جۇمىسسىزدىقتى جويۋ

الەمدىك قارجى داعدارىسى جاع­دايىندا بوساڭسۋدى كوتەرمەيتىن ءبىر ماسەلە – ول جۇمىسسىزدىقپەن كۇرەس, ءوڭىر تۇرعىندارىن ەڭبەك­پەن قامتاماسىز ەتۋ ەكەنى تۇسىنىكتى. وسىنى ەسكەرگەن وبلىس اكىمدىگى وسى ءبىر الەۋمەتتىك شەتىن ماسەلەنى ۇدايى باقىلاۋدا ۇستاپ كەلەدى. ەلباسى تاپسىر­ماسىنا وراي, وسى ماقساتقا كوزدەلگەن بيۋدجەت قارجىسى يگەرىلىپ, مەم­لە­­كەت­تىك باعدارلامالاردى كەڭى­نەن پاي­دا­لانۋعا باسا نازار اۋدا­­رىلۋ­دا. كەشەندى جوسپارعا ءساي­كەس, ءۇستى­مىزدەگى جىلى ەڭبەكپەن قام­تىلۋى ءتيىس 19 262 ادامنىڭ قازىر­دىڭ وزىندە 18 مىڭعا جۋى­عى جۇمىسقا ورنالاستىرىلعان. ءوڭىر­لەردى دامىتۋ باعدارلاماسى اياسىندا 1132 اقتوبەلىك 152 جوبانى جۇزەگە اسىرۋعا جۇمىلدىرىلىپ, 5201 ادام جاڭا جۇمىسقا ورنالاستىرىلعان. «جۇمىسپەن قامتۋدىڭ جول كارتاسى -2020» باعدارلاماسىنىڭ اياسىندا وڭىرگە 7,2 ملرد تەڭگە ءبولى­نىپ, 4­,2 ملرد تەڭگە يگەرىلگەن. 1000-نان  استام اۋىل تۇرعىندارى كاسىپ­كەر­لىكتى دامىتۋعا ارنالعان 3 ملرد تەڭگە نەسيەنى پايدالاندى. جەرگىلىكتى بيۋد­جەت ەسەبىنەن 1300-ادام الەۋمەت­تىك جۇمىس ورىن­دارى­نا جىبەرىلىپ, 1349-ى جاستار ءتاجى­ريبەسىنە, 6627  ۋاقىتشا قوعامدىق جۇمىستارعا, 34-ءى قايتا دايارلاۋعا تارتىلدى. بيىل 30-دان استام بوس جۇمىس ورىندارى جارمەڭكەسى وتكىزىلىپ, ءناتي­جەسىندە 838 ادام تۇراقتى جۇ­مىس­قا ورنالاستى, 898 ادام قوعام­دىق جۇمىستارعا تارتىلدى, 191 ادام جاس­تار تاجىريبەسىمەن, 2015-ءى الەۋ­مەت­تىك جۇمىس ورىندارىمەن قامتىلدى. ساتىبالدى ءساۋىرباي, «ەگەمەن قازاقستان»   اقتوبە وبلىسى