ارىپتەستىك ارنالارىن كەڭەيتكەن كەزدەسۋ

ەلىمىزدىڭ كونستيتۋتسيالىق كەڭەسىندە استانادا رەسمي ساپارمەن جۇرگەن يندونەزيا رەسپۋبليكاسى حالىقتىق كونسۋلتاتيۆتىك كونگرەسس دەلەگاتسياسىمەن كەزدەسۋ بولىپ ءوتتى. يندونەزيا رەسپۋبلي­كا­سىنىڭ حالىقتىق كونسۋل­تاتيۆتىك كونگرەسى يندو­نەزيانىڭ ساياسي جۇيەسىندە زاڭ شىعارۋشى ورگان بولىپ تابىلادى جانە وعان بىرقاتار كونستيتۋتسيالىق وكىلەتتىكتەر بەرىلگەن. ول حالىق وكىلدەرى كەڭەسىنەن جانە وڭىرلەر وكىلدەرى كەڭەسىنەن تۇرادى. اڭگىمە بارىسىندا قا­زاق­ستان مەن يندونەزيانىڭ قۇقىق, ونىڭ ىشىندە زاڭ شى­عارۋشى قىزمەت پەن كونس­تيتۋتسيالىق باقىلاۋدى ءجۇ­زەگە اسىرۋ سالالارىنداعى ەكىجاقتى ىنتىماقتاستىق ماسەلەلەرى تالقىلاندى. قازاقستان رەسپۋبليكاسى كونستيتۋتسيالىق كەڭەسىنىڭ ءتورا­عاسى ي.روگوۆ مەيماندار­دى كونس­تيتۋتسيالىق كەڭەس­تىڭ وكىلەتتىك­تەرىمەن, قالىپ­تاسۋ ءتارتىبى جانە مارتە­بە­سىمەن, سونداي-اق, ونىڭ زاڭ جوبالاۋ جۇمىسى سا­لا­سىن­­داعى ماڭىزدى شەشىم­دەرى­­مەن, قولداناتىن قۇقىق­تارىمەن, ادام قۇقىن قور­عاۋ سالاسىنداعى باسىم­دىق­­تارىمەن تانىس­تىرىپ, مەملەكەتتىك ساياسات­تىڭ, ەل قۇرىلىمىنىڭ, سۇح­بات­تاس­تار قىزىعۋشىلىق تا­نىت­­قان تىرشىلىكتىڭ نەگىزگى سالا­لار­ىن ستراتەگيالىق دامىتۋ جوسپارلارىنىڭ كونستي­تۋ­­تسيالىق-قۇقىقتىق قىرلارى تۋرالى اقپاراتتار بەردى. سونداي-اق, ول ين­دو­نە­زيانىڭ كونستيتۋتسيالىق سوتىمەن تىعىز قارىم-قا­تى­ناس ساقتالىپ كەلە جات­قا­نىنا نازار اۋدارىپ, ەكى ەل مەملەكەتتىك بيلىك ور­گان­دارىنىڭ ءوزارا جەمىستى ءىس-قيمىل تانىتىپ وتىر­عانىن اتاپ ءوتتى. وسى قا­تار­دا يندونەزيا كونستيتۋ­تسيا­لىق سوتىنىڭ 3-ءشى كون­گرەسى جاقىندا يندونەزيا پرەزيدەنتىنىڭ قاتىسۋىمەن وسى ەلدە وتكەن ازيا كونس­تيتۋتسيالىق سوتتار قاۋىم­داستىعى مەن ەكۆيۆالەنتتى ينستيتۋتتارىنا تابىستى ءتور­ا­عالىق ەتكەنى اتالدى. قا­زاق­ستان كونستيتۋتسيالىق كەڭە­سىنىڭ دەلەگاتسياسى دا وسى قاۋىمداستىقتىڭ مۇشە­سى رەتىندە جوعارىدا ايتىل­عان ازيا مەملەكەتتەرى كون­س­تيتۋتسيالىق زاڭ ورگان­دارىنىڭ ماڭىزدى فورۋمىنا قاتىسقان بولاتىن. كەزدەسۋ قورىتىندىسى بويىنشا تاراپتار قۇقىق ۇستەمدىگىن قامتاماسىز ەتۋ سا­لا­سىندا بىرلەسكەن باع­دار­لامالاردى جۇزەگە اسىرۋ ءۇشىن زاڭ ينستيتۋتتارى اراسىنداعى ىن­تىماق­تاس­تىقتى ءارى قا­راي نىعايتۋعا وزدەرىنىڭ قىزىعۋشىلىعى مەن دايىندىعىن كەزەكتى مارتە قۋاتتادى. «ەگەمەن-اقپارات»