حالىقارالىق گۋمانيتارلىق فورۋمعا قاتىستى

قازاقستان رەسپۋبليكا­سى­نىڭ مەملەكەتتىك حاتشىسى گۇل­شارا ابدىقالىقوۆا V باكۋ حالىقارالىق گۋمانيتارلىق فورۋمىنا قاتىستى, دەپ حابارلادى پرەزيدەنتتىڭ ءباسپاسوز قىزمەتى. ءىس-شاراعا الەمنىڭ 100-دەن استام ەلىنىڭ مەملەكەتتىك قۇرى­لىمدارىنىڭ وكىلدەرى, نوبەل سىي­لىعىنىڭ لاۋرەاتتارى, بەل­گىلى عىلىم, مادەنيەت جانە ونەر قاي­راتكەرلەرى, ساراپشىلار قو­عام­داستىعى وكىلدەرى قاتىستى. فورۋمنىڭ اشىلۋ سالتاناتىندا ازەربايجان رەسپۋب­لي­كاسىنىڭ پرەزيدەنتى ي.اليەۆ, سونداي-اق بۇۇ, يۋنەسكو جانە يسەسكو وكىلدەرى قۇتتىقتاۋ ءسوز سويلەدى. فورۋمنىڭ پلەنارلىق وتى­­رى­­سىندا ءسوز سويلە­گەن گ.ءاب­دى­­قا­لىقوۆا «V باكۋ حال­ى­قارا­لىق گۋماني­تار­­لىق فورۋمى – قوعامنىڭ قاي با­عىتتا دامىپ جاتقانىنا ءتۇسى­­نىكتەمە بەرەتىن الەمدىك اۋقىم­­داعى شارا» دەپ اتاپ ءوتتى. مۇندا ححI عاسىر­­دىڭ جا­ھان­دىق سىن-قاتەرلەرى­نە جا­ۋاپ ءىز­دەستىرىلەدى. گ.ابدىقالىقوۆا قازىرگى زا­مان­نىڭ باستى پروبلەماسى حا­لىق­تار اراسىنداعى سە­نىم مەن ءوزارا تۇسىنىستىكتىڭ جوق­تى­­عى ەكەنىن ايتتى. ول فو­رۋم­­­عا قا­تىسۋ­شىلار نازارىن قازاق­ستان رەسپۋبليكاسىنىڭ پرە­زي­­دەن­تى نۇرسۇلتان نازارباەۆتىڭ الەم­دىك اپاتتاردىڭ ال­دىن الۋعا ارنالعان نەگىزگى قاعي­دات­تاردى قامتىعان «الەم. ءححى عاسىر» اتتى مانيفەسىنە اۋداردى. باكۋ فورۋمى اياسىندا گۇل­شارا ابدىقالىقوۆا ازەر­باي­جان رەسپۋبليكاسى ميل­لي مەدج­ليسىنىڭ توراعاسى و.اسادوۆپەن كەزدەستى. وندا قازاق­ستان-ازەر­بايجان قا­رىم-قاتىناسى دامۋى­نىڭ جوعا­رى قارقىنى اتاپ ءوتىلدى. گ.ابدىقالىقوۆا قازاقستان پرە­زي­دەنتى ن.ءا.نازارباەۆ­تىڭ ازەر­باي­جانعا بيىلعى رەسمي ساپارى ەكىجاقتى قارىم-قاتىناستار سالا­سىن­داعى ماڭىزدى وقيعا بولا­تىنىن ايتتى. مەملەكەتتىك حات­شى قازاقستاننىڭ باس­تا­مالارىنا قولداۋ كورسەتىپ, سونداي-اق  استانادا وتەتىن «ەكسپو-2017» حالىقارالىق كور­مەسىنە دايىندىققا ارنال­عان ءىس-شارالارعا بەلسەنە قا­تىسىپ وتىرعانى ءۇشىن ازەر­باي­جان تاراپىنا شىنايى ريزا­شىلىعىن ءبىلدىردى. سول كۇنى قازاقستان رەسپۋب­ليكا­سىنىڭ مەملەكەتتىك حات­شىسى گ.ابدىقالىقوۆا ازەر­باي­جان رەسپۋبليكاسىنىڭ ءبىرىن­شى حانىمى, گەيدار اليەۆ قورى­نىڭ پرەزيدەنتى مەحريبان اليەۆامەن كەزدەستى. كەزدەسۋ بارىسىندا مەملەكەتتىك حاتشى ەلدەرىمىز اراسىنداعى قارىم-قاتىناستار قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ باكۋگە 2005 جىلعى مامىر ايىنداعى رەسمي ساپارىنىڭ قورىتىندىسى بو­يىنشا قول قويىلعان سترا­تەگيالىق سەرىكتەستىك جانە وداقتاستىق قارىم-قاتىناستار تۋرالى كەلىسىمگە سايكەس دامىپ كەلە جاتقانىن اتاپ كورسەتتى. سونىمەن قاتار, باكۋگە ساپار اياسىندا «قازاقستان-ازەرباي­جان» دوستىق قوعامى­نىڭ, بيزنەس وكىلدەرىنىڭ, وتانداستاردىڭ گ.ابدىقالىقوۆامەن قازاقستان رەسپۋبليكاسىنىڭ 25 جىلدى­عىنا ارنالعان كەزدەسۋى جوسپار­لانعان. بۇدان بولەك, فورۋم اياسىندا ول ازەربايجاننىڭ رەسمي تۇلعالارىمەن, ىسكەر توپتارى وكىلدەرىمەن دە بىرقاتار كەزدەسۋ وتكىزەدى. جالپى, فورۋم اياسىندا مۋلتيكۋلتۋراليزمدى دامىتۋ, ادامداردىڭ جاپپاي قونىس اۋىستىرۋى جاعدايىندا ادامي كاپيتالدى ساقتاپ قالۋ, ورنىقتى دامۋ ماسەلەلەرىن قامتيتىن القالى جيىندار ۇيىمداستىرىلاتىن بولادى. ءىس-شارا قورىتىندىسى بويىن­شا V باكۋ حالىقارالىق گۋ­ما­ني­تارلىق فورۋمىنىڭ دەك­لاراتسياسى قابىلدانادى دەپ جوسپارلانۋدا.