فورۋم اياسىنداعى كەزدەسۋلەر

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ «يادرولىق قارۋسىز الەم قۇرۋ» حالىقارالىق كونفەرەنتسياسىنا قاتىسۋشىلارمەن بىرقاتار ەكىجاقتى كەزدەسۋلەر وتكىزدى, دەپ حابارلادى سەناتتىڭ ءباسپاسوز قىزمەتى. ق.توقاەۆ بۇۇ باس حاتشى­سىنىڭ ورىنباسارى, بۇۇ جەنە­ۆا ءبولىمىنىڭ باس ديرەكتورى, قارۋسىزدانۋ جونىندەگى كونفە­رەن­تسيانىڭ باس حاتشىسى مايكل ميوللەرمەن بۇۇ قىزمەتى­نىڭ كەلەشەگىن تالقىلادى. سەنات توراعاسى بىرىككەن ۇلتتار ۇيىمى­نىڭ الەمدىك ىستەردەگى جەتەكشى ءارى ورتالىق ءرولى تۋرالى قا­زاقستاننىڭ قاعيداتتى كوزقارا­سىن اتاپ ءوتتى. سەنات توراعاسى ول تۇجىرىمداردىڭ بۇۇ باس اسسامبلەياسىنىڭ جانە قاۋىپسىز­دىك كەڭەسىنىڭ رەسمي قۇجاتى مارتە­بەسىنە يە بولعان پرەزيدەنت ن.نازارباەۆتىڭ «الەم. ءححى عاسىر» مانيفەسىندە ەگجەي-تەگجەي­لى مازمۇندالعانىن ايتتى. يادرولىق سىناقتارعا جالپىعا بىردەي تىيىم سالۋ تۋرالى شارت ۇيىمى دايارلاۋ كوميسسياسىنىڭ اتقارۋشى حاتشىسى لاسسينا زەربومەن كەزدەسۋ بارىسىندا حالىقارالىق قاۋىپسىزدىك جانە يادرولىق قارۋدى تاراتپاۋداعى وزەكتى ماسەلەلەر تالقىلاندى. ق.توقاەۆ ەلىمىزدىڭ يادرولىق سى­ناققا جالپىعا بىردەي تىيىم سالۋ تۋرالى شارتتىڭ تەزىرەك كۇشىنە ەنۋىن جاقتايتىنىن اتاپ ءوتتى. قازاقستان پارلامەنتى جو­عار­عى پالاتاسىنىڭ باسشىسى كورەيا رەسپۋبليكاسىنىڭ قوسى­لۋ ءمينيسترى حون يون ءپيونى دە قابىلدادى. ق.توقاەۆ قازاقستان پرە­زيدەنتى ن.نازارباەۆتىڭ بيىلعى قاراشادا سەۋلگە ساپارى ءبىزدىڭ بارلىق سالاداعى, ونىڭ ىشىندە يادرولىق قارۋدى تاراتپاۋ ماسەلەلەرىندەگى تىعىز ىنتىماقتاستىعىمىزعا جاڭا سەرپىن بەرەتىنىنە سەنىم ءبىلدىردى. سونداي-اق, قازاقستان سەناتى مەن وڭتۇستىك كورەيانىڭ ۇلتتىق اسسامبلەياسى اراسىنداعى ءوزارا ءىس-قيمىلدىڭ كەلەشەگى دە ءسوز بولدى. كەزدەسۋ بارىسىندا كورەيا تۇبەگىندە يادرولىق قارۋدى تاراتپاۋ ماسەلەلەرى قوزعالدى.