى) – ءبىلىم الۋشىلاردىڭ اكادەميالىق كەزەڭدەگى وقۋ پاندەرىنىڭ ءبىر بولىگىنىڭ نەمەسە بارلىق كولەمىنىڭ مازمۇنىن مەڭگەرۋ دارەجەسىن ايقىنداۋ ماقساتىندا وتكىزىلەتىن ءراسىم; 2) اسكەري وقۋ ورىندارى – قر قم ۆەدومستۆولىق باعىنىستى ءبىلىم بەرۋ ۇيىمدارى; 3) ءبىلىم الۋشىنىڭ جەكە رەيتينگىسى – ءبىلىم الۋشىلاردىڭ ارالىق اتتەستاتتاۋ ناتيجەلەرى بويىنشا قۇرىلاتىن اكادەميالىق كەزەڭدەگى پاندەردى مەڭگەرۋ دەڭگەيىنىڭ ساندىق كورسەتكىشى; 4) ەمتيحان (قورىتىندى باقىلاۋ) – ارالىق اتتەستاتتاۋ كەزەڭىندە وقۋ ءپانىن نەمەسە ونىڭ ءبىر بولىگىن وقىتۋ اياقتالعاندا جۇرگىزىلەتىن ءبىلىم الۋشىلاردىڭ وقۋداعى جەتىستىكتەرىن باقىلاۋ نىسانى; 5) جۇمىستىق وقۋ باعدارلاماسى – ءپاننىڭ سيپاتتاماسىن, زەردەلەۋ ماقساتى مەن مىندەتتەرىن, تاقىرىپتار مەن ولاردىڭ قىسقاشا مازمۇنىن, وزدىك جۇمىسى تاپسىرمالارىن, باعالاۋ ولشەمشارتتارىن, نەگىزگى جانە قوسىمشا ادەبيەت ءتىزىمىن قامتيتىن ءپاننىڭ وقۋ باعدارلاماسى; 6) جۇمىستىق وقۋ جوسپارى – ۇلگىلىك وقۋ جوسپارى نەگىزىندە ازىرلەنەتىن جانە مىندەتتى جانە جوو قۇرامداستارى وقۋ پاندەرىنىڭ تىزبەسى, كرەديتتەردە ولاردىڭ ەڭبەك قاجەتتىلىگى, زەردەلەۋ جۇيەلىلىگى, باقىلاۋ نىساندارى ايقىندايتىن ءبىلىم بەرۋ ۇيىمىنىڭ باسشىسى بەكىتەتىن جۇمىس جوسپارى; 7) قر قم ءبىلىم جانە عىلىم دەپارتامەنتى (بۇدان ءارى – بعد) – اسكەري ءبىلىم بەرۋ ماسەلەلەرىنە جەتەكشىلىك ەتەتىن قر قم قۇرىلىمدىق بولىمشەسى; 8) قر قم جوعارى اسكەري وقۋ ورىندارى (بۇدان ءارى – ءجاوو) – جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن قر قم ۆەدومستۆولىق باعىنىستى ءبىلىم بەرۋ ۇيىمدارى; 9) قازاقستان رەسپۋبليكاسى قورعانىس مينيسترلىگىنىڭ ش.ءۋاليحانوۆ اتىنداعى كادەت كورپۋسى (بۇدان ءارى – كادەت كورپۋسى) – تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن قر قم ۆەدومستۆولىق باعىنىستى ءبىلىم بەرۋ ۇيىمى; 10) قورعاۋ – ءبىلىم الۋشىلاردىڭ زەرتحانالىق جۇمىستارىن, ەسەپتەۋ-گرافيكالىق تاپسىرمالارىن, كۋرستىق جۇمىستارىن (جوبالارىن), ديپلومدىق جۇمىستارىن (جوبالارىن), ماگيسترلىك ديسسەرتاتسيالارىن (جوبالارىن), دوكتورلىق ديسسەرتاتسيالارىن, بارلىق پراكتيكالار مەن تاعىلىمدامالار تۇرلەرىن ورىنداۋىن باقىلاۋ نىسانى; 11) قورىتىندى اتتەستاتتاۋ – ءبىلىم الۋشىلاردىڭ ءتيىستى ماماندىقتىڭ ءبىلىم بەرۋ باعدارلاماسىن مەڭگەرۋ دارەجەسىن ايقىنداۋ ماقساتىندا جۇرگىزىلەتىن ءراسىم; 12) مەجەلىك باقىلاۋ – ءبىر وقۋ ءپانىنىڭ ءبولىمىن ء(مودۋلىن) اياقتاعاندا ءبىلىم الۋشىلاردىڭ وقۋداعى جەتىستىكتەرىن باقىلاۋ; 13) وقۋ ۇلگەرىمىنىڭ ورتاشا بالى – ءبىلىم الۋشىنىڭ ارالىق اتتەستاتتاۋ كەزەڭىندەگى شامامەن ورتاشا باعاسى; 14) وقۋداعى جەتىستىكتەردى بالدىق-رەيتينگىلىك باعالاۋ جۇيەسى – ءبىلىم الۋشىلاردىڭ رەيتينگىسىن بەلگىلەۋگە مۇمكىندىك بەرەتىن حالىقارالىق پراكتيكادا قابىلدانعان ارىپتىك جۇيەگە سايكەس كەلەتىن ءبىلىم دەڭگەيىن بالمەن باعالاۋ جۇيەسى; 15) پرەرەكۆيزيتتەر – وقىلاتىن ءپاندى مەڭگەرۋ ءۇشىن قاجەتتى پاندەردىڭ تىزبەسى; 16) تاپسىرىس بەرۋشى – ونىڭ مۇددەسىندە مامان دايارلاۋ جۇزەگە اسىرىلاتىن قر قم, باس شتابى جانە قازاقستان رەسپۋبليكاسى قارۋلى كۇشتەرىنىڭ (بۇدان ءارى – قر قك) قۇرىلىمدىق بولىمشەسى; 17) ترانسكريپت – كرەديتتەر مەن ءبىلىمدى باعالاۋدى كورسەتە وتىرىپ, ءبىلىم الۋشىلاردىڭ ءتيىستى وقۋ كەزەڭىندە وتكەن پاندەر تىزبەسىن قامتيتىن قۇجات; 18) ۇلگىلىك وقۋ جوسپارى – جوو-لاردا ىسكە اسىرىلاتىن ءبىلىم بەرۋ باعدارلامالارى بويىنشا ماماندىقتار مەن بىلىكتىلىكتەر تىزبەسى جانە قازاقستان رەسپۋبليكاسى ۇكىمەتىنىڭ 2012 جىلعى 23 تامىزداعى № 1080 قاۋلىسىمەن بەكىتىلگەن ءبىلىم بەرۋدىڭ ءتيىستى دەڭگەيلەرىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارى نەگىزىندە ازىرلەنەتىن وقۋ جوسپارى, وندا مىندەتتى قۇرامداستىڭ وقۋ پاندەرىنىڭ, جوو قۇرامداسىنىڭ ەڭ از كولەمى جانە ونىڭ ەڭبەك قاجەتتىلىگىنىڭ تىزبەسى ايقىندالادى; 19) ۇلگەرىمدى اعىمداعى باقىلاۋ – وقىتۋشىلار وتكىزەتىن ساباقتاردا ءبىلىم الۋشىلاردىڭ بىلىمدەرىن جۇيەلى تۇردە تەكسەرۋ. 2. قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلاردىڭ ۇلگەرىمىنە اعىمداعى باقىلاۋ جۇرگىزۋ ءتارتىبى 3. ۇلگەرىمدى اعىمداعى باقىلاۋ ولاردىڭ تەوريالىق جانە پراكتيكالىق دايارلىق دەڭگەيىن ايقىنداۋ ماقساتىندا وقۋ ءپانىنىڭ ءاربىر تاقىرىبى بويىنشا جۇرگىزىلەدى جانە سيللابۋسپەن ايقىندالاتىن ءارتۇرلى باقىلاۋ نىساندارىمەن جۇزەگە اسىرىلادى. 4. ۇلگەرىمدى اعىمداعى باقىلاۋ ءبىلىم الۋشىلاردىڭ وقۋداعى ەتىستىكتەرىن باعالاۋدىڭ بالدىق-رەيتينگىلىك جۇيەسى بويىنشا باعالانادى, ونى ءداستۇرلى باعالار مەجەسىنە اۋىستىرۋ وسى قاعيدالارعا 1-قوسىمشاعا سايكەس نىساندا جۇرگىزىلەدى. 5. اعىمداعى باقىلداۋدىڭ ءبىر ءتۇرى مەجەلىك باقىلاۋ بولىپ تابىلادى, ول ءبىر اكادەميالىق كەزەڭ ىشىندە ءبىر ءپان شەڭبەرىندە 2 رەت جۇرگىزىلەدى جانە سيللابۋسپەن ايقىندالاتىن ءارتۇرلى باقىلاۋ نىساندارىمەن جۇزەگە اسىرىلادى. 6. اعىمداعى جانە مەجەلىك باقىلاۋ باعالارى وسى قاعيدالارعا 2-قوسىمشاعا سايكەس نىسان بويىنشا وقىتۋ ساباقتارىن ەسەپكە الۋ جۋرنالىندا كورسەتىلەدى. 7. ءپاندى جۇرگىزەتىن وقىتۋشى ۇلگەرىمگە اعىمداعى باقىلاۋدى, مەجەلىك باقىلاۋدى جۇرگىزەدى جانە ءبىلىم الۋشىلاردىڭ اعىمداعى ۇلگەرىمى باعاسىن (بۇدان ءارى – ءاۇب) شىعارادى. 8. ءاۇب كەزەكتى مەجەلىك باقىلاۋعا دەيىنگى اعىمداعى باقىلاۋ باعالارىنان (بۇدان ءارى – ابب) جانە كەزەكتى مەجەلىك باقىلاۋ باعالارىنان (بۇدان ءارى – كمب) قۇرالادى. ابب+كمب = ءاۇب 9. مەجەلىك باقىلاۋ ءۇشىن وقۋ ءبولىمى (وقۋ-ادىستەمەلىك باسقارما) (بۇدان ءارى – وقۋ ءبولىمى) وسى قاعيدالارعا 3-قوسىمشاعا سايكەس نىسان بويىنشا اعىمداعى ۇلگەرىم ۆەدوموسىن رەسىمدەيدى. اعىمداعى ۇلگەرىم باعاسىن قويۋ سيللابۋسپەن ايقىندالادى, بۇل رەتتە اعىمداعى ۇلگەرىمدى باعالاۋداعى اعىمداعى باقىلاۋ باعالارى مەن مەجەلىك باقىلاۋ باعالارىنىڭ اراقاتىناسى 60 %-دا 40 % بولۋعا ءتيىس. 10. ءاۇب نەگىزىندە وقۋ ءبولىمى جىبەرۋ رەيتينگىسىنىڭ باعاسىن (بۇدان ءارى – جرب) شىعارادى. اعىمداعى ۇلگەرىم باعاسىنا بولىنگەن بالدار 50 % -دا 50 % اراقاتىناستا بولىنەدى. ءاۇب1+ ءاۇب2 = جرب بۇندا: ءاۇب – 1-ءشى مەجەلىك باقىلاۋ بويىنشا ءپاننىڭ باعاسى; ءاۇب – 2-ءشى مەجەلىك باقىلاۋ بويىنشا ءپاننىڭ باعاسى; 11. جرب جانە ەمتيحان باعالارى (بۇدان ءارى – ەب) نەگىزىندە پانگە باعا (پب) قويىلادى, ول ەڭ كوپ دەگەندە 100 بالدى قۇرايدى, ونىڭ ىشىندە جىبەرۋ رەيتينگىسىن باعالاۋعا كەمىندە 60 بالل, ال ەمتيحاندى باعالاۋعا 40 بالدان استام ەمەس بولىنەدى. جرب+ەب = پب 12. پانگە 50 بالدان تومەن جيناعان ءبىلىم الۋشىعا «قاناعاتتانارلىقسىز» دەگەن باعا قويىلادى. 50بالل≤پب≤100بالل 13. ەمتيحانعا جىبەرۋ ءۇشىن رەيتينگى باعاسىنىڭ ورتاشا جيىنتىق بالى 30 بالدى قۇرايدى. 30بالل≤جرب≤60 بالل 14. ەمتيحاننان 20 بالدان تومەن باعا العان ءبىلىم الۋشىعا ءپاننىڭ باعاسى ەسەپتەلمەيدى جانە وعان وسى قاعيدالاردىڭ 36-تارماعىنا سايكەس ەمتيحاندى قايتا تاپسىرۋعا مۇمكىندىك بەرىلەدى. 20 < ەب ≤ 40 15. ءبىلىم الۋشىلار جاتتىعۋلاردى (وق اتۋلاردى, جاۋىنگەرلىك ماشينالاردى جۇرگىزۋدى) ءىس جۇزىندە ورىنداعانى ءۇشىن قولدانىستاعى كۋرستاردىڭ (وق اتۋ, جاۋىنگەرلىك ماشينالاردى جۇرگىزۋ) تالاپتارىنا سايكەس باعالانادى. بۇل رەتتە ءداستۇرلى باعانى وقۋداعى جەتىستىكتەردى باعالاۋدىڭ بالدىق-رەيتينگىلىك جۇيەسىنە اۋىستىرۋ وسى قاعيدالارعا 4-قوسىمشاعا سايكەس جۇرگىزىلەدى. 3. قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلاردى ارالىق اتتەستاتتاۋدى جۇرگىزۋ ءتارتىبى 16. ەمتيحان سەسسياسى جۇمىستىق وقۋ جوسپارىنا جانە اكادەميالىق كۇنتىزبەگە سايكەس جۇرگىزىلەدى. ەمتيحان سەسسياسى قىسقى جانە جازعى بولىپ بولىنەدى. سەمەستردەگى وقۋ ءپانىن وقىتۋ اياقتالعاندا ەمتيحان وتكىزۋگە رۇقسات بەرىلەدى. 17. ءاربىر وقۋ ءپانى جانە كەيبىر قوسىمشا وقىتۋ تۇرلەرى ءۇشىن باقىلاۋ نىسانى ەمتيحان بولىپ تابىلادى. زەرتحانالىق, ەسەپتەۋ-گرافيكالىق تاپسىرمالار, كۋرستىق جۇمىستار (جوبالار), كاسىپتىك پراكتيكالار مەن تاعىلىمدامالاردىڭ بارلىق تۇرلەرى ءۇشىن – قورعاۋ. 18. ەمتيحان سەسسياسىن ۇيىمداستىرۋ وقۋ بولىمىنە جۇكتەلەدى. 19. ەمتيحاندار ادىستەمەلىك كەڭەستىڭ شەشىمى بويىنشا جازباشا, اۋىزشا, تەست, پراكتيكالىق نەمەسە ارالاس نىساندا وتكىزىلەدى. اۋىزشا نىساندا ءبىر كۇندە ەكى نەمەسە ودان ارتىق ەمتيحان تاپسىرۋعا جول بەرىلمەيدى. تەست نىسانىندا ءبىر كۇندە ەكى نەمەسە ءۇش ءپان بويىنشا ەمتيحان بەلگىلەۋگە جول بەرىلەدى. 20. وقۋ ءبولىمى وتكىزۋ نىسانىن ەسكەرە وتىرىپ, ەمتيحاندار كەستەسىن فاكۋلتەتپەن بىرلەسىپ جاسايدى, ونى اسكەري وقۋ ورنى باستىعىنىڭ وقۋ جۇمىسى جونىندەگى ورىنباسارى بەكىتەدى جانە ءبىلىم الۋشىلار مەن وقىتۋشىلارعا ەس باستالعانعا دەيىن كەشىكتىرمەي ەكى اپتا بۇرىن جەتكىزىلەدى. 21. ەمتيحاندى وسى پاننەن ساباق بەرەتىن وقىتۋشى – ەمتيحان قابىلداۋشى قابىلدايدى. 22. زەرتحانالىق جۇمىستاردى, ەسەپتەۋ-گرافيكالىق تاپسىرمالاردى, كۋرستىق جۇمىستاردى (جوبالاردى) قورعاۋدى ەمتيحان قابىلداۋشى وتكىزەدى. 23. ەمتيحان سەسسياسىن دالەلدى سەبەپتەرمەن (ناۋقاستانۋ, ءىسساپاردا, دەمالىستا بولۋ, قىزمەتتىك قاجەتتىلىك جانە ت.ب.) تاپسىرۋ مۇمكىن بولماعاندا اسكەري وقۋ ورنىنىڭ باستىعى جەكە كەستە بويىنشا تاپسىرۋعا رۇقسات ەتەدى. 24. ەمتيحانعا كەلگەن كەزدە ءبىلىم الۋشىنىڭ وزىمەن بىرگە سىناق كىتاپشاسى بولۋعا ءتيىس. سىناق كىتاپشاسىنا ءبىلىم الۋشىنىڭ ەمتيحاندار مەن قورعاۋ كەزىندە العان بارلىق باعالارى ەنگىزىلەدى. سىناق كىتاپشاسىنداعى جازبالار كوك ءتۇستى شاريكتى قالاممەن جازىلادى. 25. اۋىزشا نەمەسە جازباشا نىساندى ەمتيحان وتكىزۋ ءۇشىن ەميحان قابىلداۋشى وسى قاعيدالارعا 5-قوسىمشاعا سايكەس ەمتيحان بيلەتتەرىن ازىرلەيدى. ەمتيحان بيلەتتەرى كافەدرا (تسيكل) وتىرىسىندا تالقىلانادى, وعان ەمتيحان قابىلداۋشى قول قويادى جانە كافەدرا (تسيكل) باستىعى بەكىتەدى. ەمتيحان بيلەتتەرىندە نەگىزگى سۇراقتار, نەگىزگى ۇعىمدار مەن وقۋ ءپانىنىڭ زاڭدىلىقتارى كورسەتىلەدى. ءاربىر ەمتيحان بيلەتى ءۇش سۇراقتان تۇرادى, ونىڭ بىرەۋى پراكتيكالىق بولۋى مۇمكىن. ەمتيحان سۇراقتارى قايتالانبايدى. ەمتيحان بيلەتتەرىنىڭ سانى توپتا ءبىلىم الۋشىلاردىڭ سانىنان 20 %-دان استام بولادى. 26. ەمتيحاندى تەست نىسانىندا وتكىزۋ ءۇشىن تەست سۇراقتارىنان بازا جاسالادى. ءاربىر سۇراقتىڭ 4 نۇسقادا جاۋابى بولادى, سونىڭ بىرەۋى عانا دۇرىس بولادى. بازا وقۋ ءپانىنىڭ ءاربىر كرەديتىنە كەمىندە 100 تەستىلىك سۇراقتان تۇرادى. ءاربىر دۇرىس جاۋاپ 1 بالعا باعالانادى. ەكى نەمەسە ودان استام جاۋاپ نۇسقاسى بولعان جاعدايدا بالل سانالمايدى. ەمتيحان باعاسىن ساناۋ ءۇشىن تەستىلىك ەمتيحاننان العان بالدار سانى (بس) 0,4 كوەففيتسيەنتىنە كوبەيتىلەدى. تەستىلەۋگە 150 مينۋت بولىنەدى. ەب= بس*0,4 27. اۋىزشا ەمتيحان ۋاقىتىندا ءبىلىم الۋشىلار سيللابۋسقا سايكەس اسكەري تەحنيكانى نەمەسە ماكەت تۇرىندەگى ولاردىڭ شارتتى بەينەسىن, مودەلدەردى, ترەناجەرلاردى, قوندىرعىلاردى, ستەندىلەردى, دەربەس كومپيۋتەرلەردى جانە باسقا دا اپپاراتۋرانى, سونداي-اق انىقتامالىق ادەبيەت پەن وقۋ قۇرالدارىن جانە ت.ب. قولدانا الادى. ەمتيحاندا رۇقسات ەتىلمەگەن قوسالقى ماتەريالداردى پايدالانعان ءبىلىم الۋشىلار كابينەتتەن شىعارىپ جىبەرىلەدى جانە وعان «قاناعاتتانارلىقسىز» دەگەن باعا قويىلادى. 28. وقۋ ءبولىمى ەمتيحانعا ەمتيحان قابىلداۋشىعا وسى قاعيدالارعا 6-قوسىمشاعا سايكەس نىسان بويىنشا پانگە ارنالعان تىركەلگەن باعالاۋ ۆەدوموسىن بەرەدى. 29. پانگە ارنالعان باعالاۋ ۆەدوموسى وقۋ توبىنا نەمەسە ءبىلىم الۋشىلار ۆزۆودىنا ءبىر دانادا جاسالادى جانە وعان وقۋ ءبولىمىنىڭ باستىعى قول قويادى. 30. ەمتيحان باعاسىن قويۋ ولشەمشارتى سيللابۋسپەن ايقىندالادى. 31. ەمتيحان قابىلداۋشى ءاربىر ءبىلىم الۋشىنىڭ ءپان بويىنشا باعاسىن ەسەپتەيدى, ونى وقۋ ءبولىمى ترانسكريپتكە ەنگىزەدى. ەگەر وقۋ ءپانى بويىنشا بىرنەشە ەمتيحان وتكىزىلسە, وندا ەمتيحان سەسسيالارى كەزەڭىندە پانگە الىنعان بارلىق باعالاردىڭ دوڭگەلەكتەنگەن ورتاشا ءمانى ترانسكريپتكە ەنگىزىلەدى. 32. ءجاوو-دا ەمتيحان سەسسياسى اياقتالعاننان كەيىن وقۋ ۇلگەرىمىنىڭ ورتاشا بالى نەگىزىندە ءبىلىم الۋشىلاردىڭ جەكە رەيتينگىسى ايقىندالادى. ءجاوو-دا وقۋ ۇلگەرىمىنىڭ ورتاشا بالى ەمتيحان سەسسياسىنىڭ پاندەرى بويىنشا كرەديتتەردىڭ جالپى سانىنا پاندەر بويىنشا باعالاردىڭ (بۇدان ءارى – پب) كرەديتتەردى (بۇدان ءارى – ك) شىعارۋ سوماسى مەن بالداردىڭ ساندىق بالاماسى رەتىندە ايقىندالادى. ۇوب=(ك1*پب1+ك2*پب2+ كi*پبj ) / ∑كi مۇندا: ك1 – 1 ءپان بويىنشا كرەديتتەر سانى; پب1 – 1 ءپاننىڭ باعاسى; كi – i ءپان بويىنشا كرەديتتەر سانى; پبj - j ءپاننىڭ باعاسى; كادەت كورپۋسىندا وقۋ ۇلگەرىمىنىڭ ورتاشا بالى (بۇدان ءارى – ءۇوب) ەمتيحان سەسسياسى بويىنشا پاندەردىڭ جالپى سانىنا ءپان بويىنشا باعالاردىڭ (بۇدان ءارى – پب) ورتاشا جيىنتىق ءمانى رەتىندە ايقىندالادى. ءۇوب = (پب1+پب2+ پبj) /پس مۇندا: پب1– 1 ءپان بويىنشا باعا; پبj – ءjپان بويىنشا باعا; پس – ەمتيحان سەسسياسى بويىنشا پاندەر سانى; 33. ەمتيحان ناتيجەلەرى ءبىلىم الۋشىلارعا ەمتيحان اياقتالعاننان كەيىن, ال جازباشا نىساندا تاپسىرعان كەزدە كەلەسى كۇنى 18.00-گە دەيىن جەتكىزىلەدى. 34. وڭ باعانى جوعارىلاتۋ ماقساتىندا ەمتيحاندى قايتا تاپسىرۋعا رۇقسات ەتىلمەيدى. 35. ەمتيحان مەن مەجەلىك باقىلاۋدى قايتا تاپسىرۋ ەمتيحان سەسسياسى اياقتالعاننان كەيىن جۇزەگە اسىرىلادى. ءبىلىم الۋشى ەمتيحان قابىلداۋشى ايقىندايتىن مەجەلىك باقىلاۋدى قايتا تاپسىرادى. جىبەرۋ رەيتينگىسىنىڭ باعاسى 30 جانە جوعارى بالل بولعان كەزدە وقۋ ءبولىمى قايتا تاپسىرۋدىڭ جەكە كەستەسىن ازىرلەيدى. 36. ەمتيحاندى قايتا تاپسىرۋ كانيكۋلدىق دەمالىس كەزەڭىندە 2 رەتتەن ارتىق ەمەس جۇزەگە اسىرىلادى. بۇل رەتتە ەكىنشى رەت قايتا تاپسىرۋدى اسكەري وقۋ ورنىنىڭ باستىعى ءتيىستى بەيىندەگى سايكەس وقىتۋشىلار قاتارىنان قۇرعان قۇرامى كەمىندە 3 ادامنان تۇراتىن كوميسسيا جۇزەگە اسىرادى. 37. ماگيسترانتتارعا (دوكتورانتتار) كانيكۋلدىق دەمالىس كەزەڭىندە تەك ءبىر رەت ەمتيحاندى قايتا تاپسىرۋعا اسكەري وقۋ ورنىنىڭ باستىعى ءتيىستى بەيىندەگى وقىتۋشىلار قاتارىنان قۇرعان قۇرامى كەمىندە 3 ادامنان تۇراتىن كوميسسيا جول بەرەدى. 38. ەمتيحان ناتيجەلەرىمەن كەلىسپەگەن ءبىلىم الۋشىلار ەمتيحان سەسياسى كەزەڭىندە اپەللياتسياعا بەرەدى. 39. ەمتيحان سەسسياسى كەزەڭىندە اسكەري وقۋ ورنى باستىعىنىڭ بۇيرىعىمەن ءار ءپان بويىنشا ءتيىستى بەيىندەگى وقىتۋشىلار قاتارىنان اپەللياتسيالىق كوميسسيا قۇرىلادى. 40. اپەللياتسيا ناتيجەلەرى وسى قاعيدالارعا 7-قوسىمشاعا سايكەس نىسان بويىنشا ءپان ءۇشىن باعا ۆەدوموسىنا تىركەلەتىن حاتتامامەن رەسىمدەلەدى. حاتتاما نەگىزىندە وقۋ ءبولىمى ءپان ءۇشىن قورىتىندى باعالار ۆەدوموسىنا وزگەرىستەر ەنگىزەدى. 41. جاڭا اكادەميالىق كەزەڭ باسىندا وقۋ بەرەشەگى بار ءبىلىم الۋشى وقۋدان شىعارىلۋعا ءتيىس. 42. ەمتيحاندار ناتيجەلەرىن تالداۋ جانە وقۋ پروتسەسىن جاقسارتۋ جونىندەگى ۇسىنىستار ەمتيحان سەسسياسى اياقتالعاننان كەيىن ءجاوو فاكۋلتەتى كافەدراسىنىڭ (تسيكلىنىڭ) جانە وقۋ-ادىستەمەلىك كەڭەسىنىڭ, كادەت كورپۋسى پەداگوگيكالىق كەڭەسىنىڭ وتىرىسىنا تالقىلاۋعا شىعارىلادى. 43. ارالىق اتتەستاتتاۋ قورىتىندىلارى بويىنشا ەكى اپتا مەرزىمدە اسكەري وقۋ ورنى قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىنە (بۇدان ءارى – ۇلتتىق قورعانىس ۋنيۆەرسيتەتى) ەلەكتروندىق جانە قاعاز تاسىمالداعىشتاردا وسى قاعيدالارعا 8-قوسىمشاعا سايكەس نىسان بويىنشا سەسسيا ناتيجەلەرىن تالداۋدى ۇسىنادى. ۇلتتىق قورعانىس ۋنيۆەرسيتەتى بارلىق اسكەري وقۋ ورىندارىنىڭ ەمتيحان سەسسيالارى ناتيجەلەرىنە جالپى تالداۋ جاسايدى جانە ونى بعد-عا ۇسىنادى. 44. دوكتورانتتاردان كەشەندى ەمتيحان قابىلداۋ ءۇشىن ۇلتتىق قورعانىس ۋنيۆەرسيتەتى باستىعىنىڭ بۇيرىعىمەن كوميسسيا توراعاسى مەن قۇرامىندا ءتورت مۇشەسى بولاتىن ەمتيحان كوميسسياسى قۇرىلادى. كوميسسيا قۇرامىنا ونىڭ مۇشەلەرى قۇقىعىندا جوعارى وقۋ ورنىنان كەيىنگى ءبىلىمى نەمەسە عىلىمي اتاعى بار ءتيىستى بەيىندەگى ادامدار كىرەدى. كەشەندى ەمتيحان دوكتورلىق ديسسەرتاتسيانى قورعاعانعا دەيىن 2 ايدان كەشىكتىرىلمەي قابىلدانادى. 4. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحان وتكىزۋ ءتارتىبى 45. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحان اكادەميالىق كۇنتىزبەگە سايكەس ەمتيحان سەسسياسى كەزەڭىندە سول اكادەميالىق كەزەڭدە وتكىزىلەدى. 46. مەملەكەتتىك ەمتيحان كوميسسياسىنىڭ توراعاسى قازاقستان رەسپۋبليكاسى قورعانىس ءمينيسترىنىڭ بۇيرىعىمەن ءجاوو باستىعىنىڭ ورىنباسارلارى قاتارىنان اعىمداعى وقۋ جىلىنىڭ 1 قاراشاسىنان كەشىكتىرىلمەي تاعايىندالادى. 47. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحاندى قابىلداۋ ءۇشىن ءجاوو كۇنتىزبەلىك ءبىر جىل مەرزىمگە اعىمداعى وقۋ جىلىنىڭ 1 جەلتوقسانىنان كەشىكتىرىلمەي مەملەكەتتىك ەمتيحان كوميسسياسىن قۇرادى. 48. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحان كەستەسىن وقۋ ءبولىمى جاسايدى جانە ونى مەملەكەتتىك ەمتيحان باستالعانعا دەيىن ەكى اپتادان كەشىكتىرىلمەي ءجاوو باستىعى بەكىتەدى. 49. مەملەكەتتىك ەمتيحان كوميسسياسى وتىرىسىنىڭ ۇزاقتىعى كۇنىنە 6 اكادەميالىق ساعاتتان اسپاۋعا ءتيىس. 50. مەملەكەتتىك ەمتيحان كوميسسياسىنىڭ وتىرىستارى وسى قاعيدالارعا 9-قوسىمشاعا سايكەس نىسان بويىنشا ءاربىر كۋرسانتقا حاتتامامەن رەسىمدەلەدى. 51. مەملەكەتتىك ەمتيحان كوميسسياسىنىڭ وتىرىسى حاتتامالارىنىڭ بلانكىلەرى جەكە ىسكە تىگىلەدى, نومىرلەنەدى جانە ققت پمە باستالعانعا دەيىن مورمەن بەكىتىلەدى. 52. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحاندى دالەلدى سەبەپتەرمەن تاپسىرماعان كۋرسانتتارعا مەملەكەتتىك ەمتيحان كوميسسياسى توراعاسىنىڭ شەشىمىمەن جەكە گرافيك جاسالادى. 53. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحانعا جىبەرۋ ءۇشىن كۋرسانت جىبەرۋ رەيتينگىسى باعاسىنىڭ كەمىندە 50 بالىن جينايدى. «قازىرگى زامانعى قازاقستان تاريحى» ءپانى ءۇشىن باعا 100 بالدىق مەجە بويىنشا باعالانادى. 54. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحاندى قايتا تاپسىرۋعا جول بەرىلمەيدى. ەگەر كۋرسانت «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحان ءۇشىن 50 بالدان تومەن بالل السا, ول وقۋدان شىعارىلۋعا ءتيىس. 55. «قازىرگى زامانعى قازاقستان تاريحى» ءپانى بويىنشا مەملەكەتتىك ەمتيحاندى تاپسىرۋ ناتيجەلەرى ونى تاپسىرۋ كوزدەلگەن ەمتيحان سەسسياسىنىڭ قورىتىندىلارىن شىعارۋ كەزىندە ەسكەرىلەدى. 56. مەملەكەتتىك ەمتيحان كوميسسياسىنىڭ جۇمىسى اياقتالعاننان كەيىن كوميسسيا توراعاسى ەسەپ بەرۋدى جاسايدى, ول ءجاوو (فاكۋلتەت) وقۋ-ادىستەمەلىك كەڭەسىنىڭ وتىرىسىندا تالقىلانادى جانە بەكىتىلەدى جانە ۇلتتىق قورعانىس ۋنيۆەرسيتەتىنە ەكى اپتا مەرزىمدە ۇسىنىلادى. ۇلتتىق قورعانىس ۋنيۆەرسيتەتى بارلىق ءجاوو-لاردىڭ ەسەپ بەرۋلەرىن قورىتىندىلايدى, تالداۋ جۇرگىزەدى جانە ولاردى ءبىلىم جانە عىلىم دەپارتامەنتىنە ۇسىنادى. 5. قازاقستان رەسپۋبليكاسىنىڭ قورعانىس مينيسترلىگىنە ۆەدومستۆولىق باعىنىستى اسكەري وقۋ ورىندارىندا ءبىلىم الۋشىلارعا قورىتىندى اتتەستاتتاۋ جۇرگىزۋ ءتارتىبى § 1 پاراگراف. كادەتتەرگە قورىتىندى اتتەستاتتاۋ جۇرگىزۋ ءتارتىبى 57. كادەتتەرگە قورىتىندى اتتەستاتتاۋدى ۇيىمداستىرۋ جانە جۇرگىزۋ ءۇشىن كادەت كورپۋسى باستىعىنىڭ بۇيرىعىمەن كۇنتىزبەلىك ءبىر جىل مەرزىمگە اتتەستاتتاۋ كوميسسيالارى قۇرىلادى. اتتەستاتتاۋ كوميسسياسى كەمىندە بەس ادامنان تۇرادى. 58. اعىمداعى جىلعى 1 مامىرعا دەيىن بعد-نىڭ ۇسىنىسى بويىنشا قازاقستان رەسپۋبليكاسى قورعانىس ءمينيسترىنىڭ بۇيرىعىمەن بەكىتىلەتىن اسكەري بولىمدەر مەن مەكەمەلەردىڭ وكىلدەرى اتتەستاتتاۋ كوميسسياسىنىڭ توراعاسى جانە ونىڭ ءبىر مۇشەسى بولىپ تابىلادى. 59. اتتەستاتتاۋ كوميسسياسى وتىرىستارىنىڭ ۇزاقتىعى كۇنىنە 6 ساعاتتان اسپاۋعا ءتيىس. 60. كادەتتەردى قورىتىندى اتتەستاتتاۋ جۇمىستىق وقۋ جوسپارىندا جانە اكادەميالىق كۇنتىزبەدە كوزدەلگەن مەرزىمدەردە وتكىزىلەدى. اتتەستاتتاۋ كوميسسياسى توراعاسىنىڭ شەشىمىمەن كادەتتەرگە قورىتىندى اتتەستاتتاۋدى جەكە گرافيك بويىنشا تاپسىرۋعا جول بەرىلەدى. 61. وقۋ ءبولىمى اتتەستاتتاۋ كوميسسياسىنا مىناداي قۇجاتتاردى: كادەتتەردى قورىتىندى اتتەستاتتاۋعا جىبەرۋ تۋرالى كادەت كورپۋسى باستىعىنىڭ بۇيرىعىنان ءۇزىندى كوشىرمەنى; جۇمىستىق وقۋ جوسپارىنىڭ پاندەرى بويىنشا ءپاننىڭ باعاسىن; كاسىپتىك پراكتيكا مەن تاعىلىمداما ءۇشىن باعالاردى; وقۋ باعدارلاماسىنا سايكەس قورىتىندى ەمتيحاندارعا شىعارىلاتىن سۇراقتار تىزبەسىن; كادەت كورپۋسىنىڭ باستىعى بەكىتكەن جانە ءتيىستى تسيكلدىڭ باستىعى قول قويعان ەمتيحان بيلەتتەرىنىڭ جيىنتىعىن ۇسىنادى. 62. كادەتتەردى قورىتىندى اتتەستاتتاۋ 100 بالدىق مەجە بويىنشا باعالاناتىن ارنايى پاندەر بويىنشا قورىتىندى ەمتيحاندار تاپسىرۋ نىسانىندا وتكىزىلەدى. 63. قورىتىندى ەمتيحاندار ءتيىستى تسيكل ازىرلەگەن, پەداگوگيكالىق كەڭەستە قارالعان, تاپسىرىس بەرۋشىمەن كەلىسىلگەن جانە كادەت كورپۋسىنىڭ باستىعى بەكىتكەن باعدارلامالار بويىنشا وتكىزىلەدى. 64. قورىتىندى ەمتيحان وتكىزۋ نىسانى مەن پاندەر تىزبەسىن پەداگوگيكالىق كەڭەس ايقىندايدى. 65. دايىندىققا جانە جاۋاپ بەرۋگە ارنالعان ۋاقىت قورىتىندى ەمتيحان باعدارلاماسىمەن ايقىندالادى. 66. قورىتىندى ەمتيحان بويىنشا 50 بالدان تومەن العان كادەتتەر اتتەستاتتاۋ كوميسسياسى توراعاسىنىڭ شەشىمىمەن ءبىر رەت جەكە گرافيك بويىنشا قايتا تاپسىرۋعا جىبەرىلەدى. 67. قورىتىندى ەمتيحاندى قايتا تاپسىرعان كەزدە 50 بالدان تومەن العان كادەتكە «ءبىلىم بەرۋ قىزمەتىندە ءبىلىم بەرۋ ۇيىمدارى پايدالاناتىن قاتاڭ ەسەپتەگى قۇجاتتاردىڭ نىساندارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم مينيسترلىگىنىڭ 2007 جىلعى 23 قازانداعى № 502 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4991 بولىپ تىركەلگەن) بەكىتىلگەن نىسان بويىنشا وقىتۋدىڭ تولىق كۋرسىن بىتىرگەنى تۋرالى انىقتاما بەرىلەدى. 68. اتتەستاتتاۋ كوميسسياسىنىڭ وتىرىسى اتتەستاتتاۋ كوميسسياسىنىڭ مۇشەلەرى قول قوياتىن ءتيىستى حاتتامامەن رەسىمدەلەدى. 69. جۇمىستىق وقۋ جوسپارىنىڭ بارلىق پاندەرىنىڭ كەمىندە 75 %-ى بويىنشا ەمتيحانداردى «ا», «ا-» دەگەن باعالارمەن, ال قالعان پاندەر بويىنشا – «ۆ+», «ۆ», «ۆ-» دەگەن باعالارمەن تاپسىرعان جانە بارلىق وقۋ كەزەڭى ىشىندە ەمتيحانداردى قايتا تاپسىرماعان كادەتتەرگە اتتەستاتتاۋ كوميسسياسىنىڭ شەشىمىمەن ۇزدىك ديپلوم بەرىلەدى. 70. جۇمىستىق وقۋ جوسپارىنىڭ بارلىق پاندەرىنىڭ كەمىندە 90 %-ى بويىنشا ەمتيحانداردى – «ا», «ا-» دەگەن باعالارمەن, ال قالعان پاندەر بويىنشا «ۆ+», «ۆ», «ۆ-» دەگەن باعالارمەن تاپسىرعان جانە بارلىق وقۋ كەزەڭى ىشىندە ەمتيحانداردى قايتا تاپسىرماعان كادەتتەرگە اتتەستاتتاۋ كوميسسياسىنىڭ شەشىمىمەن ۇزدىك ديپلوم بەرىلەدى, كادەت كورپۋسىنىڭ قۇرمەت تاقتاسىنا فوتوسۋرەتىن ىلۋمەن «اسكەري وقۋ ورنىن ۇزدىك بىتىرگەنى ءۇشىن» توسبەلگىسى بەرىلەدى. «اسكەري وقۋ ورنىن ۇزدىك بىتىرگەنى ءۇشىن» توسبەلگىسىمەن كادەت كورپۋسىن بىتىرگەن كادەتتەر قىزمەت ورنىن تاڭداۋدا باسىم قۇقىقتى پايدالانادى. 71. قورىتىندى ەمتيحاندار ناتيجەلەرى نەگىزىندە اتتەستاتتاۋ كوميسسياسى ءتيىستى بىلىكتىلىكتى بەرۋ جانە مەملەكەتتىك ۇلگىدەگى ديپلومدى بەرۋ نەمەسە ودان باس تارتۋ تۋرالى شەشىم قابىلدايدى. 72. قورىتىندى اتتەستاتتاۋ اياقتالعاننان كەيىن اتتەستاتتاۋ كوميسسياسىنىڭ توراعاسى ەكى اپتا مەرزىمدە ەسەپ بەرۋدى جاسايدى, وندا: كادەتتەردىڭ دايارلىق دەڭگەيى مەن ءبىلىم سيپاتتاماسى; وقۋ پاندەرىنىڭ جەكەلەگەن ماسەلەلەرى بويىنشا كادەتتەردى دايارلاۋداعى كەمشىلىكتەر; كاسىپقوي-سەرجانتتاردى دايارلاۋدى ودان ءارى جەتىلدىرۋ جونىندەگى ۇسىنىمدار كورسەتىلەدى. 73. جۇمىس اياقتالعاننان كەيىن اتتەستاتتاۋ كوميسسياسىنىڭ توراعاسى وسى قاعيدالارعا 10-قوسىمشاعا سايكەس نىسان بويىنشا ەسەپ بەرۋدى جاسايدى, ول كادەت كورپۋسى پەداگوگيكالىق كەڭەسىنىڭ وتىرىسىندا تالقىلانادى جانە ەكى اپتا مەرزىمدە ۇلتتىق قورعانىس ۋنيۆەرسيتەتىنە ۇسىنىلادى. ۇلتتىق قورعانىس ۋنيۆەرسيتەتى ەسەپ بەرۋگە تالداۋ جۇرگىزەدى جانە ونى ەكى اپتا مەرزىمدە بعد-عا ۇسىنادى. § 2 پاراگراف. كۋرسانتتارعا قورىتىندى اتتەستاتتاۋ جۇرگىزۋ ءتارتىبى 74. كۋرسانتتارعا ءاربىر بىلىكتىلىك بويىنشا قورىتىندى اتتەستاتتاۋ جۇرگىزۋ ءۇشىن اعىمداعى جىلعى ءبىرىنشى ماۋسىمعا دەيىن ءجاوو باستىعىنىڭ بۇيرىعىمەن كۇنتىزبەلىك ءبىر جىل مەرزىمگە كەمىندە بەس ادامنان تۇراتىن مەملەكەتتىك اتتەستاتتاۋ كوميسسياسى (بۇدان ءارى – ماك) قۇرىلادى. 75. ءاربىر ماك-تىڭ توراعالارى جانە ءبىر مۇشەسى اعىمداعى جىلعى 1 مامىرعا دەيىن بعد-نىڭ ۇسىنىسى بويىنشا قازاقستان رەسپۋبليكاسى قورعانىس ءمينيسترىنىڭ بۇيرىعىمەن بەكىتىلەتىن اسكەري بولىمدەر مەن مەكەمەلەردىڭ وكىلدەرى بولىپ تابىلادى. ءبىر ادامدى بىرنەشە ماك قۇرامىندا تاعايىنداۋعا جول بەرىلەدى. 76. كۋرسانتتاردى قورىتىندى اتتەستاتتاۋ جۇمىستىق وقۋ جوسپارىندا بەلگىلەنگەن نىساندار بويىنشا جۇرگىزىلەدى. قورىتىندى اتتەستاتتاۋدىڭ ۇزاقتىعى مەن مەرزىمدەرى اكادەميالىق كۇنتىزبەمەن ايقىندالادى. قورىتىندى اتتەستاتتاۋدى ماك توراعاسىنىڭ شەشىمى نەگىزىندە جەكە گرافيك بويىنشا جۇرگىزۋگە جول بەرىلەدى. 77. كۋرسانتتار جۇمىستىق وقۋ جوسپارىنا سايكەس 100 بالدىق مەجە بويىنشا باعالاناتىن كەشەندى مەملەكەتتىك ەمتيحانداردى تاپسىرادى جانە ديپلومدىق جۇمىستى (جوبانى) قورعايدى. 78. ءجاوو وقۋ-ادىستەمەلىك كەڭەسىنىڭ شەشىمى بويىنشا ديپلومدىق جۇمىستى (جوبانى) قورعاۋ ورنىنا بازالىق جانە/نەمەسە بەيىندىك پاندەر بويىنشا ەكى مەملەكەتتىك ەمتيحاندى تاپسىرۋعا جول بەرىلەدى. 79. كەشەندى مەملەكەتتىك ەمتيحان پاندەرىنىڭ تىزبەسى تاپسىرىس بەرۋشىمەن كەلىسۋ بويىنشا فاكۋلتەت وقۋ-ادىستەمەلىك كەڭەسىنىڭ شەشىمىمەن بەكىتىلەدى. 80. تەوريالىق وقىتۋدىڭ, كاسىپتىك پراكتيكانىڭ جانە اسكەري تاعىلىمدامانىڭ تولىق كۋرسىنان وتكەن كۋرسانتتار ول باستالعانعا دەيىن ەكى اپتادان كەشىكتىرىلمەي ءجاوو باستىعىنىڭ بۇيرىعىمەن قورىتىندى اتتەستاتتاۋعا جىبەرىلەدى. 81. وقۋ ءبولىمى ماك-قا مىناداي قۇجاتتاردى: كۋرسانتتاردى قورىتىندى اتتەستاتتاۋعا جىبەرۋ تۋرالى ءجاوو باستىعىنىڭ بۇيرىعىنان ءۇزىندى كوشىرمەنى; جۇمىس وقۋ جوسپارىنىڭ پاندەرى بويىنشا ءپاننىڭ باعاسىن; كاسىپتىك پراكتيكا مەن اسكەري تاعىلىمداما ءۇشىن باعالاردى; كەشەندى مەملەكەتتىك ەمتيحان مەن مەملەكەتتىك ەمتيحانعا شىعارىلاتىن سۇراقتار تىزبەسىن; ءجاوو باستىعى بەكىتكەن جانە ءتيىستى فاكۋلتەت باستىعى قول قويعان ەمتيحان بيلەتتەرىنىڭ جيىنتىقتارىن; كەشەندى مەملەكەتتىك ەمتيحان مەن مەملەكەتتىك ەمتيحاندا پايدالانۋ ءۇشىن كورنەكى قۇرالدار مەن انىقتامالىق سيپاتتاعى ماتەريالدار تىزبەسىن ۇسىنادى. 82. ماك-تىڭ قۇزىرەتىنە: 1) بىتىرۋشىلەردىڭ تەوريالىق جانە پراكتيكالىق دايارلىعىنىڭ بىلىكتىلىك تالاپتارىنا سايكەس كەلۋى دەڭگەيىن تەكسەرۋ; 2) ءتيىستى ماماندىق بويىنشا «باكالاۆر» دارەجەسىن بەرۋ, بىلىكتىلىكتى بەرۋ جانە جوعارى ءبىلىم تۋرالى مەملەكەتتىك ۇلگىدەگى ديپلومدى بەرۋ نەمەسە ودان باس تارتۋ تۋرالى شەشىم قابىلداۋ; 3) مامانداردى دايارلاۋ ساپاسىن جاقسارتۋ جونىندە ۇسىنىستار ەنگىزۋ كىرەدى. 83. وقۋ ءبولىمى ماك جۇمىسىنىڭ كەستەسىن جاسايدى, ونى ءجاوو باستىعى بەكىتەدى جانە ول ماك جۇمىسى باستالعانعا دەيىن ەكى اپتادان كەشىكتىرىلمەي جالپى مالىمەتكە جەتكىزىلەدى. 84. ماك وتىرىسىنىڭ ۇزاقتىعى كۇنىنە 6 اكادەميالىق ساعاتتان اسپاۋعا ءتيىس. بۇل رەتتە مەملەكەتتىك ەمتيحان تاپسىرۋعا كۇنىنە 15-تەن اسپايتىن, ال ديپلومدىق جۇمىستى قورعاۋعا – 10-نان اسپايتىن ادام جىبەرىلەدى. 85. ديپلومدىق جۇمىستى (جوبانى) قورعاۋعا جىبەرۋ جانە ونى قورعاۋ وسى قاعيدالارعا سايكەس جۇرگىزىلەدى. 86. ديپلومدىق جۇمىستى (جوبانى) پلاگيات مانىنە تەكسەرۋ ءتارتىبىن ءجاوو دەربەس ايقىندايدى. 87. ءاربىر كۋرسانتقا ديپلومدىق جۇمىستىڭ (جوبانىڭ) جەتەكشىسى بەكىتىلىپ بەرىلەدى جانە تاقىرىپتى كورسەتە وتىرىپ, ءجاوو باستىعىنىڭ بۇيرىعىمەن بەكىتىلەدى. 88. ديپلومدىق جۇمىستاردىڭ تاقىرىبى اعىمداعى وقۋ جىلى باستالعاننان كەيىن ءبىر اي ىشىندە فاكۋلتەتتىڭ وقۋ-ادىستەمەلىك كەڭەسىندە قارالادى, تاپسىرىس بەرۋشىمەن كەلىسىلەدى, ونى ءجاوو باستىعى بەكىتەدى جانە ءبىلىم جانە عىلىم دەپارتامەنتىنە جولدانادى. 89. ديپلومدىق جۇمىستى (جوبانى) رەتسەنزيالاۋدى تاپسىرىس بەرۋشى تاراپىنان اسكەري بولىمدەر مەن ۇيىمداردىڭ نەمەسە بىلىكتىلىگى قورعالاتىن ديپلومدىق جۇمىستىڭ (جوبانىڭ) تاقىرىبىنا سايكەس كەلەتىن وكىلدەرى جۇزەگە اسىرادى. ديپلومدىق جۇمىستاردىڭ (جوبالاردىڭ) رەتسەنزەنتتەرىن ءبىلىم جانە عىلىم دەپارتامەنتىنىڭ باستىعى بەكىتەدى. 90. ماماندىق بويىنشا كەشەندى مەملەكەتتىك ەمتيحان ەكى جانە ودان استام سيللابۋس نەگىزىندە ءجاوو ازىرلەگەن باعدارلاما بويىنشا وتكىزىلەدى. ماماندىق بويىنشا كەشەندى مەملەكەتتىك ەمتيحاننىڭ جانە بەيىندىك جانە/نەمەسە بازالىق پاندەر بويىنشا مەملەكەتتىك ەمتيحاننىڭ باعدارلامالارى اعىمداعى جىلعى ءبىرىنشى جەلتوقسانعا دەيىن فاكۋلتەتتىڭ وقۋ-ادىستەمەلىك كەڭەسىندە قارالادى, ول تاپسىرىس بەرۋشىمەن كەلىسىلەدى جانە ءجاوو باستىعى بەكىتەدى. 91. كەشەندى مەملەكەتتىك ەمتيحانعا جانە مەملەكەتتىك ەمتيحانعا شىعارىلاتىن سۇراقتار تىزبەلەرى فاكۋلتەتتىڭ وقۋ-ادىستەمەلىك كەڭەسىندە قارالادى, ونى ءجاوو باستىعى بەكىتەدى جانە اعىمداعى جىلعى ءبىرىنشى قاڭتارعا دەيىن كۋرسانتتارعا جەتكىزىلەدى. 92. كەشەندى مەملەكەتتىك ەمتيحاننىڭ جانە مەملەكەتتىك ەمتيحاننىڭ ەمتيحان بيلەتتەرى ءتيىستى سۇراقتار تىزبەسى نەگىزىندە جاسالادى, بۇل رەتتە ەمتيحان بيلەتتەرى جيىنتىقتارىنىڭ سانى وقۋ توپتارىنىڭ سانىنا سايكەس كەلۋگە ءتيىس. ءاربىر ەمتيحان بيلەتى 3-5 سۇراقتان تۇرادى, ونىڭ 1-2-ەۋى پراكتيكالىق سۇراقتار. ەمتيحان بيلەتىنىڭ ءبىر جيىنتىعىنداعى سۇراقتار قايتالانبايدى. ءبىر جيىنتىعىنداعى ەمتيحان بيلەتتەرىنىڭ سانى توپتاعى ءبىلىم الۋشىلار سانىنان 20 %-عا ارتىق بولادى. ەمتيحان بيلەتتەرىنىڭ مازمۇنى كۋرسانتتارعا الدىن الا جەتكىزىلمەيدى, ولاردى قايتا پايدالانۋعا جول بەرىلمەيدى. 93. ماك وتىرىستارى ءار كۋرسانتقا وسى قاعيدالارعا 11-13-قوسىمشالارعا سايكەس نىسان بويىنشا حاتتامامەن رەسىمدەلەدى. 94. شەشىم قابىلداۋ ءۇشىن كۆورۋم توراعانى قوسا العاندا, ماك قۇرامىنىڭ كەمىندە 2/3 بولىگىن قۇرايدى. 95. كەشەندى مەملەكەتتىك ەمتيحان, مەملەكەتتىك ەمتيحان تاپسىرۋ جانە ديپلومدىق جۇمىستى (جوبانى) قورعاۋ ناتيجەلەرى ولاردى وتكىزگەن كۇنى ماك وتىرىسىنىڭ حاتتامالارىنا قول قويىلعاننان كەيىن جاريالانادى. 96. ماك شەشىمى جابىق وتىرىستا اشىق داۋىس بەرۋمەن, قاراپايىم كوپشىلىك داۋىسپەن قابىلدانادى. داۋىستار سانى تەڭ بولعان كەزدە ماك توراعاسىنىڭ داۋىسى شەشۋشى بولىپ تابىلادى. قورىتىندى اتتەستاتتاۋدان وتكەن كۋرسانتقا ماك شەشىمىمەن بىلىكتىلىك بەرۋمەن ءتيىستى ماماندىق بويىنشا «باكالاۆر» دارەجەسى جانە قوسىمشاسى بار مەملەكەتتىك ۇلگىدەگى ديپلوم بەرىلەدى. 97. كەشەندى مەملەكەتتىك ەمتيحاندى, مەملەكەتتىك ەمتيحاندى قايتا تاپسىرۋ جانە ديپلومدىق جۇمىستى (جوبانى) قايتا قورعاۋ رۇقسات ەتىلمەيدى. كەشەندى مەملەكەتتىك ەمتيحاندا نەمەسە مەملەكەتتىك ەمتيحاندا نەمەسە ديپلومدىق جۇمىستى (جوبانى) قورعاۋدا 50 بالدان از العان كۋرسانتتار وقۋدان شىعارىلۋعا ءتيىس. 98. كۋرسانت ديپلومىنىڭ قوسىمشاسى قورىتىندى اتتەستاتتاۋ ناتيجەلەرىنە, ءپان بويىنشا العان باعالارىنا, كۋرستىق جۇمىستارى (جوبالارى) بويىنشا, كرەديتتەر مەن اكادەميالىق ساعاتتار كولەمىن كورسەتە وتىرىپ, كاسىپتىك پراكتيكا مەن تاعىلىمداما تۇرلەرى بويىنشا باعالارىنا سايكەس تولتىرىلادى. 99. بارلىق ەمتيحاندار مەن قورعاۋلاردا «ا», «ا-», «ۆ+», «ۆ», «ۆ-» باعالارىن العان, بارلىق وقۋ كەزەڭى ءۇشىن ۇلگەرىمىنىڭ ورتاشا بالى 3,5-تەن تومەن ەمەس جانە بارلىق وقۋ كەزەڭىندە ەمتيحانداردى قايتا تاپسىرۋ بولماعان, سونداي-اق قورىتىندى اتتەستاتتاۋدى «ا», «ا-» باعالارىنا تاپسىرعان كۋرسانتتارعا ماك شەشىمىمەن مەملەكەتتىك ۇلگىدەگى ۇزدىك ديپلوم بەرىلەدى. 100. بارلىق ەمتيحاندار مەن قورعاۋلاردا «ا», «ا-» باعالارىن العان, بارلىق وقۋ كەزەڭى ءۇشىن ۇلگەرىمىنىڭ ورتاشا بالى 3,7-دەن تومەن ەمەس جانە بارلىق وقۋ كەزەڭىندە ەمتيحانداردى قايتا تاپسىرۋ بولماعان, سونداي-اق قورىتىندى اتتەستاتتاۋدى «ا», «ا-» باعالارىنا تاپسىرعان كۋرسانتتارعا ماك شەشىمىمەن ۇزدىك ديپلوم بەرىلەدى, سۋرەتىن ءجاوو-نىڭ قۇرمەت تاقتاسىنا ىلۋمەن «اسكەري وقۋ ورنىن ۇزدىك بىتىرگەنى ءۇشىن» توسبەلگىسى بەرىلەدى. ءجاوو-نى «اسكەري وقۋ ورنىن ۇزدىك بىتىرگەنى ءۇشىن» توسبەلگىسىمەن بىتىرگەن كۋرسانتتار قىزمەت ورنىن تاڭداۋدا باسىم قۇقىقتى پايدالانادى. 101. جۇمىستىڭ اياقتالۋى بويىنشا ماك توراعاسى وسى قاعيدالارعا 14-قوسىمشاعا سايكەس نىسان بويىنشا ەسەپ بەرۋدى جاسايدى, ول ءجاوو-نىڭ وقۋ-ادىستەمەلىك كەڭەسىنىڭ وتىرىسىندا تالقىلانادى جانە ەكى اپتا مەرزىم ىشىندە ۇلتتىق قورعانىس ۋنيۆەرسيتەتىنە ۇسىنىلادى. ۇلتتىق قورعانىس ۋنيۆەرسيتەتى بارلىق ءجاوو-لاردىڭ ەسەپ بەرۋلەرىن قورىتىندىلايدى, تالداۋ جۇرگىزەدى جانە ەكى اپتا مەرزىمىندە بعد-عا ۇسىنادى. 102. ديپلومدىق جۇمىس (جوبا) الدىنالا قورعاۋ راسىمىنەن ءوتۋ ءۇشىن وقۋدى ءبىتىرتىپ شىعاراتىن كافەدراعا ۇسىنىلادى. 103. ديپلومدىق جۇمىستى الدىن الا قورعاۋ ءراسىمى كۋرسانتتاردىڭ جانە جەتەكشىسىنىڭ قاتىسۋىمەن كافەدرانىڭ اشىق وتىرىسىندا وتكىزىلەدى. الدىن الا قورعاۋ كافەدراسى وتىرىسىنىڭ حاتتاماسىمەن رەسىمدەلەدى. 104. الدىن الا قورعاۋدان تابىستى وتكەن ديپلومدىق جۇمىسقا كۋرسانت قول قويادى جانە جەتەكشىسىنە ۇسىنادى. جەتەكشى پىكىردى جانە كۋرسانتتى قورعاۋعا جىبەرۋ تۋرالى قورىتىندىنى دايىندايدى. جەتەكشى تەرىس قورىتىندى بەرگەن كەزدە كۋرسانت قورعاۋعا جىبەرىلمەيدى. 105. وقۋدى ءبىتىرتىپ شىعاراتىن كافەدرا قورعاۋعا ۇسىنعان ديپلومدىق جۇمىس رەتسەنزياعا تاپسىرىلادى. 106. رەتسەنزەنت ديپلومدىق جۇمىسقا جازباشا رەتسەنزيا ۇسىنادى, وندا زەرتتەلگەن تاقىرىپتىڭ وزەكتىلىگى, جاڭاشىلدىعى مەن ءىس جۇزىندەگى ماڭىزدىلىعى, ديپلومدىق زەرتتەۋ تاقىرىبىنىڭ مامان دايارلاۋ بەيىنىنە, بەرىلەتىن اكادەميالىق دارەجە مەن بەرىلەتىن بىلىكتىلىككە سايكەس كەلۋى, زەرتتەۋدى دەربەس جۇرگىزگەنى, قورىتىندىلار مەن ۇسىنىستاردىڭ بولۋى, پروبلەمانى شەشۋ مەن زەرتتەۋدىڭ اياقتالۋ دەڭگەيى كورسەتىلەدى. رەتسەنزيادا بالدىق-رەيتينگىلىك جۇيە بويىنشا باعاسى جانە ءتيىستى اكادەميالىق دارەجە مەن بىلىكتىلىكتى بەرۋ مۇمكىندىگى كورسەتىلگەن قورىتىندى بەرىلەدى. 107. عىلىمي جەتەكشى قورعاۋعا جىبەرگەن, بىراق رەتسەنزەنت F «قاناعاتتانارلىقسىز» باعاسىمەن باعالاعان ديپلومدىق جۇمىس جالپى شارتتاردا قورعالادى. 108. فاكۋلتەت باستىعى قورعاۋعا دەيىن بەس كۇن بۇرىن كەشىكتىرمەي وقۋدى ءبىتىرتىپ شىعارۋ كافەدراسىنىڭ باستىعىن جانە ديپلوم جازعان كۋرسانتتى رەتسەنزيامەن تانىستىرادى جانە پىكىرمەن جانە رەتسەنزياسىمەن بىرگە ديپلومدىق جۇمىستى قورعاۋ ءۇشىن ماك-قا جولدايدى. ماك-قا سونىمەن قاتار ورىندالعان ديپلومدىق جۇمىستىڭ عىلىمي جانە پراكتيكالىق قۇندىلىعىن سيپاتتايتىن ماتەريالدار, رەسمي ەمەس سىن-پىكىرلەر, ديپلومدىق جۇمىستىڭ (جوبانىڭ) بەيىنى بويىنشا پراكتيكالىق قىزمەتتى جۇزەگە اسىراتىن ۇيىمداردىڭ جازباشا قورىتىندىلارى, عىلىمي زەرتتەۋ ناتيجەلەرىن ەنگىزۋ انىقتامالارى نەمەسە اكتىلەرى, ماكەتتەر, ماتەريالداردىڭ, بۇيىمداردىڭ ۇلگىلەرى جانە ت.ب. ۇسىنىلادى. 109. ديپلومدىق جۇمىستى قورعاۋ كۋرسانتتىڭ قالاۋى بويىنشا قازاق نەمەسە ورىس تىلىندە وتكىزىلەدى. كۋرسانت كافەدرانىڭ ۇسىنىسى بويىنشا شەت ءتىلىنىڭ بىرىندە ديپلومدىق جۇمىستىڭ قىسقاشا مازمۇنىن قوسىمشا ۇسىنۋىنا بولادى, ول قورعاۋدا جاريالانادى. 110. ديپلومدىق جۇمىستى قورعاۋ ەلەكتروندىق رەسۋرستاردى پايدالانۋمەن مۋلتيمەديالىق پرەزەنتاتسيا تۇرىندە جۇزەگە اسىرىلادى. 111. ديپلومدىق جۇمىستى قورعاۋ ماك-تىڭ اشىق وتىرىسىندا وتكىزىلەدى. ماك جۇمىسىنا ونىڭ مۇشەلەرىنىڭ كەمىندە 2/3 (ۇشتەن ەكى) بولىگى قاتىسقان, وتىرىسقا كوميسسيا توراعاسى قاتىسقان ماك وتىرىسى زاڭدى بولىپ سانالادى. 112. ديپلومدىق جۇمىستى قورعاۋ كۋرسانتتاردىڭ, وقۋدى ءبىتىرتىپ شىعارۋ كافەدراسى وقىتۋشىلارىنىڭ قاتىسۋىمەن جاريا تۇردە ۇيىمداستىرىلادى. قورعاۋعا بازاسىندا ديپلومدىق زەرتتەۋ جۇرگىزىلگەن ۇيىمنىڭ باسشىسى, وكىلدەرى جانە باسقا دا مۇددەلى ادامدار شاقىرىلۋى مۇمكىن. 113. ءبىر ديپلومدىق جۇمىستى قورعاۋ ۇزاقتىعى ءبىر كۋرسانتقا 30 مينۋتتان اسپايدى. 114. ديپلومدىق جۇمىستى قورعاۋ ءۇشىن كۋرسانت ماك الدىندا بايانداۋمەن كەمىندە 15 مينۋت ءسوز سويلەيدى. 115. قاجەت بولعان كەزدە ديپلومدىق جۇمىستى تالقىلاۋعا سۇراق قويۋ نەمەسە ءسوز سويلەۋ تۇرىندە بارلىق قاتىسۋشىلار قاتىسادى. 116. ديپلومدىق جۇمىستى تالقىلاعاننان كەيىن كوميسسيا حاتشىسى پىكىر (جەتەكشى قاتىسقان جاعدايدا ءوزى جەكە ءسوز سويلەيدى) مەن رەتسەنزيانى وقيدى. پىكىردە جانە/نەمەسە رەتسەنزيادا ەسكەرتۋلەر بولعان كەزدە ونى كۋرسانت تۇسىندىرەدى. 117. ديپلومدىق جۇمىسقا باعا قويۋ كەزىندە تەوريالىق, عىلىمي جانە پراكتيكالىق دايىندىعىنىڭ دەڭگەيى, جەتەكشىسىنىڭ پىكىرى جانە رەتسەنزەنتتىڭ باعاسى نازارعا الىنادى. § 3 پاراگراف. ماگيسترانتتاردى قورىتىندى اتتەتاتتاۋدان وتكىزۋ ءتارتىبى 118. ءاربىر بىلىكتىلىك بويىنشا ماگيسترانتتاردى قورىتىندى اتتەستاتتاۋدى وتكىزۋ ءۇشىن اعىمداعى جىلعى ءبىرىنشى مامىرعا دەيىن ۇلتتىق قورعانىس ۋنيۆەرسيتەتى باستىعىنىڭ بۇيرىعىمەن ءبىر كۇنتىزبەلىك جىل مەرزىمىنە ماك قۇرىلادى, ول كەمىندە جوعارى وقۋ ورنىنان كەيىنگى ءبىلىمى بار بەس ادامنان تۇرادى. 119. ءاربىر ماك-تىڭ توراعاسى مەن ءبىر مۇشەسى سىرتقى وكىلدەر بولىپ تابىلادى, ولار اعىمداعى جىلعى 1 ساۋىرگە دەيىن ءبىلىم جانە عىلىم دەپارتامەنتىنىڭ ۇسىنىسى بويىنشا قازاقستان رەسپۋبليكاسى قورعانىس ءمينيسترىنىڭ بۇيرىعىمەن بەكىتىلەدى. ءبىر ادامدى بىرنەشە ماك قۇرامىنا تاعايىنداۋعا رۇقسات ەتىلەدى. 120. ماگيسترانتتاردى قورىتىندى اتتەستاتتاۋ جۇمىستىق وقۋ جوسپارىندا بەلگىلەنگەن نىساندار بويىنشا جۇرگىزىلەدى. قورىتىندى اتتەستاتتاۋ ۇزاقتىعى مەن مەرزىمى اكادەميالىق كۇنتىزبە بويىنشا ايقىندالادى. قورىتىندى اتتەستاتتاۋدى ماك توراعاسىنىڭ شەشىمى