جاقسىلىق جورالعىسى

كونستيتۋتسيا كۇنىنە وراي اق­توبە قالاسىندا بىرنەشە الەۋ­مەت­تىك نىسان پايدالانۋعا بەرىلدى. سولاردىڭ ءبىرى – قالاعا قاراي­تىن كىرپىشتى اۋىلىنداعى 370 ورىن­دىق ورتا مەكتەپ. 2015 جىلى باس­تالعان مەكتەپتىڭ قۇرىلىسىن «ەليتسترويسەرۆيس» جشس ءبىر جىلدان ءسال استام ۋاقىتتا سالىپ ءبىتىردى. مەكتەپ قۇرىلىسىنا 526,9 ميلليون تەڭگە قارجى بولىنگەن. ءۇش قاباتتى مەكتەپتە 58 ۇستاز ەڭبەك ەتەدى. مەكتەپتىڭ سالتاناتتى اشىلۋىندا ءسوز العان وبلىس اكىمى بەر­دىبەك ساپارباەۆ جينالعانداردى كونستيتۋتسيا كۇنىمەن قۇتتىقتادى. – ەلباسى جەرگىلىكتى بيلىككە بالالاردى ساپالى ءبىلىم الۋى ءۇشىن بارلىق جاعدايدى تۋعىزۋعا تاپسىرما بەردى. ءبىز ءۇش اۋىسىممەن وقيتىن جانە اپاتتى جاعدايداعى مەكتەپتەردىڭ ماسەلەسىن شەشۋگە باعىت ۇستاپ وتىرمىز. وسى ماقساتتا جۇيەلى جۇمىستار جۇرگىزىلۋدە. مىنە, №18 ورتا مەكتەپكە جاڭا عيمارات سالىنۋى سونىڭ ايقىن ايعاعى. ەندى بۇل مەكتەپ ەكى اۋىسىمدا وقىتاتىن بولادى. كۇنى كەشە «نۇراقتوبە» شاعىن اۋدانىندا جاڭا مەكتەپ پايدالانۋعا بەرىلدى. بۇل باعىتتاعى جۇمىستار الدا دا جالعاسىن تابادى, – دەدى ول. اتا-انالار اتىنان ءسوز العان مارات باباناەۆ وسى مەكتەپكە نەمەرەسىن اكەلىپ وتىرعانىن تىلگە تيەك ەتە كەلىپ, ەلباسىنا جانە وبلىس اكىمدىگىنە ءتۇيىندى ماسەلەنى دەر كەزىندە شەشكەندەرى ءۇشىن العىسىن ءبىلدىردى. سول كۇنى قالا ماڭىنداعى قار­عالى اۋىلىندا «جارقىن بالا» مەكتەپكە دەيىنگى مەكەمەسى ءوز ەسىگىن ايقارا اشتى. بالاباقشا اۋماعى 1,3 گەكتار, قازىرگى زامانعا ساي, تەح­­نولوگيالىق جانە ويىن قۇرال-جاب­دىقتارىمەن جاراقتانعان. جيھازدارى مەكتەپكە دەيىنگى جاس­تاعى بالالارعا ساي, بارلىق سا­نيتارلىق-ەپيدەميولوگيالىق تالاپتار ساقتالعان. مەكەمەدە قازاق تىلىندە ءبىلىم بەرەتىن 16 توپ بار, ونىڭ 2-ەۋى تىلىندە مۇكىسى بار بالا­لارعا ارنالعان. وبلىس اكىمى «كازپروم­ستروي­گرۋپپ» جشس سالعان بالاباقشا عيماراتىن قاراپ شىقتى. جاڭا مەكتەپكە دەيىنگى مەكەمەنىڭ قۇرى­لىسىنا رەسپۋبليكالىق بيۋدجەتتەن 560 ملن تەڭگە ءبولىندى, 75 جاڭا جۇمىس ورنى اشىلدى. – ەلباسى وسكەلەڭ ۇرپاقتىڭ تاربيەسىنە باسا نازار اۋدارادى. تاۋەلسىزدىك العاننان بەرى وڭىردە مەكتەپكە دەيىنگى مەكەمەلەر سانى 8 ەسە ءوسىپ, 558-گە جەتتى. 46 مىڭ ءسابي بالاباقشاعا بارادى. وسى جىلى اشىلعان 32 بالاباقشانىڭ 23-ءى مەملەكەت جانە جەكەمەنشىك اياسىندا جۇمىس جاساپ كەلەدى. جىل سوڭىنا دەيىن, تاعى 20-سىن پايدالانۋعا بەرۋدى جوسپارلاپ وتىرمىز. 25 جىل ىشىندە 35 596 ورىنعا ارنالعان 109 ورتا مەكتەپ سالىندى. تەك وسى جىلى عانا قۇنى 4,7 ملرد تەڭگە بولاتىن 9 ءبىلىم بەرۋ نىسانىنىڭ قۇرىلىسى باستالدى, – دەگەن ب.ساپارباەۆ وڭىردە تاعى 17 ءبىلىم بەرۋ نىسانىنىڭ اشىلاتىنىن جەتكىزدى. ولاردىڭ قاتارىندا 7 ورتا مەكتەپ, 1 وتباسى ۇلگىسىندەگى ءۇي, 9 بالاباقشا بار بولسا, سونىڭ 5-ەۋى جەكەمەنشىك بولىپ تابىلادى. مەرەكە كۇنى ءۇي كەزەگىندە تۇرعان 54 اقتوبەلىك كيك باعدارلاماسى بويىنشا پاتەرگە يە بولدى. وبلىس اكىمى «كيك» اق جەلىسى بويىنشا باعدارلامانىڭ قاتىسۋشىلارىنا پاتەر كىلتىن تابىستادى. «نۇرلى جول» باعدارلاماسى – بۇل حالىقتى قولجەتىمدى باسپانامەن ءتيىمدى شارتتار بويىنشا قامتاماسىز ەتەتىن مەملەكەتتىك تەتىك­تەردىڭ ءبىرى. جاڭا پاتەردىڭ يە­لەرى – جالدامالى تۇرعىن ۇيگە كەزەككە تۇرعان قالا تۇرعىندارى. ءۇش قاباتتى ءۇي مەكتەبى مەن بالاباقشاسى بار, حالىق كوپ شو­عىرلانعان اۋداندا ورنالاسقان. جالعا بەرۋ كەلىسىمشارتى 20 جىلعا جاسالادى. بۇل ءۇيدىڭ 1 شارشى مەترىنىڭ قۇنى – 879 تەڭگە. بەس جىلدان سوڭ جالعا الۋشى تۇرعىندار پاتەردىڭ قالعان اقشاسىن تولەپ, مەزگىلىنەن بۇرىن ساتىپ الۋىنا بولادى. ءۇيدىڭ قۇرىلىسىمەن اينا­لىسقان باس مەردىگەر – «الىم ينجينيرينگ» جشس. تۇرعىن ءۇيدىڭ جالپى قۇنى 508 ملن تەڭگەدەن استام قارجى تۇرادى. – الەمدىك داعدارىسقا قارا­ماستان, مەملەكەت بارلىق الەۋمەتتىك مىندەتتەردى ورىنداپ, جەكە تۇرعىن ۇيگە قول جەتكىزۋ ءۇشىن بارلىق جاع­دايدى جاساۋدا. بۇگىن 50-دەن استام وتباسى پاتەر كىلتىنە يە بولدى. ولاردىڭ دەنى بيۋدجەتتىك سالا ماماندارى. ءبىز وسىلايشا ەلباسىنىڭ قازاقستاندىقتاردىڭ تۇرعىن ءۇي ماسەلەسىن جاقسارتۋ بويىنشا تاپسىرماسىن جۇزەگە اسىرىپ جاتىرمىز, – دەدى ءوڭىر باسشىسى. ساتىبالدى ءساۋىرباي, «ەگەمەن قازاقستان» اقتوبە وبلىسى