«ەگەمەن قازاقستان» گازەتى ەرتەڭ, 1 قىركۇيەكتەن باستاپ جاڭا ديزايندا جارىق كورەدى. بۇل تۋرالى اقپارات جانە كوممۋنيكاتسيا مينيسترلىگىنىڭ ورتالىق كوممۋنيكاتسيالار قىزمەتىندە «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى مالىمدەدى. ول بۇگىن گازەتتىڭ جاڭا ماكەتىن تانىستىرىپ, وزگە دە ەلەۋلى وزگەرىستەر جونىندە اڭگىمەلەپ بەردى.
باسقارما توراعاسى اتاپ وتكەندەي, گازەت اتاۋىنىڭ جازىلۋ ءستيلى, بوياۋى جانە قارىپى, سونداي-اق ىشكى مازمۇندىق قۇرىلىمى وزگەرگەن. سونىمەن قاتار, باسىلىمنىڭ زاماناۋي تالاپتارعا ساي, ءارتۇرلى قولدانىسقا ىڭعايلى امبەباپ لوگوتيپى جاسالدى. «ءبىرىنشى كەزەكتە, وتاندىق جانە شەتەلدىك تانىمال باسىلىمداردىڭ ديزايندارى جان-جاقتى زەردەلەنىپ, باسپاسوزگە بۇگىنگى كۇن تۇرعىسىنان قويىلىپ وتىرعان تالاپ-تىلەكتەر, قولدانىستاعى تاجىريبەلەر ساراپتان وتكىزىلدى», – دەدى دارحان قىدىرالى.
ەسكە سالا كەتەيىك, باسىلىمنىڭ تاياۋدا جالپى ستراتەگيالىق دامۋ تۇجىرىمداماسى ازىرلەنىپ, ونى اقپارات جانە كوممۋنيكاتسيالار مينيسترلىگى ماقۇلداعان بولاتىن. گازەتتەگى وزگەرىستىڭ بارلىعى وسى ستراتەگيالىق قۇجاتقا سايكەس جاسالعان.
ايدار ورىسباەۆ
