جاھاندىق ۇدەرىستەگى جارقىن ۇلگى

الەمدەگى اسا ءىرى پوليگوندى جابۋ تۋرالى ەلباسىنىڭ تاريحي شەشىمى – ادامزات ءۇشىن بەيبىتشىلىكتى قامتاماسىز ەتۋ وسىنداي ناقتى ىستەر ارقىلى عانا مۇمكىن ەكەندىگىنىڭ دالەلى بولدى. سەمەي پوليگونىن جاپ­قان­نان كەيىنگى 25 جىلدا قا­زاقستان تاراپىنان جاھاندىق قاۋىپسىزدىك ماسەلەسى بويىنشا جۇيەلى ءارى اۋقىمدى جۇمىستار جۇرگىزىلدى. بىرىنشىدەن, قازاقستان ءوزىنىڭ گۋ­مانيستىك باستامالارى ارقىلى حالىق­ارالىق ساياساتتاعى جاڭا مورالدىق ستاندارتتاردى ەنگىزدى. ەكىنشىدەن, قازاق­ستان­نىڭ ۇسى­نىسى بويىنشا بۇۇ باس اسسام­بلەياسىنىڭ شەشىمىمەن 29 تامىز يادرولىق سىناقتارعا قارسى ءىس-قي­مىلدىڭ حالىقارالىق كۇنى رەتىندە بەلگىلەندى. ۇشىنشىدەن, ن. نازار­باەۆ­تىڭ «الەم. ءححى عا­سىر» مانيفەسى بۇۇ رەسمي قۇ­جاتى بولىپ تانىلدى. تورتىنشىدەن, قا­زاق­ستان بۇۇ قاۋىپسىزدىك كەڭەسىنىڭ 2017-2018 جىل­دار­داعى تۇراقتى ەمەس مۇشەلىگىنە سايلاندى. مۇنىڭ ءبارى ەلىمىزدىڭ جەر-جاھان­نىڭ قاۋىپسىز ءھام تۇراقتى دامۋ بو­لاشاعىنا دەگەن كوزقاراس پەن جاۋاپ­كەرشىلىكتى ارتتىرۋ جولىنداعى ىزگى ىستەرىنىڭ جار­قىن ۇلگىسى بولىپ تابىلادى.  نۇربەك شاياحمەتوۆ, قازاقستان رەسپۋبليكاسىنىڭ پرەزيدەنتى جانىنداعى «قوعامدىق كەلىسىم» رمم