سوڭعى ءبىر-ەكى اپتا بويى اتىراۋدا اڭقانى كەپتىرىپ, شەكەنى تەسەردەي اپتاپ ىستىق بولدى. 112 ورتالىعىنان ىستىقتىڭ +42 گرادۋسقا جەتەتىندىگى تۋرالى حابارلامالار ءتۇستى. الايدا, بۇرناعى كۇنى ءتۇس اۋا اتىراۋدا نوسەر جاڭبىر جاۋدى. شاڭدى باسار, ىستىقتى قايتارار دەگەندەردى از-كەم ابىگەرگە سالدى. الدىمەن, كوك جۇزىندە تۇيدەك-تۇيدەك جوڭكىلگەن بۇلتتان بارماق باسىنداي بۇرشاق ءتۇسىپ, سوڭىنان نوسەرگە ۇلاستى.
كوزدى اشىپ-جۇمعانداي ءاپ ساتتە قالا جولدارى كول-كوسىر سۋعا تولدى. جەلدىڭ ەكپىنى كۇشەيىپ, شاتىرلار قۇستاي قۇلديلاپ ۇشتى. توتەنشە جاعدايلار دەپارتامەنتىنىڭ اقپاراتىنا قاراعاندا, سول كۇنى 15-20 مەتر/سەكۋندقا دەيىن جەتكەن جەلدىڭ ەكپىنى 4000 شارشى مەتر شاتىردى ۇشىرعان. وبلىس ورتالىعىنداعى 8 اۋلانىڭ اۋماعىن جاڭبىر سۋى باستى. تۇراقتارداعى كولىكتەر ب ۇلىندى.
جولداسبەك شوپەعۇل
اتىراۋ
