«كازاحستانسكايا پراۆدا» گازەتى دە ديزاينىن جاڭارتتى

اقپارات جانە كوممۋنيكاتسيا مينيسترلىگىنىڭ ورتالىق كوممۋنيكاتسيالار قىزمەتىندە «كازاحستانسكايا پراۆدا» رەسپۋبليكالىق گازەتىنىڭ جاڭارتىلعان ديزاينىنىڭ تانىستىرىلىمى ءوتتى. «كازاحستانسكايا پراۆدا» رگ» اق باسقارما توراعاسى الەكساندر تاراكوۆ گازەتتى بەزەندىرۋدىڭ جاڭا فورماتىن قالىپتاستىرۋدا «نيۋ-يورك تايمس», «ۆاشينگتون پوست», «دەيلي نيۋس» سياقتى بەلگىلى باسىلىمداردىڭ تاجىريبەسى قولدانىلعانىن اتاپ ءوتتى. «گازەتتىڭ باس رەداكتورىنىڭ ورىنباسارى سەرگەي نەستەرەنكو جەتەكشىلىك ەتكەن توپ بار تاجىريبەنى جيناقتاپ, بىرقاتار باسىلىمداردى زەرتتەپ شىعىپ, جاڭا وزگەرىستەر ەنگىزدى. ول وزگەرىستەردى «كازاحستانسكايا پراۆدانىڭ» ەرتەڭگى نومىرىنەن كورۋگە بولادى», – دەدى ا.تاراكوۆ. بۇدان بولەك, ەرتەڭنەن باستاپ «كازاحستانسكايا پراۆدا» گازەتى مەن Kazpravda.kz سايتى بۇرىنعىدان دا تىعىز ارەكەتتەسەتىن بولادى. قاعاز باسىلىمنىڭ ءبىرىنشى جولاعىندا QR-كود ورنالاستىرىلادى, ول ارقىلى وقىرمان ءوز گادجەتىندەگى سايكەس قوسىمشا ارقىلى تىكەلەي سايتقا كىرە الادى. ينتەرنەت رەداكتسيانىڭ باس رەداكتورى دامير ايداروۆ باسىلىم پورتالىنىڭ 2014 جىلدان بەرى بولەك فورماتتا جۇمىس ىستەيتىنىن اتاپ ءوتتى. «ءبىز لوگوتيپتى وزگەرتىپ, جاڭا جوبالاردى ۇسىنباقپىز. ونى ءبىزدىڭ وقىرماندار باعالايدى دەپ سەنەمىز. سونداي-اق جاڭا باعىتتاردى – بەينەماتەريالدار, بەينەجاڭالىقتاردى بەلسەندى تۇردە يگەرىپ جاتىرمىز», – دەدى د.ايداروۆ. ايدار ورىسباەۆ