ەسەپكە جۇيرىك ورەننىڭ ەسەبى تۇگەندەلەدى

عىلىمى مەن ءبىلىمىن دامىتقان ەل عانا وركەنيەت كوشىنە ىلەسە الادى. سوندىقتان بولار, بۇگىنگى ۇرپاقتىڭ ءبىلىم الۋعا دەگەن قۇشتارلىعى زور. ولاردىڭ ءتىل بىلۋگە جانە تەحنيكالىق ماماندىقتاردى يگەرۋگە دەگەن تالپىنىسى جوعارى. بۇل رەتتە ليتسەيلەردىڭ, گيمنازيالاردىڭ, مامان­داندىرىلعان مەكتەپتەردىڭ الار ور­نى ايرىقشا. سولاردىڭ ىشىندە و.ءجاۋ­تىكوۆ اتىنداعى رەسپۋبليكالىق مامان­دان­دىرىلعان دارىندى بالارعا ارنالعان فيزيكا-ماتەماتيكا ورتا مەكتەپ-ينتەرناتىن ەرەكشە اتاپ وتۋگە بولادى. اۋىلدا نەمەسە قالادا تۇراتىن كەز كەلگەن اتا-انانىڭ ارمانى بالاسىن وسى مەكتەپتە وقىتۋ بولسا كەرەك. اتالعان مەكتەپ الماتى قالاسىندا ورنالاسقاندىقتان, سولتۇستىكتەگى شاكىرتتەرگە شالعاي ەكەنى جاسىرىن ەمەس. بىراق بيىلدان باستاپ بۇل ماسەلە دە شەشىمىن تاپتى. ولاي دەيتىنىمىز, الماتىداعى اتالمىش ءبىلىم ورداسىنىڭ بولىمشەسى ەلوردامىزدا ءوز جۇمىسىن باس­تادى. كەشە وسى ءبىر وقۋ وشاعىنا پرەمەر-مينيستر كارىم ءماسىموۆ ارنايى بارىپ, ۇجىم جۇمىسىمەن تانىسىپ قايتتى. «بۇگىنگى كۇندەگى ۇلكەن جاڭالىقتاردىڭ ءبىرى استانامىزدا دا وسىنداي رەسپۋب­لي­­كا­لىق بىرەگەي فيزيكا-ماتەماتيكا مەك­تە­بىنىڭ اشىلۋى. اتالمىش مەكتەپتىڭ قا­بىر­­عاسى الماتى قالاسىندا 1972 جىلى قا­ل­ان­عانى بەلگىلى. مۇعالىمدەرى دە ءبى­لىكتى ما­ماندار. وقۋشىلارى دا وزات. ولار ءوز­دەرىنىڭ قارىم-قابىلەتىن رەس­پۋبلي­كالىق, حالىقارالىق وليمپيادالاردا دالەلدەپ ءجۇر. الداعى ۋاقىتتا دا وسىن­داي جەتىستىكتەرى كوپ بولاتىنىنا سەنە­مىن», – دەدى ءبىلىم جانە عىلىم مينيستر­لىگىنىڭ مەكتەپكە دەيىنگى جانە ورتا ءبىلىم دە­پارتامەنتىنىڭ ديرەكتورى جاڭىل الپىسقىزى. فيزيكا-ماتەماتيكا باعىتىن تەرەڭ­دەتە وقىتقان سوڭ, بۇل مەكتەپكە ارتىلا­تىن مىندەت تە, كۇتىلەتىن ناتيجە دە جوعارى بولماق. جالپى اۋدانى 12 104 شارشى مەتر بولاتىن مەكتەپتە بارلىعى 58 مۇ­عالىم ءبىلىم بەرەدى. ولاردىڭ 2-ءۋى قازاقستان رەس­پۋب­ليكاسىنىڭ «ۇزدىك پەداگوگى» اتاعى­نىڭ يەگەرى, 4-ءۋى ەلىمىزدىڭ ەڭبەك سىڭىرگەن ۇستازدارى, 23-ءى جوعارى كاتەگوريالى مۇعالىمدەرى بولسا, 4 جاس مامان نازارباەۆ ۋنيۆەرسيتەتتى تامامداعان, 4-ءۋى ماسكەۋ مەملەكەتتىك ۋنيۆەرسيتەتىن بىتىرگەن بىلىكتى ماماندار ەكەنىن ايتا كەتسەك دەيمىز. – رەسپۋبليكالىق فيزيكا-ماتەماتيكا مەكتەبى ەلوردادا تۇڭعىش رەت اشىلىپ وتىر. سوندىقتان, ارتىلار جۇك تە اۋىر. بىراق بىزدەگى بىلىكتى مامانداردىڭ ارقاسىندا ءبىز بۇل مىندەتتى ابىرويلى اتقارامىز دەپ ويلايمىن. ەلدىڭ ەرتەڭى ءبىلىمدى جاستار بولعان سوڭ, ولارعا ساپالى ءبىلىم بەرىپ, سانالى ازامات ەتىپ تاربيەلەۋ مۇعالىمنىڭ مۇراتى بولۋ كەرەك. ءبىز بۇل مەكتەپكە وقۋشىلاردى كونكۋرس ارقىلى قابىلدادىق. العاشقىدا 2000 ۇمىتكەر نيەت ءبىلدىردى, سولاردىڭ ىشىنەن 884 وقۋشى سىناقتان سۇرىنبەي ءوتىپ, جۇزدەن جۇيرىك, مىڭنان تۇلپار شىقتى. ءبىراز وقۋشىلار ءسۇرىندى. كوبى دەمالىستا بولىپ, پاندىك ماتەريالداردى ۇمىتا باستاعان. ۇمىتپاي, ۇقىپتى دايىندالعاندار ءبىزدىڭ مەكتەپتە وقۋعا مۇمكىندىك الدى. ولاردىڭ قاتارىندا 6 وقۋشى رەسپۋبليكالىق جانە حالىقارالىق وليمپيادالاردىڭ جۇلدەگەرى», – دەدى رەسپۋبليكالىق فيزيكا-ماتەماتيكا مەكتەبىنىڭ ديرەكتورى عابيت بەكاحمەتوۆ. سونداي-اق, اتالعان مەكتەپتە پرەمەر-مينيسترمەن قاتار, ءبىلىم جانە عىلىم ءمينيسترى ەرلان ساعاديەۆ, قارجى ءمينيسترى باقىت سۇلتانوۆ, اقپارات جانە بايلانىس ءمينيسترى داۋرەن اباەۆ, استانا قالاسىنىڭ اكىمى اسەت يسەكەشەۆ بولدى. راۋان قايدار, «ەگەمەن قازاقستان»