قوعام بىرلىگىنىڭ قاينارى

قاراعاندى قالاسىندا قازاقستان رەسپۋبليكاسىنىڭ كونستيتۋتسياسى كۇنى مەرەكەسىنە ارنالعان «ازات ەلدىڭ ار-نامىسى – اتا زاڭ» اتتى دوڭگەلەك ۇستەل جيىنى ءوتتى. دوڭگەلەك ۇستەل جۇمى­سىنا قاراعاندى وبلىسى قوعام­داس­تىعى­نىڭ بەلسەن­دى مۇشە­لەرى, مەم­لەكەت باسشى­سىنىڭ سەرىكتەس­تەرى, ارداگەرلەر مەن ءماسليحات دەپۋ­تات­تارى, جۇمىسشىلار, كاسىپ­كەر­لەر, جاس­تار ۇيىمى, ءدىني كونفەس­­سيالار, ەتنومادەني ورتا­لىق­تار وكىل­دەرى, سپورتشىلار, سوت جانە پرو­كۋ­را­تۋرا قىزمەتكەرلەرى, مەملەكەتتىك ور­گان­داردىڭ باسشىلارى قاتىستى. شارادا ءسوز سويلەگەن وبلىس اكىمى نۇرمۇحامبەت ابدىبەكوۆ بيىل­عى ەڭ باستى مەرەكە – قازاق­ستان رەس­پۋب­لي­كا­سى تاۋەلسىزدىگىنىڭ 25 جىلدىق مە­­رەي­­تويىنا باسا ما­ڭىز بەرىپ,  وسى ۋا­قىت ارالى­عىن­دا ەلىمىزدىڭ بار­لىق با­عىت­تار بويىن­شا تولايىم تابىس­تار­عا قول جەتكىزگەنىن ەرەكشە اتاپ ءوتتى. «مەملەكەت باسشىسى تاڭداعان سارا جولدىڭ جارقىن بولاشاققا باستايتىندىعىنا جانە سول باعىت بويىنشا قالانعان ىرگەمىزدىڭ ءارى قاراي دا نىعايا بەرەتىندىگىنە ەشقانداي كۇمان جوق.  ال تابىستى بولاشاعىمىزدىڭ كەپىلى رەتىندە نەگىزگى زاڭىمىز – قازاقستان رەسپۋبليكاسىنىڭ كونستيتۋتسياسى قالا بەرمەك», دەدى ءوڭىر باسشىسى. قوعامدىق سانادا مەملەكەتتىڭ قولدانىستاعى قۇقىعىنىڭ قاينار كوزى رەتىندە جوعارى زاڭدىق كۇشى بار كونستيتۋتسيانىڭ ءرولى مەن ما­ڭىز­­دىلىعىن نىعايتۋ جانە دەمو­­كراتيالىق ءارى قۇقىقتىق مەم­­لەكەت قۇرۋدى قامتاماسىز ەتۋ, سون­داي-اق قازاقستان رەس­پۋب­­­لي­كا­­سى­نىڭ تۇڭعىش پرەزي­دەنتى ن.ءا.نازارباەۆتىڭ قازاق مەم­لە­­كەت­­تىلىگىن قالىپ­تاستى­رۋ­دا­عى ەرەك­­شە تاريحي ورنىن كورسەتۋ­دى ماق­­سات ەتكەن دوڭگەلەك ۇستەل شا­را­­سى­نىڭ سوڭىنا تامان قارا­عان­دى وبلىسىنىڭ اكىمى ءوڭىردىڭ  الەۋ­مەت­تىك-ەكونوميكالىق دامۋىنا, تاتۋ­لىق پەن كەلىسىمدى نىعايتۋ ءىسى­نە قوس­قان ۇلەسى ءۇشىن بىرقاتار ازا­مات­تار­­دى العىس حاتتارمەن ماراپاتت­ادى. قايرات ءابىلدينوۆ, «ەگەمەن قازاقستان» قاراعاندى