ەرلەر ءتىزىمىن تولىقتىرعان ەڭبەك

مينسك قالاسىندا قازاقستان تاۋەلسىزدىگىنىڭ 25 جىلدىعى ءىس-شاراسى اياسىندا قازاقستاننىڭ بەلارۋستەگى ەلشىلىگىنىڭ ۇيىمداستىرۋىمەن بەلارۋس رەسپۋبليكاسىنىڭ ۇلتتىق كىتاپحاناسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى, تاريح عىلىمدارىنىڭ دوكتورى ل.س.احمەتوۆانىڭ «1941. برەست قامالى. قازاقستان» اتتى كىتابىنىڭ اۆتوردىڭ قاتىسۋىمەن تۇساۋكەسەرى ءوتتى. تۇساۋكەسەرگە بەلارۋس رەسپۋب­ليكاسى ۇلتتىق جينالىسىنىڭ دە­پۋتاتتارى, ساياسات جانە قوعام قاي­رات­كەرلەرى, سونىڭ ىشىندە قا­زاقستاننىڭ دوستار كلۋبىنىڭ مۇشەلەرى, اكادەميالىق توپتار مەن قازاق دياسپوراسىنىڭ وكىل­دە­رى, جەرگىلىكتى تاريحشىلار, جازۋشى­لار مەن جۋرناليس­تەر, سونداي-اق قازاقستاندىق كۋرسانتتار قاتىستى. ءوزىنىڭ سوزىندە قازاقستان­­نىڭ بەلارۋستەگى ەلشىسى ە.بولەگە­نوۆ اتالعان ەڭبەكتىڭ قازاقستان ءتا­ۋەلسىزدىگىنىڭ 25 جىلدىعى قارساڭىندا جارىق كورۋىنىڭ نى­شاندىق ءمانى بار ەكەنىن ايتىپ, ل.احمەتوۆانىڭ كىتا­بى ۇلى وتان سوعىسى تاريحىن زەرت­تەۋدەگى «اقتاڭداقتاردى» جويۋ­عا ۇلكەن ۇلەس قوساتىندىعىن اتاپ ءوتتى. سوعىستىڭ اسا اۋىر باس­تاپقى كەزەڭىندە قازا تاپقان سان مىڭداعان قازاقستاندىق­­تىڭ اتتارى بەلگىسىز بولىپ كەلدى. ال عالىمنىڭ جاڭا ەڭبەگى كۇنى بۇگىنگە دەيىن اتتارى بەلگىسىز برەست قامالىن قورعاۋشىلاردىڭ ءتىزىمىن ايتارلىقتاي, ياعني 556 قازاقستاندىققا تولىقتىرىپ وتىرسا, ولاردىڭ جارتىسى – قازاقتار. قامالدى قورعاعان بار­لىق 7 مىڭ جاۋىنگەردىڭ شامامەن 1 مىڭى قازاقستاننان شاقىرىلعاندار بولىپ تابىلادى. ل.احمەتوۆانىڭ كۇش-جىگەرى­نىڭ ارقاسىندا قازاقستاندىق جاۋىنگەرلەردىڭ كوپ­شىلىگىنىڭ اتتارى بەلگىلى بولىپ وتىر. ولار­دىڭ اراسىندا ءىز-ءتۇزسىز كەتكەندەر دە بار. ءبىزدىڭ ەلدەرىمىز ەۋرازيا­لىق ەكونوميكالىق وداققا بىرىگىپ وتىرعان جاعدايدا كىتاپتىڭ وزەكتىلىگى ارتا تۇسەدى. بارلىق سويلەگەندەر, سو­نىڭ ىشىندە بەلارۋس ۇلتتىق كىتاپ­حاناسىنىڭ ديرەكتورى ر.س.ماتۋلسكي, بەلارۋس رەس­پۋبليكاسى مقك ارداگەرلەر كەڭەسىنىڭ توراعاسى, پولكوۆ­نيك ا.پ.ۆاسيلەۆ جانە باس­قالار قازاقستان مەن بەلارۋس حالىقتارىنىڭ باۋىرلاس­­تىق تامىرى تەرەڭدە ەكەنىن اتاپ كور­سەتىپ جاتتى. ال اۆتور تۇساۋ­كەسەردى ۇيىمداستىرعان قازاق­ستاننىڭ ەلشىلىگى مەن بار­لىق قاتىسۋشىلارعا شىنايى ال­عىسىن ءبىلدىرىپ, بەلارۋستىڭ كىتاپحانالارى مەن كىتاپ قور­لارىنا كىتاپتىڭ 200 داناسىن سىيعا تارتتى. ءىس-شارا اياسىندا ۇلتتىق كىتاپحانادا, سونداي-اق ەل­شى­لىك تاراپىنان قازاقستان تاۋەل­سىزدىگىنىڭ 25 جىلدىعىنا ارنالعان, قازىرگى قازاقستاننىڭ جە­تىستىكتەرىن, سونىمەن بىرگە پرەزيدەنت ن.ءا.نازارباەۆتىڭ يادروعا قارسى باستامالارىن اي­شىقتايتىن فوتوكورمە ۇيىم­داستىرىلدى. «ەگەمەن-اقپارات»