سۋرەت: khabar.kz
وسى وزەكتى ماقساتقا جەتۋ جولىندا ەل تاۋەلسىزدىگىنىڭ 25 جىلدىعىندا دا اتقارىلعان ءىس از ەمەس. مىنا زىمىران ۋاقىت كەرۋەنىندەگى وركەنيەت كوشىنىڭ الدىڭعى شوعىرىنا كىرۋ جولىندا مەملەكەت باسشىسى العا قويعان مىندەت جۇگى ودان دا زور.
- تاۋەلسىزدىك العان 25 جىل ىشىندە ەلىمىزدە 450 مەملەكەتتىك بالاباقشا سالىندى. سونىمەن بىرگە, جەكەمەنشىك بالاباقشا سانى 10 ەسە ءوسىپ, 2200-گە جەتتى.
- بۇگىندە ەلىمىزدە جۇمىس ىستەيتىن 9297 مەكتەپكە دەيىنگى تاربيە مەكەمەلەرىندە 817,8 مىڭ بالا تاربيەلەنەدى. بيىل بالاباقشالاردا 400 مىڭ ورىن اشۋ ءۇشىن العاش رەت مەملەكەتتىك تاپسىرىسقا قارجى ءبولىندى.
- بيىل جاڭادان 538 مەكتەپكە دەيىنگى تاربيە مەكەمەسى اشىلدى. ونىڭ ىشىندە 12 مىڭ ورىندىق 49 بالاباقشا بۇلدىرشىندەردى قابىلداي باستادى. جىل اياعىنا دەيىن 82 مەكتەپكە دەيىنگى تاربيە مەكەمەسى, ونىڭ ىشىندە 11 بالاباقشا ۇلتتىق قور ەسەبىنەن اشىلادى دەپ كۇتىلۋدە.
- تاۋەلسىزدىك جىلدارى قازاقستاندا بىلىكتىلىكتى ارتتىرۋ كۋرستارىنان 1 ميلليوننان استام پەداگوگ ءوتتى. ەلىمىزدىڭ ءاربىر ءتورتىنشى وقۋشىسى قوسىمشا بىلىممەن قامتاماسىز ەتىلەدى.
- اعىمداعى جىلى جاڭادان سالىنعان 92 مەكتەپ عيماراتى پايدالانۋعا بەرىلمەك. ونىڭ ىشىندە جاڭا وقۋ جىلىنا دەيىن 60 مەكتەپ, جىل اياعىنا دەيىن 32 مەكتەپ ەسىگىن ايقارا اشادى.
- «مەكتەپكە جوق» اكتسياسى بيىلعى جىلى 9-شى رەت وتكىزىلۋدە. قامقورلىققا ءزارۋ 280 مىڭ بالاعا كومەك كورسەتىلدى
