ساۋلەلى ءسات

قولدارىنا ۇستاعان الۋان ءتۇرلى گۇل­دەر­ىندەي ءوز­دەرى دە قۋانىش قۇشاعىنا ەنىپ, جۇزدەرى بالبۇل جان­عان وقۋ­شى­لار كەشە سىڭ­عىرلاعان العاشقى قوڭى­راۋ ۇنىنە ۇيىپ, التىن ۇيا مەكتەپتەرىنىڭ تابال­دى­رى­عىن اتتادى. سونداي ءبىر ەرەك­شە ءسات ەلورداداعى №73 فيزيكا-تەحني­كالىق لي­تسەيىندە دە بولعان ەدى. ەكى جىلدان بەرى جۇمىس ءىس­تەپ كەلە جاتقان ءبىلىم ۇياسى تالانتتى بالالارعا ءنارلى ءبىلىم بەرۋمەن قاتار, ءتالىمدى تاربيە ۇيرەتۋدى دە جوعارى دارەجەدە اتقارىپ كەلە جات­قانىنا كۋا بولدىق. ول, مەك­تەپتىڭ قول جەتكەن جەتىستىگىنەن, العا قويعان ءمىن­دەت-ماقساتتارىنان اي­قىن كورىنىپ تۇردى. مەكتەپ ديرەكتورى قۇ­را­لاي باي­تا­جىكوۆا جاز بويى دەمالىستا بولىپ, ال­تىن ۇياسىنا تابان تىرەگەن وقۋشىلارمەن, ولاردىڭ اتا-انالارىن قۇتتىقتاي كە­لىپ, بۇل ساۋلەلى ءسات ءار وقۋ­شىنىڭ, اسىرەسە, ءبىرىنشى سى­نىپ بۇلدىرشىندەرىنىڭ ەسىن­دە قالاتىنىن اتاپ ءوتتى. – بيىلعى  جاڭا وقۋ جى­لىن دا وتكەن جىل­دا­عىداي تابىسپەن اياقتاۋ نيە­تىندەمىز. ۇستىمىزدەگى جىلى ۇلتتىق بىرىڭعاي تەستكە قا­تىسقان تۇلەكتەرىمىز جوعارى كورسەتكىشكە قول جەتكىزىپ, ەلور­داداعى الدىڭعى لەك­تەگى 10 مەكتەپتىڭ قا­تارىنان تابىلدى. سونىمەن قاتار, رەس­پۋب­ليكالىق ءپان وليمپيا­داسىنا العاش رەت قا­تىس­قان وقۋشىلارىمىز ماتە­ما­تيكا, فيزيكا, حيميا ءپان­دەرىنەن جۇلدەگەر اتاندى. عىلىمي جوبالار جارىسىن­دا دا بايگەنىڭ الدىندا كەلدى. وسى ءۇردىس جاڭا وقۋ جىلىندا دا جال­عاسىن تاباتىنىنا سەنىم­دىمىز. ءبىزدىڭ مەكتەپ­كە قابىل­داناتىن ءار تالاپ­كەر سى­ناق­تان وتەدى. ءبىلى­مىنە سەنگەن دارىندى ۇل مەن قىز­عا ءار­قاشان ەسىگىمىز اشىق, – دەدى قۇرالاي امان­گەل­دىقىزى. فيزيكا-تەحنيكالىق لي­­تسەيدە وقيتىن وقۋشى­لاردىڭ ۇزىن سانى 1361 ەكەن. ءبىرىنشى سىنىپقا كەلگەن 252 ءبۇلدىرشىن قازاق ءۇي­دىڭ شاڭىراعىن باقانمەن بيىككە كوتەرىپ تۇرىپ, ءبىلىم كۇنىنە ارنالعان تاق­پاق­تارىن جاتقا ايتىپ, ءدوڭ­گەلەنە بي بيلەپ, قاۋمالاعان جۇرتتى ريزا ەتتى. سۇلەيمەن مامەت, «ەگەمەن قازاقستان»