قازاقستان رەسپۋبليكاسى قارجى مينيسترلىگىنىڭ بۇيرىعى  №226

  2015 جىلعى 30 ناۋرىز, استانا قالاسى كەدەندىك دەكلاراتسيانى ەلەكتروندىق قۇجات تۇرىندە ۇسىنۋ, پايدالانۋ جانە ساقتاۋ قاعيدالارىن بەكىتۋ تۋرالى «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 281-بابىنىڭ 3-تارماعىنا سايكەس بۇيىرامىن: 1. قوسا بەرىلىپ وتىرعان كەدەندىك دەكلاراتسيانى ەلەكتروندىق قۇجات تۇرىندە ۇسىنۋ, پايدالانۋ جانە ساقتاۋ قاعيدالارى بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى (د.ە. ەرعوجين) زاڭنامامەن بەلگىلەنگەن تارتىپتە: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىقتى مەملەكەتتىك تىركەۋدەن وتكىزگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ب.سۇلتانوۆ قازاقستان رەسپۋبليكاسى قارجى ءمينيسترىنىڭ 2015 جىلعى 30 ناۋرىزداعى № 226 بۇيرىعىمەن بەكىتىلگەن كەدەندىك دەكلاراتسيانى ەلەكتروندىق قۇجات تۇرىندە ۇسىنۋ, پايدالانۋ جانە ساقتاۋ قاعيدالارى 1. وسى كەدەندىك دەكلاراتسيانى ەلەكتروندىق قۇجات تۇرىندە ۇسىنۋ, پايدالانۋ جانە ساقتاۋ قاعيدالارى (بۇدان ءارى – قاعيدا) كەدەندىك دەكلاراتسيانى ەلەكتروندىق قۇجات تۇرىندە ۇسىنۋ, پايدالانۋ جانە ساقتاۋ ءتارتىبىن رەگلامەنتتەۋ ماقساتىندا, «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 281-بابىنىڭ 3-تارماعىنا سايكەس ازىرلەنگەن. 2. تاۋارلاردى كەدەندىك دەكلاراتسيالاۋ كەزىندە تاۋارلارعا ارنالعان دەكلاراتسيا ەلەكتروندىق قۇجات (بۇدان ءارى – تد ەق) تۇرىندە ەلەكتروندىق نىساندا پايدالانىلادى. تد ەق-دا كورسەتىلۋگە جاتاتىن نەگىزگى مالىمەتتەر كودەكستىڭ 279-بابىنىڭ 2-تارماعىندا قاراستىرىلعان. 3. تد ەق مەملەكەتتىك كىرىستەر ورگاندارىنىڭ اقپاراتتىق جۇيەلەرى (بۇدان ءارى – مكو اج) ارقىلى قالىپتاستىرىلادى جانە بەرىلەدى. 4. كودەكستىڭ 281 جانە 282-باپتارىنا سايكەس كەدەندىك باقىلاۋدى جۇزەگە اسىرۋ ءۇشىن قاجەتتى تاۋارلاردى كەدەندىك دەكلاراتسيالاۋ كەزىندە دەكلارانت نە كەدەن وكىلى ۇسىناتىن تد ەق مەن قۇجاتتار قازاقستان رەسپۋبليكاسىنىڭ زاڭناماسىنا سايكەس بەرىلگەن ەلەكتروندىق تسيفرلىق قولتاڭبامەن (بۇدان ءارى – ەتسق) كۋالاندىرىلادى جانە مكو اج-دا بەرىلەدى. 5. مكو اج-دا پايدالانۋشىنى اۆتورلاندىرۋ ەتسق-سى بولعان كەزدە «سالىق تولەۋشىنىڭ كابينەتى» Web-قوسىمشاسى ارقىلى جۇرگىزىلەدى. ودان كەيىنگى بارلىق ءىس-قيمىل كەزىندە دەكلارانت نە كەدەن وكىلى تد ەق-عا, تاۋارلارعا ارنالعان دەكلاراتسياسىن تۇزەتۋدىڭ ەلەكتروندىق كوشىرمەسىنە جانە قازاقستان رەسپۋبليكاسىنىڭ زاڭناماسىنا سايكەس مكو اج-داعى ەلەكتروندىق تۇردەگى كەدەندىك قۇجاتتارعا قول قويۋ ءۇشىن ەتسق-نى پايدالانادى. 6. مكو اج «كەدەندىك دەكلاراتسيانى جانە كەدەندىك دەكلاراتسيانىڭ نىساندارىن تولتىرۋ جونىندەگى نۇسقاۋلىق تۋرالى» كەدەن وداعى كوميسسياسىنىڭ 2010 جىلعى 20 مامىرداعى № 257 شەشىمىمەن بەكىتىلگەن تاۋارلارعا ارنالعان دەكلاراتسيانى تولتىرۋدىڭ ءتارتىبى تۋرالى نۇسقاۋلىققا سايكەس تد ەق-نىڭ باعاندارى مەن جولدارىنىڭ دۇرىس تولتىرۋىن فورماتتىق-لوگيكالىق باقىلاۋدى (بۇدان ءارى – فلب) جۇرگىزۋ جولىمەن اۆتوماتتى تۇردە جۇزەگە اسىرادى. 7. فلب-دا قاتەلەر بولعان كەزدە مكو اج دەكلارانتقا نە كەدەن وكىلىنە قاتەلەر تۋرالى حابارلامانى جولدايدى جانە تد ەق پىسىقتاۋ ساتىسىنا قايتارادى. تد ەق فلب-دان ءساتتى وتكەن جاعدايدا دەكلارانتتىڭ نە كەدەن وكىلىنىڭ ەتسق-مەن كۋالاندىرىلادى جانە اۋماقتىق مەملەكەتتىك كىرىستەر ورگانىنا بەرىلەدى. 8. تد ەق-دا مالىمدەلگەن مالىمەتتەردى مەملەكەتتىك كىرىستەر ورگاندارى مىناداي ماقساتتا پايدالانادى: كەدەندىك تولەمدەردىڭ جانە سالىقتاردىڭ ءوندىرىپ الۋىن, ولاردىڭ دۇرىس ەسەپتەلۋىنە جانە ۋاقتىلى تولەنۋىنە باقىلاۋدى قامتاماسىز ەتۋ; تىيىم سالۋلار مەن شەكتەۋلەردى قوسا العاندا كەدەندىك-تاريفتىك جانە تاريفتىك ەمەس رەتتەۋ شارالارىمەن بايلانىستى شارتتاردىڭ ساقتالۋىن قامتاماسىز ەتۋ; كەدەندىك ستاتيستيكانى قالىپتاستىرۋ; كەدەن وداعىنىڭ كەدەن زاڭناماسىنىڭ, قازاقستان رەسپۋبليكاسىنىڭ كەدەن زاڭناماسىنىڭ جانە ولاردىڭ ورىندالۋىنا باقىلاۋ مەملەكەتتىك كىرىستەر ورگاندارىنا جۇكتەلگەن قازاقستان رەسپۋبليكاسىنىڭ وزگە زاڭنامالارىنىڭ ورىندالۋىن قامتاماسىز ەتۋ. 9. مكو اج تد ەق-نىڭ, تدت ەك-نىڭ جانە دەكلارانت پەن كەدەن وكىلى قازاقستان رەسپۋبليكاسىنىڭ زاڭناماسىنا سايكەس ەلەكتروندىق تۇردە بەرەتىن كەدەندىك قۇجاتتاردىڭ كودەكستىڭ 187-بابىنىڭ 5-تارماعىنا سايكەس كەدەندىك باقىلاۋداعى تاۋارلاردىڭ بولۋى اياقتالعان ساتتەن باستاپ بەس جىلدان كەم ەمەس ساقتالۋىن قامتاماسىز ەتەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10857 بولىپ ەنگىزىلدى.