ءوندىرىستى قالاداعى وڭ ىستەر

اقسۋ فەرروقورىتپا زاۋىتى جانە ەۋرا­زيالىق ەنەرگەتيكالىق كورپوراتسيا اتتى ەكى الىپ كاسىپورنى بار ءوندىرىستى قالا ەكەنىن بيىك مۇرجالارىنان شىعىپ جاتقان ءتۇتىنى­نىڭ ءبىر تولاستا­ماي­تىنى­نان-اق  اڭعاراسىز. قالا­لىق اكىم­دىككە قاراستى 28 مىڭداي حا­لىق تۇرا­تىن ۇلكەندى-كىشىلى 33 اۋىلى جانە بار. جالپى, ءوندىرىسى كوپ قاي قالانىڭ بولماسىن تۇر­عىن­دارىن ەڭ اۋەلى اۋانىڭ تازا­لى­عى, قالىپتى ەكو­لو­گيا­لىق جاعداي ويلانتا­دى. كوپشىلىك قالا تۇرعىندارى وسى ءوندىرىس ورىندارىندا ەڭ­بەك ەتەدى. اقسۋلىق­تار ەل­باسى تاپسىر­ماسى بويىنشا ەلەكتر ستانسا­سىن­دا ءجۇر­گى­زىلىپ جات­قان قايتا قۇ­رۋلار مەن جاڭا زامانعى تەح­نيكالىق جاب­دىق­تاۋلار بو­لا­شاقتا قالا­نىڭ ەكولوگيالىق تازالىعىن ساقتاپ قالا­تىنىنا سەنىمدى. قالاعا كەلگەن بەتتەن-اق «جول كار­تاسى» باعدارلاماسىنىڭ ناتيجەسى باي­قا­لادى, كوشەلەرى جوندەلىپ, ءبىرشاما وزگەرىس ەنگەنى كورىنىپ تۇر. كاسىپورىن­دار يندۋستريالىق-يننوۆاتسيالىق دامۋ باع­دار­لا­ماسىن جۇزەگە اسىرۋدا. قالا اكىمى ورازكەلدى قايىركەلدي­نوۆ­پەن اڭگىمەمىز وسى ءوندىرىس تاقىرىبىنان باستاۋ الدى. قازىر 16 ينۆەستيتسيالىق جوبا  قولعا الىنىپتى. بۇل رەتتە قۇنى 37 ملرد. تەڭگەنىڭ ەكى جوباسى ەۋرازيالىق  ەنەرگە­تيكا­لىق كورپوراتسيا­نىڭ, 24 ملرد. تەڭگەنىڭ 13 جوباسى اقسۋ فەر­روقورىتپا زاۋىتىنىڭ, ال ءبىر جوبا شاعىن  جانە ورتا بيزنەس بويىنشا جىلىنا 200,0 ميلليون تەڭگەنىڭ پوليەتيلەن قۇبىر­لارىن وندىرەتىن “دانيەر” وندىرىستىك ساۋدا-قۇرى­لىس فيرماسى ۇلەسىندە ەكەن. وسى جوبالار­دىڭ ارقاسىندا 369 جاڭا جۇ­مىس ورنى اشىل­عان. بيىل  فەررو­قورىتپا زاۋى­تىن­دا جىلىنا 350 مىڭ توننا اگلومەرات ش­ى­عا­راتىن نىسان پايدا­لانۋعا بەرىلدى. شلاكتى قايتا وڭدەۋ تسەحى ىسكە قوسىلدى. سون­داي-اق № 14, № 26-پەشتەر كۇر­دەلى جوندەۋدەن ءوتتى. “ەۋرازيالىق ەنەرگەتيكا­لىق كورپوراتسيادا تسيكلدى ارشۋ كەشەنى جانە 10 ميلليون تەكشە مەترلىك قۋاتپەن كومىر ءتۇسىرۋ باعىتى ىسكە قوسىلدى. ستانسادا №2 ەنەر­گوبلوكتى قال­پى­نا كەلتىرۋ جۇ­مىسى ءجۇرىپ جاتىر. بۇل ستان­سانىڭ جالپى قۋاتىن ۇل­عايتۋعا مۇمكىن­دىك بەرەدى. تۇرعىن ءۇي قۇ­رى­­لىسى باعدار­لاماسىن ىسكە اسىرۋ ماقساتىن­دا فەررو­قو­رىتپا زاۋىتى­مەن قالا­نىڭ 4-شا­­عىن اۋدانىندا 60 پاتەرلى ەكىنشى تۇرعىن ءۇي پايدا­لانۋعا بەرىلدى. كاسىپ­ورىن­دار بالا­لاردىڭ جازعى دەمالى­سىن ۇيىم­داس­تىرۋعا قولۇشىن بەرۋدە. “اق­سۋ – ءبىزدىڭ ورتاق ءۇيىمىز”  قوعام­دىق بىرلەستىگىنىڭ قار­جىلاي كومە­گىمەن جاعاجايدا بالالار قالاشىعى مەن جا­ساندى جابىندىسى بار سپورت الاڭى ىسكە قو­سىلدى. ءسوزىمىزدىڭ باسىندا ايتقانى­مىز­داي, قا­لا اۋىلدارمەن دە باي. ياعني, 160-تان اسا شارۋا قوجا­لى­عى, ءسۇت پەن ەت دايىندايتىن 31 ورىن, اۋىل­شارۋاشىلىق ءونىم­دەرىن قاي­تا ءوڭ­دەي­تىن 21 نىسان بار. وتكەن جىلى اۋىلشارۋا­شى­لىق ءونىمىن ءوندىرۋ كو­لەمى 7,8 ملرد. تەڭگەنى قۇرادى. 2010 جىلى 27 مىڭ توننا ءسۇت, 6 مىڭ توننا ەت,  42 ميلليون دانا جۇمىرتقا,  59 توننا شۇجىق ءونىمى, 370 توننا نان ونىمدەرى شىعارىلىپتى. ءونىم­دى قىس مەزگىلىندە ساتۋ ءۇشىن 8400 توننا كارتوپ پەن كوكونىس قويماعا سالىن­دى. قالادا “اۋىل” كوممۋنالدىق بازارى جۇمىس جا­ساي­دى. اۋىل­دىق­تار 82 رەت وبلىس­تىق, 6 رەت قالالىق جارمەڭكە­لەر­گە قاتىسىپ, 133 ميلليون تەڭگەنىڭ ونىمدەرىن ساتىپ قاي­تىپ­­تى. سو­نى­مەن قاتار, اۋىلشارۋا­شىلىق تاۋار­لارىن وندىرۋشىلەر  قارا­­جا­تى ەسەبىنەن جالپى سىيىم­دى­لى­عى 9500 توننا 3 كوكونىس قويماسى پايدالانۋعا بەرىلگەن. «جول كارتاسى» باعدارلاماسى ايا­سىندا بىرقاتار جولدار جوندەل­گ­ەن. ەلدى مەكەندەردى كورىكتەندىرۋ جۇمى­سى­ندا 40,3 ميلليون تەڭگە يگەرىلگەن. بۇگىندە 13 اۋىل­دا حا­لىق­تى سۋمەن جاب­دىقتايتىن كەشەندى بلوك-مو­دۋل­دەر ورناتىل­عان. ال 8 اۋىل­دا  سۋ قۇبىرى بار. قازىرگى ۋاقىتتا 844 بالاعا ار­نال­عان 22 شاعىن ورتا­لىق جانە بالا­باق­شالاردا قوسىمشا 350 ورىن اشىلدى. قالادا “بالاپان” مەملەكەتتىك باعدارلاما­سى بو­يىنشا 330 ورىنعا ارنالعان بالا­باق­شا قۇ­رىلىسى باستالدى. وتكەن جىلى تورتقۇدىق اۋىلىندا باس­تاۋىش مەك­­­تەپ پايدالانۋعا بەرىلدى. اۋىل­­دىقتاردى ءدارى-دارمەكپەن قام­تاما­سىز ەتۋ ءۇشىن  دارىگەرلىك امبۋلاتوريالاردا جانە مەديتسينالىق قىز­مەت كورسەتۋ پۋنكتتەرىندە 3 جىلجىمالى جانە 11 ستاتسيو­نار­لىق دارىحانالىق پۋنكتتەر ۇيىم­داستىرىلدى. سونى­مەن قاتار, وب­لىس اكىمى باقىتجان ساعىن­تاەۆ­تىڭ باس­تا­ماسى­مەن قولعا الىنعان «جايلاۋ» باعدار­لاماسى ارقىلى اۋىلدىقتار 100 باستان قوي الىپ,  باعىپ-قاعۋدا.  بۇگىنگى كۇنى اۋىلدا 1662 ءىرى قارا مال, 2181 قوي, 191 جىلقى بار. بۇل كۇندە اقسۋدىڭ اۋىلدارىندا 1186 ورالمان وت­با­سى تۇرادى. تۇرمىسى ءتو­مەن ورالماندار  وتباسىلارىنداعى 30 بالا قا­لا اكىمى­نىڭ گرانتى بويىن­شا جوعارى وقۋ ورىن­دا­رىن­دا وقىپ ءجۇر. جەكە كاسىپ­كەر­لىكپەن اينا­لىساتىن اعايىندار دا بار. قالاداعى سۋ, جىلۋ جەلىلەرى بو­يىن­داعى كەمشىلىكتەر رەتتەلدى. بۇل ءۇشىن رەسپۋب­ليكالىق جانە وب­لىس­­تى­ق بيۋدجەتتەن بوگەت قۇرى­لى­سىنا جانە جەلىلەردى اۋىس­تىرۋعا, كارىزدەر كول­لەكتورىن قايتا جاڭا­ر­ت­ۋ­عا 600,0 ميلليون تەڭگەدەن اسا قار­جى ءبولىنىپتى. تالاي جىل­داردان بەرى ىسكە قوس­ىلماي تۇرعان كوپ قا­باتتى ۇيلەردەگى 26  ليفت تولىعىمەن قال­پىنا كەلتىرىلۋى دە ءوز­گەرىستەردى كورسەتەدى. فاريدا بىقاي. پاۆلودار وبلىسى.