چەمپيونعا استانادان – ءۇش بولمەلى پاتەر

ريو وليمپياداسىنىڭ چەمپيونى, اۋىر اتلەت نيدجات راحيموۆتى اتى­راۋلىقتار تاعاتسىزدانا كۇتتى. ويتكەنى, باۋىرلاس تۇركى ەلىنىڭ وعلان ۇلى قازاقستان ازاماتتىعىن العان تۇستا الدىمەن وسى وڭىرگە كەلدى. وسىندا حا­لىقارالىق دارەجەدەگى سپورت شەبەرى تاحير حال­ماتوۆتاي بىلىكتى باپكەردەن ءتالىم الدى. وعان ءوڭىر باسشىلىعى «نۇرسايا» شاعىن اۋدانىنان ءبىر بولمەلى پاتەر بەرگەن ەدى. ءسويتىپ, بۇل ءوڭىر تۇرعىن­دارى نيدجاتتى ءبىر تۋعان باۋىرىنداي ىستىق قۇش­ا­عىنا باستى. سپورت كەشەنىندە الەم رەكوردىن جاڭارتىپ, وليم­پيادا چەمپيونى اتان­عان نيدجات راحي­موۆكە, ونىڭ اكەسى مەن شەشەسىنە قۇر­مەت كور­سەتىلدى. اتىراۋ وبلى­سىنىڭ اكىمى نۇرلان نوعاەۆ قازاقتىڭ ءداستۇ­رى­مەن نيدجاتتىڭ اكە­سىنە – شاپان, ال اناسىنا كامزول كيگىزدى. نيدجات ءراحيموۆتىڭ ءوزى­نە استانا قالاسىنان ءۇش بولمەلى پاتەردى سىي­عا تارتتى. «بيىلعى جىل قازاق­ستاننىڭ بولاشا­عىنىڭ جارقىن ەكەنىن, دەنساۋلىعى مىقتى, ەلىن سۇيەتىن ۇل-قىزدارى­مىزدىڭ بارىن انىق كور­سەتتى. مەم­لەكەت مۇنداي جاستاردى ارقاشان قولداي بەرەدى», – دەدى وبلىس اكىمى ن.نوعاەۆ. سونىمەن بىرگە, ريو وليمپياداسىنا قاتىسقان تاەكۆوندوشى جانسەل دە­نيزگە 2 ميلليون تەڭگەنىڭ سەر­تيفيكاتى تاپسىرىلدى. جولداسبەك شوپەعۇل, «ەگەمەن قازاقستان» اتىراۋ سۋرەتتى تۇسىرگەن راحىم قويلىباەۆ