اراب تىلىندە جارىققا شىقتى

ساۋد ارابياسى كورولدىگىندە پرەزيدەنت ن.ءا.نازارباەۆتىڭ «بو­­لاشاقتىڭ ىرگەسىن بىرگە قالاي­مىز» اتتى حالىققا جولداۋى اراب تىلىندە جارىققا شىقتى. ەر-رياد­تاعى قا­زاقستان ەلشىلىگىنىڭ باسىپ شى­عار­عان اتالمىش برو­شيۋ­راسى الدىڭ­عى قاتارلى اراب ەلدەرىنىڭ رەسمي, عىلىمي جانە ىسكەر توپ وكىلدەرىنە ەلىمىزدىڭ بو­لاشاققا ارنالعان سىرت­قى جانە ىشكى ساياسي باعىت­تا­رىمەن تانى­سۋعا مۇمكىندىك بەرەدى. ساۋدياداعى قازاقستان ەلشىسى قايرات لاما شاريف ساۋد ارا­بياسى, كۋۆەيت جانە باحرەين مي­نيسترلەرىنىڭ, پارلامەنتتەرى دە­پۋ­­تاتتارىنىڭ, بۇقارالىق اق­پا­رات قۇرالدارىنىڭ باس رەداك­تور­لارى مەن ساراپتامالىق ورتالىق باسشىلارىنىڭ اتىنا بروشيۋرامەن بىرگە جولداعان ىلەسپە حا­تىندا: «پرەزيدەنتتى حالىق ساي­لاعاندىعىن جانە ەلباسىنىڭ حا­لىققا جولداۋى قازىرگى تۇيتكىل ماسەلەلەردى كورسەتىپ قانا قوي­ماي, سونىمەن قاتار ولاردىڭ سترا­تەگيالىق شەشىلۋ جولدارىن ايقىنداپ بەردى», دەپ اتاپ كور­سەتكەن. ويتكەنى, مەملەكەتتىك سايا­ساتتىڭ ءوزى پرەزيدەنت قويعان مىندەتتەردى جۇزەگە اسىرۋ اياسىندا اتقارىلۋدا. ەلباسىنىڭ جولداۋ­ىن­دا, ەڭ باستىسى, مەملەكەت پەن قوعامنىڭ قىسقا جانە ۇزاق مەرزىمگە ارنالعان جالپىلاما دامۋ تۇجىرىمداماسى بەلگىلەنگەن. ەلشى ءوز قۇزىرەتى اياسىندا اراب ەلدەرىنىڭ جوعارى لاۋا­زىم­دى تۇلعالارىمەن بولعان ديپلو­ما­تيالىق حات الماسۋىندا قا­زاق­ستاننىڭ يسلام كونفەرەنتسياسى ۇيىمىنا توراعالىعى ۇستىمىزدەگى جىلعى ەلىمىزدىڭ سىرتقى ساياسا­تى­نىڭ باستى باعىتتارىنىڭ ءبىرى بولاتىنىن اتاپ وتكەن. ەلىمىزدىڭ بەدەلدى حالىقارالىق مۇسىلمان ۇيىمىنا توراعالىعى قازاقستان تاۋەلسىزدىگىنىڭ 20 جىلدىق مەرەي­تويىمەن تۇسپا-تۇس كەلىپ وتىر. «ەگەمەن-اقپارات».