قازاقستان پرەزيدەنتى يزرايل مەملەكەتىنىڭ ەلشىلىگىندە بولدى

مەملەكەت باسشىسى ەلشىلىكتە ءيزرايلدىڭ بۇرىنعى پرەزيدەنتى شيمون پەرەستىڭ رۋحىنا ارناپ گۇل شوعىن قويىپ, كوڭىل ايتۋ كىتابىنا جازبا قالدىردى. بۇل تۋرالى پرەزيدەنتتىڭ ءباسپاسوز قىزمەتى حابارلادى. نۇرسۇلتان نازارباەۆ ورنى تولماس قايعىعا بايلانىستى يزرايل حالقىنا بارشا قازاقستاندىقتاردىڭ جانە جەكە ءوزىنىڭ اتىنان كوڭىل ايتتى. – ءبىزدى بايىرعى دوستىق قارىم-قاتىناستار بايلانىستىردى. شيمون پەرەس ءوز ءومىرىن حالقىنا قالتقىسىز قىزمەت ەتۋگە ارناعان كورنەكتى تۇلعا ەدى. ول شىن مانىندە ۇلى پرەزيدەنت بولا ءبىلدى, ونىڭ ەسىمى يزرايل حالقىنىڭ جادىندا ءاردايىم ساقتالادى. ول الەمدىك اۋقىمداعى كوشباسشى بولدى. تاياۋ شىعىستاعى قاقتىعىستاردى رەتتەۋ ىسىندەگى ش.پەرەستىڭ ۇلەسىنە باعا جەتپەيدى. ونىڭ بەيبىتشىلىككە قول جەتكىزۋگە جانە ساقتاپ قالۋعا باعىتتالعان قىزمەتىن الەمدىك قوعامداستىق جوعارى باعالادى. ەلدەرىمىزدىڭ ەكىجاقتى قارىم-قاتىناسىن دامىتۋ ءۇشىن دە ول كوپ نارسە تىندىردى, – دەدى ەلباسى. سوڭىندا قازاقستان پرەزيدەنتى يزرايل حالقىنا اماندىق پەن باق-بەرەكە تىلەدى.