1994
*10 مامىردا قازاقستاننىڭ تۇڭعىش پلاتيناسىنىڭ قۇيمالارى الىندى. ولار اقش-تىڭ «سابين مەتالل كورپورەيشن» فيرماسىنىڭ زاۋىتىندا قازاقستان شيكىزاتىنان بالقىتىلدى. التى قۇيمانىڭ جالپى سالماعى – 14 كيلوگرامم.
* 23 مامىردا پرەزيدەنت نۇرسۇلتان نازارباەۆ تاشكەنتتە بولىپ, قازاقستاننىڭ وزبەكستانداعى كۇندەرىنىڭ رەسمي اشىلۋىنا قاتىستى.
بۇل تۋرالى «ەگەمەن قازاقستان» گازەتىنىڭ 26 مامىرىنداعى نومىرىندە «تامىرى تەرەڭ, تاعدىرى ورتاق» تاقىرىبىمەن ماقالا جاريالاندى.
* 27 مامىردا قازاقستان ناتو-نىڭ «بەيبىتشىلىك ءۇشىن سەرىكتەستىك» باعدارلاماسىنا قوسىلدى. قازاقستان بۇل باعدارلامانىڭ 19-مۇشە مەملەكەتىنە اينالدى.
* 1 شىلدەدە تاعى ءبىر قازاق ازاماتى – تالعات مۇساباەۆ عارىش كوگىنە كوتەرىلدى.
* 6 شىلدەدە دەپۋتاتتار ەلباسى نۇرسۇلتان نازارباەۆتىڭ بايانداماسىن تالقىلاي كەلىپ, پرەزيدەنتتىڭ استانانى الماتىدان اقمولاعا كوشىرۋ تۋرالى ۇسىنىسىمەن كەلىستى. سونىمەن, قازاقستان تاريحىندا تاعى ءبىر بەلەستى كەزەڭ باستالدى.
*8 شىلدەدە وزبەكستان پرەزيدەنتى يسلام كاريموۆ پەن قىرعىزستان پرەزيدەنتى اسقار اقاەۆ جوعارى دارەجەلى ۇشجاقتى كەزدەسۋگە قاتىسۋ ءۇشىن الماتىعا كەلدى. ءۇش رەسپۋبليكا باسشىلارى قابىلداعان بىرلەسكەن مالىمدەمەدە تۋىسقان ەلدەردى جاقىنداستىرۋ ۇدەرىسىنىڭ جاندانۋى اتاپ ءوتىلدى.
* 7 تامىزدا پرەزيدەنت نۇرسۇلتان نازارباەۆتىڭ رەسەيدىڭ سانكت-پەتەربۋرگ قالاسىنا, ەستونيا, ليتۆا مەن ۋكرايناعا ساپارلارى باستالدى. تامىزدىڭ 11-ىنە دەيىن وتكەن سان ءتۇرلى كەزدەسۋلەر قازاقستاننىڭ ەكونوميكاسىنا تيىمدىلىگىن كورسەتتى.
* 21-25 قىركۇيەك ارالىعىندا پرەزيدەنت ن.ءا.نازارباەۆتىڭ يتاليا رەسپۋبليكاسىنا رەسمي ساپارى بولدى. ساپار بارىسىندا نۇرسۇلتان نازارباەۆ يتاليا پرەمەر-ءمينيسترى س.بەرلۋسكونيمەن كەزدەستى.
* 25-28 قىركۇيەك ارالىعىندا پرەزيدەنت ن.ءا.نازارباەۆ ساۋد ارابياسىنا رەسمي ساپارمەن باردى. ەلباسى ساۋد ارابياسىنىڭ كورولى فاحد بين ابدەل ازيزبەن, تاق مۇراگەرى ابداللا بين ابدەل ازيزبەن, قورعانىس جانە اۆياتسيا ءمينيسترى پرينتس سۋلتان بين ابدەل ازيزبەن كەزدەستى.
* 16-17 قازان كۇندەرى پرەزيدەنت ن.ءا.نازارباەۆ ءتۇركياعا رەسمي ساپار جاسادى. ساپار اياسىندا ازەربايجان, قازاقستان, قىرعىزستان, وزبەكستان, تۇركيا, تۇرىكمەنستان پرەزيدەنتتەرى ىستانبۇلدا باس قوستى.
* 21 قازاندا ماسكەۋدە تمد مەملەكەتتەرى باسشىلارى كەڭەسىنىڭ كەزەكتى ءماجىلىسى ءوتتى. ءماجىلىستىڭ كۇن تارتىبىندە مەملەكەتارالىق ەكونوميكالىق كوميتەت قۇرۋ تۋرالى ماسەلە قارالدى.
*23 قازاندا قازاقستاننىڭ جاڭا وردەندەرى مەن مەدالدارى العاش رەت تاپسىرىلدى. وسى ورايدا ەلباسى جاڭا وردەندەر مەن مەدالدار – ءبىزدىڭ مەملەكەتتىگىمىزدىڭ تاعى ءبىر كورىنىسى ەكەندىگىن اتاپ كورسەتتى. سونداي-اق, نۇرسۇلتان نازارباەۆ قازاقستاننىڭ سان ميلليونداپ ەسەپتەلەتىن كوپۇلتتى حالقى اراسىندا ناگرادا تۋرالى ويلانىپ جاتپاستان ءوز تاجىريبەسى مەن شەبەرلىگىن, تالانتى مەن شابىتىن وتان يگىلىگىنە رياسىز جۇمسايتىن ادامدار كوپ ەكەندىگىن, قازاقستاننىڭ ەرتەڭگى كۇنىنىڭ جارقىن بولاتىندىعىنىڭ كەپىلى – سان مىڭداعان جانى جايساڭ وتانداستارىمىزدىڭ ەرەن ەڭبەگى مەن جان جىلۋى ەكەنىن جەتكىزدى..
* 4 قاراشادا «سويۋز تم-19» عارىش كەمەسىنىڭ قۇلديلاۋ اپپاراتى قازاقستان توپىراعىنا, ارقالىق قالاسىنا تاياۋ جەرگە جايلاپ كەلىپ قوندى. ەكىنشى قازاق عارىشكەرى تالعات مۇساباەۆ پەن ونىڭ عارىشتا بىرگە بولعان سەرىكتەستەرىن جۇمىس بابىنداعى ساپارمەن سول وڭىرگە بارعان پرەزيدەنت نۇرسۇلتان نازارباەۆ ىستىق ىقىلاسپەن قۇتتىقتادى.
*1 جەلتوقساندا پرەزيدەنت ن.ءا.نازارباەۆ ەلىمىزگە رەسمي ساپارمەن كەلگەن موڭعوليا پرەزيدەنتى پ.جاسرايدى قابىلدادى.
* 5 جەلتوقساندا ەۋروپاداعى قاۋىپسىزدىك پەن ىنتىماقتاستىق جونىندەگى كەڭەستىڭ بۋداپەشتەگى جوعارى دارەجەلى كەزدەسۋىندە رەسەيدىڭ, اقش-تىڭ جانە ۇلىبريتانيانىڭ باسشىلارى ۋكراينا, بەلارۋس جانە قازاقستان قاۋىپسىزدىگىنىڭ كەپىلدىكتەرى تۋرالى مەموراندۋمعا قول قويدى. نۇرسۇلتان نازارباەۆ: «قازاقستان يادرولىق قارۋدى جانە ونى جەتكىزۋ قۇرالدارىن جويۋ ىسىندە اقش-پەن جانە باسقا ەلدەرمەن ىنتىماقتاسۋعا ءۇمىت ارتادى», دەدى.
* 14 جەلتوقساندا الماتىداعى رەسپۋبليكا سارايىندا تۇرار رىسقۇلوۆتىڭ, سۇلتانبەك قوجانوۆتىڭ, ساكەن سەيفۋلليننىڭ, ءىلياس جانسۇگىروۆتىڭ, بەيىمبەت مايليننىڭ تۋعانىنا 100 جىل تولۋىنا ارنالعان تاريحي كەش بولىپ ءوتتى. حالقىمىزدىڭ اياۋلى بەس پەرزەنتىنىڭ ءومىرى مەن قىزمەتى تۋرالى پرەزيدەنت نۇرسۇلتان نازارباەۆ بايانداما جاسادى.
* 18 جەلتوقساندا پرەزيدەنت ن.ءا.نازارباەۆ الماتىعا كەلگەن لاتۆيا پرەزيدەنتى گۋنتيس ۋلمانيسپەن كەزدەستى.
* 21 جەلتوقساندا ەل گازەتى «ەگەمەن قازاقستاننىڭ» 75 جىلدىق مەرەيتويىنا وراي پرەزيدەنت نۇرسۇلتان نازارباەۆ گازەت قىزمەتكەرلەرىمەن, وبلىستارداعى تىلشىلەرمەن جۇزدەسىپ, اشىق-جارقىن اڭگىمە وتكىزدى. پرەزيدەنت ۇلتتىڭ باس باسىلىمىنىڭ جۋرناليستەرىنە «سىزدەر ەلباسىنىڭ ەلدەگى قۇلاعى مەن كوزىسىزدەر» دەپ باعا بەرىپ, امانات جۇگىن ارقالاتتى.
بۇل تۋرالى «ەگەمەن قازاقستان» گازەتىنىڭ 27 جەلتوقسان كۇنگى نومىرىندە «سىزدەر – ەلباسىنىڭ ەلدەگى قۇلاعى مەن كوزىسىزدەر» تاقىرىبىمەن ماقالا جاريالاندى.
* 31 جەلتوقساندا پرەزيدەنت ن.ءا.نازارباەۆتىڭ قازاقستان حالقىنا جاڭاجىلدىق ۇندەۋى جاريالاندى. «وسى جىل ءبىزدىڭ قازاقستاندىقتار ءۇشىن ەلدىگى مەن ەرلىگىن تانىتقان جىل بولدى. رەسپۋبليكا حالقى ينفلياتسيانىڭ اششى ءدامىن تاتىپ, قيىن شاقتاردى باستان كەشىردى. وسىنداي كۇردەلى جاعدايعا قاراماستان ءبىزدىڭ ادامداردىڭ بويىندا تاماشا قاسيەتتەر قالىپتاسا باستادى: وتپەلى كەزەڭنىڭ بولماي قويمايتىن اۋىرتپالىقتارىنا تۇسىنىستىكپەن قارادى, ەڭ باستىسى – اركىمنىڭ كوكىرەگىنە بولاشاققا, قالاپ العان باعىتىمىزعا دەگەن سەنىم ۇيالادى», دەدى ەلباسى.
