قارۋسىزدانۋ قادامدارىن قولدادى

سەنات توراعاسى قاسىم-جومارت توقاەۆ پاگۋوش عىلىم جانە حالىقارالىق ىستەر جونىندەگى عالىمدار قوزعالىسىنىڭ پرەزيدەنتى, بەلگىلى ديپلومات, بۇۇ باس حاتشىسىنىڭ قارۋسىزدانۋ جونىندەگى بۇرىنعى ورىنباسارى دجايانتحا دحاناپالانى قابىلدادى, دەپ حابارلادى سەناتتىڭ ءباسپاسوز قىزمەتى. 1957 جىلى قۇرىلعان پاگۋوش قوزعالىسى بەيبىت­شىلىك, قارۋسىزدانۋ, قاۋىپسىزدىك جانە جا­ھاندىق اۋقىمداعى عىلىمي ىنتىماق­تاستىقتى جاقتايتىن عالىمداردى, ساياسات­كەرلەردى جانە قوعام قايراتكەرلەرىن بىرىك­تىرە­دى. قوزعالىس يادرولىق قارۋدى اتموسفەرادا, عارىش كەڭىستىگىندە جانە سۋ استىندا سىناۋعا تىيىم سالۋ تۋرالى شارت, يادرولىق قارۋ­دى تاراتپاۋ تۋرالى شارت, زىمىراندارعا قارسى قورعانىس جۇيەسىن شەكتەۋ تۋرالى شارت, قارۋدىڭ بيولوگيالىق جانە حيميالىق تۇرلەرىنە تىيىم سالۋ تۋرالى كونۆەنتسيا, ەۋرو­پاداعى جاي قارۋلار تۋرالى شارت, تاعى باسقا نەگىزگى كوپتاراپتى كەلىسىمدەردى ءازىر­لەۋدە جانە قابىلداۋدا ماڭىزدى ءرول اتقاردى. 1995 جىلى ۇيىم نوبەلدىڭ بەيبىتشىلىك سالا­س­ىنداعى سىيلىعىنا يە بولدى. ق.توقاەۆتىڭ ايتۋىنشا, قازاقستان پا­گۋوش قوزعالىسىنىڭ يدەياسى مەن قۇندى­لىق­تارىن جاقتايدى, سونداي-اق قوزعالىستىڭ قارۋسىزدانۋ جانە قاۋىپسىزدىك سالاسىنداعى حالىقارالىق كەلىسىمدەردى ازىرلەۋدەگى جانە قابىلداۋداعى ءرولىن جوعارى باعالايدى. كەزدەسۋ بارىسىندا قازاقستاننىڭ پا­گۋوش قوزعالىسىنىڭ 2017 جىلى بولاتىن مەرەيتويلىق كەزدەسۋىن وتكىزۋ مۇمكىندىگى قارالدى. قوزعالىس مۇشەلەرىنىڭ استانادا سونداي كەزدەسۋ وتكىزۋ تۋرالى تىلەك ءبىلدىرۋى سەمەي يادرولىق پوليگونىن ماڭگىلىككە جاۋىپ, ادامزاتتى يادرولىق سوعىس قاۋپىنەن قۇتقارۋ ىسىنە ناقتى ۇلەس قوسقان, الەمدە قۋاتى جاعى­نان ءتورتىنشى ورىن الاتىن يادرولىق الەۋەتتەن باس تارتقان ءبىزدىڭ ەلىمىزدىڭ جانە ونىڭ باسشى­سى پرەزيدەنت نۇرسۇلتان نازارباەۆتىڭ حالىقارالىق بەدەلىنە بايلانىستى بولىپ وتىر. ق.توقاەۆ 29 تامىزدا بولعان «يادرولىق قا­رۋسىز الەم قۇرۋ» حالىقارالىق كونفەرەن­تسيا­سىنا قاتىسقانى جانە ونداعى مازمۇندى بايانداماسىنا وراي مەيمانعا ريزاشىلىق ءبىلدىردى.