پرەزيدەنت پارلامەنتارالىق وداقتىڭ توراعاسىمەن كەزدەستى

ەلباسى پارلامەنتارالىق وداقتىڭ توراعاسى سابەر چوۋدحۋريمەن كەزدەستى. بۇل تۋرالى akorda.kz حابارلادى. كەزدەسۋ بارىسىندا پارلامەنتارالىق ءوزارا ءىس-قيمىلدى نىعايتۋدىڭ, ۇيىممەن ىنتىماقتاستىقتى ودان ءارى تەرەڭدەتۋدىڭ پەرسپەكتيۆالارى قارالدى. تاراپتار سونداي-اق, حالىقارالىق كۇن تارتىبىندەگى وزەكتى ماسەلەلەردى تالقىلادى. مەملەكەت باسشىسى حالىقارالىق انتيادرولىق كونفەرەنتسياعا قاتىسۋ ءۇشىن ەلىمىزگە ساپارمەن كەلگەن س.چوۋدحۋريگە العىس ايتتى. نۇرسۇلتان نازارباەۆ ءتۇرلى ەلدەردىڭ پارلامەنت مۇشەلەرى اراسىنداعى تىعىز بايلانىستىڭ, حالىقارالىق قاۋىپسىزدىكتى نىعايتۋ جانە يادرولىق قارۋدان ازات الەم قالىپتاستىرۋ ءۇشىن بىرلەسە قىزمەت ەتۋ جولىندا جۇمىلۋدىڭ ماڭىزدىلىعىن اتاپ ءوتتى. س.چوۋدحۋري قوناقجايلىق ءۇشىن العىس ايتىپ, ەلىمىزبەن ستراتەگيالىق جانە دوستىق قارىم-قاتىناستى ودان ءارى دامىتۋ ءۇشىن بارلىق كۇش-جىگەرىن جۇمساۋعا دايىن ەكەنىن جەتكىزدى. ايدار ورىسباەۆ