ىقىلاستى ىنتىماق

تاياۋدا سەربيانىڭ استاناسى بەلگراد قالاسىندا ساۋدا-ەكونوميكالىق ىنتىماقتاستىق جونىندەگى قازاقستان-سەربيا ۇكىمەتارالىق كوميسسياسىنىڭ ءبىرىنشى وتىرىسى ءوتتى. ءىس-شارا بارىسىندا تاراپتار ەكى ەلدىڭ ساۋدا جانە ينۆەس­تيتسيالار, گەولوگيا جانە اۋىل شارۋاشىلىعى, سونداي-اق, قى­ل­­مىس­تىق جولمەن الىنعان كىرىس­ت­ەردى جىلىستاتۋعا قارسى ءىس-قي­مىل سالالارىنداعى ىنتى­ماق­­تاستىعىن تالقىلادى. سون­­داي-اق, قورشاعان ورتانى قور­­عاۋ, ءبىلىم, قۇرىلىس جانە تۋ­ريزم­­گە بايلانىستى ماسەلەلەر قارالدى. پلەنارلىق سەسسياعا سەر­بيا­­نىڭ ەكونوميكا ءمينيسترى گوران كنەجەۆيچ پەن قازاق­ستان­نىڭ ۇلتتىق ەكونوميكا مي­نيسترى قۋاندىق بيشىمباەۆ قاتىستى. ق.بيشىمباەۆ ءوز سوزىندە 2015 جىلى $55,8 ملن قۇرا­عان ەكى­جاقتى تاۋار اينا­لى­مى­نىڭ ەكى ەسەدەن استام ءوسۋى­نە قارا­ماستان, ونىڭ دەڭ­گەيى قولدا بار الەۋەتكە ءساي­كەس ەمەس دەپ اتاپ ءوتتى. «كورسەتىل­گەن دەرەكتەر ءىس­كەر­لىك جانە ينۆەستيتسيالىق قا­رىم-قاتىناستاردى جانداندىرۋ ءۇشىن ءىس-شارالار قابىلداۋ قاجەت ەكەنىن دالەلدەيدى», دەپ سانايدى ق.بيشىمباەۆ. مينيستر 31 مامىردا ەۋرا­زيا­لىق ەكونوميكالىق وداققا مۇشە مەملەكەتتەردىڭ باسشىلارى ەاەو مەن سەربيا ارا­سىن­داعى ەركىن ساۋدا تۋرالى كەلىسىم بويىنشا كەلىسسوزدەر باستاۋ تۋرالى شەشىم قابىلداعانىن ەسكە سالدى. اتالعان كەلىسىمنىڭ قورىتىندىسى مەن ونىڭ ىسكە اسى­رىلۋى, ونىڭ ويىنشا, قا­زاق­ستان مەن سەربيانىڭ ساۋ­دا-ەكونوميكالىق قارىم-قاتى­­ناستارىن جاڭا دەڭگەيگە شى­عارۋعا مۇمكىندىك بەرەدى. اۋىل شارۋاشىلىعى سالا­سىن­داعى ىنتىماقتاستىق ءۇشىن ۇلكەن مۇمكىندىكتەر اشىلۋ­دا. قازاقستان وسىمدىك شارۋا­شى­لىعى مەن مال شارۋا­شى­لىعى سالاسىندا ءوزارا ءىس-قي­مىل­دى دامىتۋعا مۇددەلى. «ءبىز اس­تىق پەن تابيعي تازا ەتتى ەكس­پورت­تاۋعا دايىنبىز. سەربيا ءوزىنىڭ تابيعي جاعدايلارى ارقاسىندا ءبىزدىڭ نارىققا كوكونىس پەن جەمىس جەتكىزۋشى رەتىندە قىزى­عۋ­شىلىق تانىتادى», دەپ حابارلادى ق.بيشىمباەۆ. ول ءبىلىم الماسۋدى جانداندىرۋ قاجەتتىلىگىن: ستۋدەنتتىك باعدارلامالاردى ىلگەرىلەتۋ جانە ەكى ەلدىڭ ۇزدىك جوعارى وقۋ ورىندارىنىڭ اكادەميالىق ورتا وكىلدەرىنىڭ ءوزارا ساپارلارىن وتكىزۋ قاجەت ەكەنىن اتاپ ءوتتى. مينيستر وتىرىسقا قاتىسۋ­­شى­لارعا «استانا» حالىقارا­لىق قارجى ورتالىعىندا ينۆەس­تورلار ءۇشىن جاسالاتىن جاع­دايلار تۋرالى ايتىپ بەردى, سونداي-اق, سەربيانىڭ قۇرىلىس كومپانيالارىن «نۇرلى جول» مەملەكەتتىك باعدارلاماسى بو­يىنشا ىسكە اسىرىلاتىن جو­با­­لار­عا قاتىسۋعا شاقىردى. قورى­­تىندىلاي كەلە, ەكىجاق­تى ساۋ­دا-ەكونوميكالىق ىنتىماق­تاس­تىقتى جانداندىرۋعا سەنىم ءبىلدىردى. سەربيا تاراپى قازاق­ستان بيزنەسمەندەرىن رەسپۋب­ليكا­داعى, اسىرەسە, ءوزارا قىزى­عۋ­شىلىق تۋدىراتىن ەنەرگەتيكا جانە تاۋ-كەن ونەركاسىبى, قۇرىلىس جانە قۇرىلىس ماتەريالدارى ونەركاسىبى, ماشينا جاساۋ جانە قولونەر, اۋىل شارۋا­شىلىعى, حيميا جانە فار­ماتسەۆتيكا ونەركاسىبى سالا­سىن­داعى بيزنەس ورتامەن جاقى­نىراق تانىسۋعا شاقىردى. سەربيا, سونداي-اق, وزدەرى­نىڭ قۇرىلىس جانە جوبالاۋ كوم­پانيالارىنىڭ قازاق­ستان­داعى تۇرعىن ءۇي قۇرىلىس باع­د­ار­لاماسىنا, سونداي-اق, جول, اۋەجاي قۇرىلىسىنا جانە قۇرىلىس ونىمدەرىن جەت­كىزۋ­گە كەڭىنەن قاتىسۋىنا قىزى­عۋ­شىلىق ءبىلدىردى. تاراپتار سونداي-اق, قازاق­ستان مەن سەربيا اراس­ىندا­عى ىنتى­ماقتاستىق ءجونىن­دەگى ىسكەر­لىك كەڭەس قۇرۋ تۋرالى شەشىم قابىلدادى. ول قازاق­ستان مەن سەربيانىڭ بيزنەسى ارا­سىندا ءوزارا ءىس-قيمىلدى ءۇي­لەس­تىرەتىن بايلانىستىرۋشى بۋىن بولماق. ساۋدا-ەكونوميكالىق ىنتى­ماق­تاستىق جونىندەگى قازاق­ستان-سەربيا ۇكىمەتارالىق كوميسسياسىنىڭ ەكىنشى وتىرىسى استانادا وتەدى. «ەگەمەن-اقپارات»