ءماجىلىستىڭ بيۋرو وتىرىسى ءوتتى

ءماجىلىس توراعاسى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتىپ, الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى. پالاتا دەپۋتاتتارى نازارىنا باسەكەلەستىك ماسەلەلەرى بويىنشا وزگەرىستەرگە قاتىستى زاڭ جوباسىن ءبىرىنشى وقىلىمدا قاراۋ ۇسىنىلىپ وتىر. زاڭ جوباسىنىڭ نەگىزگى ماقساتى ەلىمىزدىڭ مونوپولياعا قارسى زاڭناماسىن جەتىلدىرۋ جانە قازاقستانداعى باسەكە­لەس­­تىكتى قورعاۋ سالاسىنداعى سايا­سات­تى ودان ءارى كۇشەيتىپ, ونىڭ نور­­مالارىن ەڭ وزىق حا­لى­ق­ارا­لىق تاجىريبەگە سايكەس كەلتىرۋ. سونداي-اق, ءماجىلىس وسى كۇنى «پاريج كەلىسىمىن راتيفيكاتسيالاۋ تۋرالى» زاڭ جوباسىن جۇمىسقا قابىلدايتىن بولادى. پاريج كەلىسىمى ورنىقتى دامۋ سالاسىنداعى ماقساتتارعا جەتۋگە ىقپال ەتەدى جانە شى­عا­رى­ن­دىلاردى ازايتۋ مەن كلي­ماتتىڭ وزگەرۋىنە تۇراقتى­لىقتى نىعايتۋعا مۇمكىندىك بەرەتىن شارالاردىڭ «جول كارتاسى» بولىپ سانالادى. سونىمەن قاتار, بيۋرو وتى­رىسىندا ەكونوميكالىق رەفورما جانە وڭىرلىك دامۋ كو­ميتەتىنىڭ الماتى وبلىسىن­دا, الەۋمەتتىك-مادەني دامۋ كو­مي­تەتىنىڭ قوستاناي وبلىسىندا كوشپەلى وتىرىستارىن وتكىزۋ تۋرالى شەشىم قابىلداندى.