جەكەشەلەندىرۋدەن تۇسكەن 7 ملرد تەڭگە رەسپۋبليكالىق بيۋدجەتكە قۇيىلدى

كەشە پرەزيدەنت جانىن­داعى ورتالىق كوممۋني­كاتسيالار قىزمەتىندە «جەكە­شەلەندىرۋدىڭ ەكىنشى تولقىنىنىڭ» جۇزەگە اسىرىلۋ بارىسى تۋرالى ءباسپاسوز ءماسليحاتى ءوتتى. وعان قارجى مينيسترلىگى مەملەكەتتىك م ۇلىك جانە جەكەشەلەندىرۋ كوميتەتىنىڭ  توراعاسى ەدۋارد وتەپوۆ, رەسپۋبليكالىق مەنشىك نىساندارىن ساتۋ جانە جەكەشەلەندىرۋدەن كەيىنگى باقىلاۋ باسقارماسى باسشىسى داۋلەتباي شاعىروۆ, «اقپاراتتىق-ەسەپتەۋ ورتالىعى» اق باسقارما توراعاسى جاناسىل وسپانوۆ قاتىستى. ولار جەكەشەلەندىرۋ جۇمىستارىنىڭ وسى كەزەڭگە دەيىنگى ناتيجەلەرىن جاريالاپ, ساتىلعان نىساندار تۋرالى اقپاراتتارمەن ءبولىستى. 2014-2016 جىلدارعا ارنالعان ساتۋ كەستەسىنە سايكەس ساتۋعا 622 نى­­سان جوسپارلانعان. ال تامىزعا دەيىنگى كەزەڭدە 523 نىساندى جەكە­شەلەندىرۋ جوسپارلانعان ەكەن. الاي­دا, 26 قىركۇيەكتەگى جاعداي بويىنشا ءىس جۇزىندە ساۋداعا 509 نىسان شىعارىلىپ, ونىڭ 314-ءى ساتىلدى. «ونىڭ ىشىندە رەسپۋبليكالىق مەنشىك بويىنشا – 19, كوممۋنالدىق مەنشىك بويىنشا – 157, الەۋمەتتىك كاسىپكەرلىك كورپوراتسيالار بويىنشا – 81, حولدينگتەر بويىنشا 57 نىسان بار», دەدى ە.وتەپوۆ. بۇل رەتتە ساتۋدان تۇسكەن قاراجاتتىڭ 7 ملرد تەڭگەسى رەسپۋبليكالىق بيۋد­جەتكە, 5,1 ملرد تەڭگەسى وب­لىستىق بيۋدجەتتەر­گە, 68,1 ملرد تەڭگەسى حولدينگتەرگە, 6,4 ملرد تەڭگەسى الەۋمەتتىك كاسىپكەرلىك كور­پوراتسيالارعا قۇيىلدى. رەسپۋبليكالىق مەنشىك بو­يىن­شا 2014 جىلدىڭ ماۋسىمىنان 2016 جىلدىڭ قىركۇيەگىنە دەيىنگى كەزەڭدە ساتۋعا 27 نىسان جوس­پارلانعان. اعىمداعى جىلدىڭ 28 قىركۇيەگىندەگى جاعداي بويىنشا ساۋدا-ساتتىققا 27 نىسان شىعا­رىلىپ, ونىڭ 19-ى ساتىلعان. ال كوممۋنالدىق مەنشىك بويىنشا 273 نىسان جەكەشەلەندىرۋگە جاتادى. ءىس جۇزىندە 28 قىركۇيەكتەگى جاع­داي بويىنشا 254 نىسان ساۋداعا شى­عا­رىلىپ, ونىڭ ىشىندە 157 نىسان ساتىلعان. الەۋمەتتىك-كاسىپكەرلىك كورپو­راتسيالار بويىنشا 105 نىسان جە­كەشەلەندىرۋگە جاتادى. بۇل رەتتە 104 نىسان ساتۋعا قويىلىپ, ونىڭ 81-ءى ساتىلىپ كەتكەن. ۇلتتىق كومپانيالار مەن حولدينگتەر بويىنشا 28 قىركۇيەكتەگى جاعداي بويىنشا ساتۋعا جوسپارلانعان 136 نىساننىڭ 124-ءى ساۋدا-ساتتىققا شىعارىلىپ, ونىڭ 57-ءسى ساتىلعان. دينارا بىتىكوۆا, «ەگەمەن قازاقستان»