قازاقستان-گرەكيا: تولىق تۇسىنىستىك قالىپتاسقان ەلدەر

استانادا قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو مەن گرەكيا سىرتقى ىستەر ءمينيسترىنىڭ ورىنباسارى ديميتريوس مارداستىڭ توراعالىعىمەن قازاقستان-گرەكيا ۇكىمەتارالىق كوميسسياسىنىڭ 3-ءشى ءماجىلىسى بولىپ ءوتتى. بۇل كوميسسيا ەكو­نو­ميكالىق جانە تەحنو­لو­گيا­لىق ىنتىماقتاستىق­تاردى قاراستىرادى. ال ءما­جىلىس بارىسىندا تاراپتار ەكىجاقتى ىنتىماقتاستىقتى ينۆەستيتسيالار, كولىك, تۋريزم, اۋىل شارۋاشىلىعى جانە دەنساۋلىق ساقتاۋ سالالارىندا كەڭەيتۋ تۋرالى ۋاع­دالاستى. ر.ۆاسيلەنكو ەكى ەل نارىقتارىندا قالىپ­تاسقان وڭتايلى جاعدايلار ايا­سىندا قازاقستان مەن گرە­كيا اراسىنداعى ءوزارا ءىس-قي­مىل ساپالىق جاڭا دەڭگەيگە شىعۋ ءۇشىن زور مۇمكىندىككە يە ەكەنىن اتاپ ءوتتى. «قازاقستان گرەكيا ءۇشىن ورتالىق ازياداعى نە­گىز­­گى ءارىپ­تەس بولىپ تابى­لادى. سون­داي-اق, گرە­كيا قا­زاق­­ستان ارقىلى ەۋرا­زيا­­­لىق ەكونوميكالىق وداق ەل­دەرىمەن بايلانىسقا شىعا الا­دى. سونىمەن بىرگە, گرە­كيا دا قازاقستان ءۇشىن بال­قان تۇبەگىندەگى نەگىزگى ءارىپ­تەس سانالادى», دەپ اتاپ كور­سەتتى ر.ۆاسي­لەنكو. ءوز كەزەگىندە, د.مارداس قا­زاق­ستانمەن نارىقتىق جانە ەكونوميكالىق قاتى­ناس­­تاردى دامىتۋ ۇلكەن الەۋ­­ەتكە يە ەكەنىن اتاپ ءوتىپ, ەكو­نوميكالىق ىنتىماق­تاس­تىقتى نىعايتۋ ساياسي ماسە­لەلەردى وڭ شەشۋگە دە ىقپال ەتەتىنىن ايتتى. قازاقستان سىرتقى ىستەر ءمينيسترى ەرلان ىدىرى­سوۆتىڭ قابىلداۋىندا بول­عان د.مارداس سۇحبات­تا­سى­مەن ەكىجاقتى ساياسي, ساۋدا-ەكونوميكالىق ىن­تى­­ماق­­تاستىقتىڭ كوكەي­كەستى ماسە­لەلەرىن جانە حالىق­­ارا­لىق پروبلەماتيكا تاقى­رىبىن تالقىلادى. كەزدە­سۋلەر قورى­تىن­دىسى قازاق­ستان مەن گرە­كيا اراسىندا ەكىجاقتى ىنتى­ماق­­تاس­تىقتىڭ بارلىق ماسەلەلەرى بويىنشا تولىق تۇسىنىستىك بار ەكەنىن قۋاتتاپ بەردى. «ەگەمەن-اقپارات»