قۇربان ايت قۇتتى بولسىن!

اسا قامقور, ەرەكشە مەيىرىمدى اللانىڭ اتىمەن باستايمىن! قۇرمەتتى باۋىرلار! بارشاڭىزدى كۇللى مۇسىلمان قاۋىمى اسىعا كۇتكەن قاسيەتتى, ۇلىق مەرەكە – قۇربان ايت مەيرامى­مەن قۇتتىقتايمىن! وتبا­سى­لارىڭىزعا اماندىق, مىقتى دەن­ساۋلىق, جۇمىستارىڭىزعا بەرەكە تىلەيمىن. ءبارىمىزدى ايتقا امان-ەسەن جەتكىزگەن اللا تاعالاعا سانسىز شۇكىرلەر مەن ماقتاۋلار بولسىن! يسلام ءدىنى سان عاسىردان بەرى ەلىمىزدىڭ رۋحاني تىرەگى بولىپ كەلەدى. حالقىمىز اسىل دىنىمىزدەگى جاراتۋشى يە­مىز بەلگىلەپ بەرگەن ەكى مەي­رامنىڭ ۇلىعى, ايتۋلى مەرەكە – قۇربان ايتقا اي­رىقشا دايىندالىپ, كوپ­شىلىكپەن ەرەكشە اتاپ وتەدى. بەرەكەگە باستاعان بۇل مەرەكە بىرلىك پەن يگىلىككە, مەيىرىم مەن كەشىرىمگە ۇندەيدى. ايت – اعايىن اراسىن جا­قىن­داس­تىرا تۇسەتىن, ادام­زات بالاسىن يمان­دىلىق­قا ۇيىتىپ, قاناعات پەن تاۋبەگە شاقىراتىن ۇلىق مەيرام. بۇل كۇندەرى بارشا مۇسىلمان قۇربان شالۋمەن عانا ەمەس, ۇلى اللاعا ۇنامدى ءاربىر ىزگى امالى ارقىلى راببىسىنىڭ رازى­لىعىنا, راقىمىنا جاقىنداي تۇسەدى. ويتكەنى, اراب تىلىندەگى «قۇربان» ءسوزى «جاقىن بولۋ», «جاقىنداۋ» دەگەن ۇعىمداردى بىلدىرەدى. قاسيەتتى قۇراندا: «ۇمىتپاڭدار, ولاردىڭ ەتى دە, قانى دا ەشقاشان اللاعا جەتپەيدى. وعان جەتەتىن نارسە – جۇرەكتەرىڭىزگە ۇيالاعان تاقۋالىقتارىڭ (شىنايى نيەتتەرىڭ)» («حاج» سۇرەسى, 37-ايات), – دەپ باياندالعان. ايت كۇندەرى قاجىلىق پارىزىن وتەپ جاتقان مۇسىل­ماندار دا جاراتۋشىعا جالبارىنا دۇعا جاساپ, قۇرباندىق شالادى. قاسيەتتى مەككە قالاسىندا ەلىمىزدىڭ اماندىعى, حالقىمىزدىڭ بىرلىگى مەن بەرەكەسىن تىلەپ جاتقان وتانداستارىمىزدىڭ دا دۇعاسى, قاجىلىعى قابىل بولعاي! قارجىلىق مۇمكىندىگى جوق ادامعا قۇربان شالۋ – مىندەت ەمەس. قۇرباندىق ەتى اعايىن-تۋىس, كورشى-قولاڭ, تۇرمىسى تومەن وتباسىلارىنا, جەتىم مەن جەسىرلەرگە, مۇگەدەكتەر مەن ناۋقاس جاندارعا تاراتىلادى. قۇربان ايت كۇنى ەرتە تۇرىپ, عۇسىل قۇيىنىپ, ايت نامازىنا قاتىسۋ – پاي­عام­بارىمىز مۇحاممەدتىڭ (وعان اللانىڭ سالاۋاتى مەن سالەمى بولسىن) سۇننەتى. قادىرلى اعايىن! بارشا جاماعاتتى, ەلىمىزدىڭ جاناشىر ازاماتتارىن مۇباراك مەيرامنىڭ قۇرمەتى ءۇشىن مۇگەدەكتەرگە, جەتىمدەر مەن جەسىرلەرگە, قاراۋسىز قالعان قارتتارعا قايىرىمدىلىق جاساۋعا شاقىرامىن. اللا تاعالا دۇعا-تىلەك­تەرىمىز بەن ساۋاپتى ىستەرى­مىزدى جانە شالعان قۇربان­دىق­­تارىمىزدى قابىل ەتكەي! ءامين! ەرجان قاجى مالعاجى ۇلى, قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي قىمباتتى وتانداستار! وسىناۋ  بارشا مۇسىلماندار ءۇشىن قاسيەتتى كۇنى قازاق­ستان حالقى اسسام­بلەياسى سىزدەردى قۇربان ايت مەرەكەسىمەن قۇتتىقتايدى! قۇربان ايت – بۇل كەلىسىم مەن تاتۋلىق, جاسامپازدىق پەن ۇيلەسىم. ءبىزدىڭ ەلىمىز­دە بۇل مەيرام مۇسىلمانداردى عانا ەمەس, قازاقستاننىڭ بارشا حالقىن بىرىك­تىرەدى. تاۋەلسىزدىكتىڭ 25 جىلى ىشىندە قۇر­بان ايت مادەني جانە رۋحاني قۇن­دى­لىق­تارىمىزدى دامىتۋدا, قوعامداعى بىرلىكتى نىعايتۋدا ماڭىزدى ورىنعا يە بولدى. مەملەكەت باسشىسىنىڭ بەيبىتسۇيگىش ساياساتىنىڭ ارقاسىندا قازاقستانداعى ءتۇرلى كونفەسسيالاردىڭ دوستىعى مەن ءوزارا تۇسىنىستىگى بۇكىل الەم ءۇشىن ەتالونعا اينالدى.  الەمدىك جانە ءداستۇرلى دىندەردىڭ  ليدەرلەرى جالپى ادامگەرشىلىك باعىتتارىن  ىزدەپ, ديالوگ ورناتۋ جانە كەلىسىلگەن شەشىمدەر قابىلداۋ ءۇشىن ءبىزدىڭ ەلگە كەلەدى. قۇرمەتتى وتانداستار! قۇربان ايت ادامداردىڭ مۇقتاج جاندارعا ناقتى كومەك كورسەتۋگە, قۇرباندىق جاساۋعا دايىن ەكەندىگىن بىلدىرەدى جانە باسقا جاندارعا مەيىرىمدىلىك تانىتىپ, ىنتىماقتاستىق جاساۋدىڭ كورنەكى مۇمكىندىگى بولىپ تابىلادى. سوندىقتان دا قۇربان ايت مەيرامىنىڭ قارساڭىندا قازاقستان حالقى اسسامبلەياسى بۇكىل ەلدە قايىرىمدىلىق ايلىعىن وتكىزۋ تۋرالى جاريا ەتىپ, قازاقستان حالقىن جاقىن ادامدارىنا كومەكتەسۋگە شاقىردى. قۇرمەتتى جەرلەستەر! قاسيەتتى قۇربان ايت مەيرامى بىزگە يگىلىك-بەرەكەسىمەن كەلسىن! ەلىمىزدە ءاردايىم بەيبىتشىلىك, بىرلىك پەن كەلىسىم سالتانات قۇرسىن! مەيرام سىزدەردىڭ وتباسىلارىڭىزعا ءوز شۋاعىن توگىپ, قۋانىش پەن بەرەكە-بىرلىگىن اكەلسىن! قازاقستان حالقى اسسامبلەياسىنىڭ كەڭەسى