قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №379 

  2016 جىلعى 8 تامىز, استانا قالاسى «تابيعات پايدالانۋشىلاردى جانە قورشاعان ورتانى لاستاۋ كوزدەرىن مەملەكەتتىك ەسەپكە الۋ ەرەجەسىن بەكىتۋ تۋرالى» قازاقستان رەسپۋبليكاسى قورشاعان ورتانى قورعاۋ ءمينيسترى مىندەتىن اتقارۋشىسى نىڭ 2007 جىلعى 6 تامىزداعى №252-ءو بۇيرىعىنىڭ كۇشى جويىلدى دەپ تانۋ تۋرالى «قۇقىقتىق اكتىلەر تۋرالى» قازاقستان رەسپۋبليكاسىنىڭ 2016 جىلعى 6 ساۋىردەگى زاڭىنىڭ 27-بابىنىڭ 2-تارماعىنا جانە 50-بابىنىڭ 2-تارماعىنا سايكەس بۇيىرامىن: 1. «تابيعات پايدالانۋشىلاردى جانە قورشاعان ورتانى لاستاۋ كوزدەرىن مەملەكەتتىك ەسەپكە الۋ ەرەجەسىن بەكىتۋ تۋرالى» قازاقستان رەسپۋبليكاسىنىڭ قورشاعان ورتانى قورعاۋ ءمينيسترى مىندەتىن اتقارۋشىسىنىڭ 2007 جىلعى 6 تامىزداعى № 252-ءو بۇيرىعىنىڭ كۇشى جويىلدى دەپ تانىلسىن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №4904 بولىپ تىركەلگەن, 2007 جىلعى 14 قىركۇيەكتە №141(1170) «زاڭ گازەتى» گازەتىندە جاريالانعان). 2. قازاقستان رەسپۋبليكاسى ەنەرگەتيكا مينيسترلىگى مۇناي-گاز كەشەنىندەگى ەكولوگيالىق رەتتەۋ, باقىلاۋ جانە مەملەكەتتىك ينسپەكتسيا كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىققا قول قويىلعان كۇنىنەن باستاپ ونىڭ كوشىرمەسىن ءبىر اپتالىق مەرزىمدە قازاقستان رەسپۋبليكاسىنىڭ ادىلەت مينيسترلىگىنە, «ادىلەت» اقپاراتتىق-قۇقىقتىق جۇيەسىنە جانە رەسمي جاريالاۋ كوزدەرىنە, سونداي-اق قازاقستان رەسپۋبليكاسى نورماتيۆتىك قۇقىكتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 2) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ ينتەرنەت-رەسۋرستارىندا ورنالاستىرۋدى; 3) وسى بۇيرىققا قول قويىلعان كۇنىنەن باستاپ ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1) جانە 2) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ ەنەرگەتيكا ءمينيسترى ق.بوزىمباەۆ