قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №718 

2015 جىلعى 31 جەلتوقسان, استانا قالاسى عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ  جوبالارىن قارجىلاندىرۋ قاعيدالارىن بەكىتۋ تۋرالى «عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تۋرالى» 2015 جىلعى 31 قازانداعى قازاقستان رەسپۋبليكاسى زاڭىنىڭ 4-بابىنىڭ 4) تارماقشاسىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوبالارىن قارجىلاندىرۋ قاعيدالارى بەكىتىلسىن. 2. قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتى (س.ە.جولداسباەۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و. بالىقباەۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى ت.بالىقباەۆ «كەلىسىلدى» قازاقستان رەسپۋبليكاسىنىڭ قارجى ءمينيسترى ____________ ب.سۇلتانوۆ 2015 جىلعى 31 جەلتوقسان قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2015 جىلعى 31 جەلتوقسانداعى №718 بۇيرىعىمەن بەكىتىلگەن عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوبالارىن قارجىلاندىرۋ قاعيدالارى 1. جالپى ەرەجەلەر 1. عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوبالارىن قارجىلاندىرۋ قاعيدالارى (بۇدان ءارى – قاعيدالار) «عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ تۋرالى» 2015 جىلعى 31 قازانداعى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە مەملەكەتتىك بيۋدجەت جانە (نەمەسە) بيۋدجەتتەن تىس قاراجاتتارىنىڭ ەسەبىنەن عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ گرانتتارىن قارجىلاندىرۋ (بۇدان ءارى – گرانتتىق قارجىلاندىرۋ) ءتارتىبىن ايقىندايدى. 2. عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوبالارىن قارجى­لاندىرۋ شارتى وپەراتور مەن ورىنداۋشى اراسىندا مەملەكەتتىك بيۋدجەتتەن نەمەسە بيۋدجەتتەن تىس قاراجاتتان قارجىلاندىرۋ اياسىندا ونى ىسكە اسىرۋدىڭ بارلىق مەرزىمىندە, بىراق ءۇش جىلدان اسپايتىن مەرزىمدە جاسالادى. 3. وسى قاعيدالاردا مىناداي نەگىزگى ۇعىمدار پايدالانىلادى: 1) بالداردى سارالاۋ – ساراپتاما ناتيجەلەرى بويىنشا جانە بولىنگەن قاراجات كولەمىن ەسكەرە وتىرىپ, جوعارى بالل بويىنشا جوبالاردىڭ تىزبەسىن جاساۋ; 2) عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوباسى – زياتكەرلىك قىزمەتتىڭ ناتيجەلەرىن قوسا العاندا, عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن پراكتيكالىق قولدانىلۋعا ۇسىنىلعان جۇمىستىڭ مازمۇنىن قامتيتىن, نارىققا تابىس كەلتىرۋگە باعىتتالعان جاڭا نەمەسە جەتىلدىرىلگەن تاۋارلاردى, پروتسەستەر مەن قىزمەتتەردى شىعارۋ ماقساتىنداعى قۇجات; 3) عىلىم سالاسىنداعى ۋاكىلەتتى ورگان – عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ سالاسىنداعى سالاارالىق ۇيلەستىرۋ مەن باسشىلىق ەتۋدى جۇزەگە اسىراتىن مەملەكەتتىك ورگان; 4) قاتىسۋشى – عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋدىڭ قاتىسۋشىلارى رەتىندە زاڭمەن ايقىندالعان جەكە جانە زاڭدى تۇلعالار; 5) وپەراتور (تاپسىرىس بەرۋشى) – عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋدى جۇزەگە اسىرۋدى ۇيىمداستىرۋ بويىنشا, ونىڭ ىشىندە جوبالاردى ىرىكتەۋ جانە ولاردى قارجىلاندىرۋ, ەكونوميكالىق ساراپتامالاردى جۇرگىزۋ, قاراجاتتى پايدالانۋ تيىمدىلىگىن جانە گرانتتىق قارجىلاندىرۋ ناتيجەلىلىگىن مونيتورينگىلەۋدى جۇزەگە اسىرۋ ماقساتىندا كونكۋرستى وتكىزۋدى ۇيىمداستىرۋ بويىنشا تاجىريبەسى بار, ۋاكىلەتتى ورگانمەن نەمەسە سالالىق ۋاكىلەتتى ورگانمەن انىقتالاتىن زاڭدى تۇلعا. وپەراتور رەتىندەگى وزگە دە زاڭدى تۇلعالار ۋاكىلەتتى ورگاندار نەمەسە سالالىق ۋاكىلەتتى ورگانداردىڭ بۇيرىعىنا سايكەس ايقىندالادى; 6) سالالىق ۋاكىلەتتى ورگاندار – عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ سالاسىندا مەملەكەتتىك ساياساتتى ىسكە اسىرۋدى جانە ءتيىستى سالالاردا جۇمىستاردى ۇيلەستىرۋدى جۇزەگە اسىراتىن مەملەكەتتىك ورگاندار; 7) ەكونوميكالىق (ماركەتينگتىك) ساراپتاما (بۇدان ءارى – ەمس) – تۋرالى كوممەرتسيالاندىرۋ جوبالارىن ىسكە اسىرۋدىڭ مۇمكىندىكتەرى مەن كەلەشەگى جانە ولاردى ەنگىزۋدى وپەراتور جۇزەگە اسىراتىن ەكونوميكالىق تيىمدىلىگى تۋرالى نەگىزدەلگەن زەرتتەۋلەرگە (باعالاۋ) بايلانىستى قىزمەت. 2. عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوبالارىن قارجىلاندىرۋ گرانتىنىڭ ءتارتىبى 4. گرانتتىق قارجىلاندىرۋ بيۋدجەتتەن جانە (نەمەسە) بيۋدجەتتەن تىس قاراجات ەسەبىنەن قاتىسۋشىلارعا كونكۋرستىق نەگىزدە, بيۋدجەتتەن جانە (نەمەسە) بيۋدجەتتەن تىس قايتارىمسىز قاراجات بولىپ قاراستىرىلعان قاراجات شەگىندە بولىنەدى. 5. وپەراتور (تاپسىرىس بەرۋشى) كوممەرتسيالاندىرۋ راسىمدەرىن ۇيىمداستىرۋ ماقساتىندا عىلىمي جانە (نەمەسە) عىلىمي-تەحنيكالىق قىزمەت ناتيجەلەرىن كوممەرتسيالاندىرۋ جوبالارىن ىرىكتەۋ بويىنشا كونكۋرستى ۇيىمداستىرۋ جانە وتكىزۋدى, ونىڭ ىشىندە, كونكۋرس قۇجاتتامالارىن ازىرلەۋ جانە بەكىتۋدى, ەمس جوبالارىن وتكىزۋدى, ولاردى قارجىلاندىرۋدى قوسا العانداعى قىزمەتتى ىسكە اسىرادى, سونداي-اق قاراجاتتى پايدالانۋ تيىمدىلىگىن جانە گرانتتىق قارجىلاندىرۋ ناتيجەلىلىگىن مونيتورينگتەۋدى جۇزەگە اسىرادى. 6. عىلىمي جانە (نەمەسە) عىلىمي-تەحنيكالىق قىزمەتتى كوممەرتسيالاندىرۋ ناتيجەلەرىن گرانتتىق قارجىلاندىرۋ كونكۋرسىن وسى قاعيدالارعا سايكەس كونكۋرستى جاريالاۋشى وپەراتور وتكىزەدى. 7. كونكۋرس قۇجاتتامالارى كەلەسى مالىمەتتەردى قامتيدى: 1) كونكۋرس وپەراتورىنىڭ اتاۋى; 2) تاقىرىپ اتاۋىنىڭ شەڭبەرىندە كوممەرتسيالاندىرۋدىڭ ءتيىستى جوبالارىن جاساۋ; 3) جوبانى ىسكە اسىرۋ جوسپارى; 4) كونكۋرس ءوتىنىمىنىڭ نىسانى مەن قوسىمشاسى; 5) كوممەرتسيالاندىرۋعا ارنالعان ءبىر جوبانى قارجىلاندىرۋدىڭ بارىنشا كوپ كولەمى; 6) قاتىسۋشىلارعا بىلىكتىلىك تالابى; 7) كونكۋرس ءوتىنىمىن راسىمدەۋ جانە ۇسىنۋ تالابى; 8) كونكۋرس وتىنىمدەرىن قاراۋ ءتارتىبى جانە جەڭىمپازدى انىقتاۋ. 8. گرانتتى الۋعا ۇمىتكەر رەتىندە قاتىسۋشى, تاپسىرىس بەرۋشىگە وسى قاعيدالاردىڭ 7-تارماعىندا كورسەتىلگەن مالىمەتتەرگە قوسىمشا جوبانى قاجەتتى رەسۋرستارمەن ءىشىنارا, ونىڭ ىشىندە قارجىلىق قامتاماسىز ەتۋدى جۇزەگە اسىرۋ ءۇشىن جەكە ارىپتەستەر تاراپىنان بىرلەسىپ قارجىلاندىرۋعا تارتۋ تۋرالى مالىمەتتەردى ۇسىنادى. تاراپتاردىڭ نيەتتەرىن راستاۋ ولاردى ىسكە اسىرۋ مەرزىمدەرى مەن سالىم سوماسىن كورسەتە وتىرىپ, بىرلەسىپ قارجىلاندىرۋ تۋرالى كەلىسىم بولىپ تابىلادى. جەكە ارىپتەستىكتىڭ بولۋى ءوتىنىمدى قاراۋ جانە گرانتتىق قارجىلاندىرۋدى الۋعا جەڭىمپازداردى ايقىنداۋ كەزىندەگى باسىمدىلىق شارتتاردىڭ ءبىرى بولىپ تابىلادى. 9. گرانتتىق قارجىلاندىرۋعا ارنالعان كونكۋرستى وتكىزۋ تۋرالى حابارلاندىرۋدى وپەراتور رەسپۋبليكالىق مەرزىمدى باسپا باسىلىمدارىندا جاريالايدى جانە عىلىم سالالارىنداعى ۋاكىلەتتى ورگاننىڭ نەمەسە سالالىق ۋاكىلەتتى ورگانداردىڭ نەمەسە وپەراتوردىڭ ينتەرنەت رەسۋرستارىندا ورنالاستىرادى جانە وعان ەركىن قول جەتكىزۋگە بولادى. 10. گرانتتىق قارجىلاندىرۋ كونكۋرسى تۋرالى حابارلاندىرۋ مىناداي اقپاراتتى قامتيدى: 1) كونكۋرس وپەراتورىنىڭ اتاۋى; 2) كونكۋرس اتاۋى جانە گرانتتىق قارجىلاندىرۋدىڭ كولەمى; 3) كونكۋرس وپەراتورىنىڭ جاۋاپتى لاۋازىمدى ادام تۋرالى مالىمەتتەر, ياعني كونكۋرس قۇجاتتارىن ءتۇسىندىرۋ جانە كونكۋرس وتىنىمدەرىن دايىنداۋ ماسەلەلەرى بويىنشا كونسۋلتاتسيانى جۇزەگە اسىرادى; 4) وتىنىمدەردى ۇسىنۋدىڭ سوڭعى مەرزىمدەرى كونكۋرس تۋرالى حابارلاندىرۋ شىققان كۇننەن باستاپ كۇنتىزبەلىك وتىز كۇننەن ەرتە ەمەس جانە 45 كۇننەن ارتىق ەمەس. 11. كونكۋرس قۇجاتتامالارىنا سايكەس كەلمەيتىن وتىنىمدەردى كونكۋرس وپەراتورلارى كەرى قايتارۋى ءتيىس. 12. كونكۋرس وپەراتورى كونكۋرس قۇجاتتاماسىنا سايكەس كەلەتىن ءوتىنىمىنىڭ ءبىر داناسىن ۇلتتىق, مەملەكەتتىك عىلىمي-تەحنيكالىق ساراپتاما ورتالىعىنا (بۇدان ءارى – ساراپتاما ورتالىعى) كونكۋرس ءوتىنىمىن قابىلداۋ اياقتالعان كۇننەن باستاپ بەس جۇمىس كۇنى ىشىندە جىبەرەدى. 13. ساراپتاما ورتالىعى مەملەكەتتىك عىلىمي-تەحنيكالىق ساراپتامانى (بۇدان ءارى – معتس) گرانت نەگىزىندە قارجىلاندىرۋ ءوتىنىمىن العان كۇننەن باستاپ كۇنتىزبەلىك وتىز كۇننەن كەشىكتىرمەي وتكىزۋدى ۇيىمداستىرادى جانە معتس ناتيجەلەرىن كونكۋرس وپەراتورىنا ۇسىنادى. 14. وپەراتور گرانتتىق قارجىلاندىرۋعا ەمس وتىنىمدەرىن وتكىزۋدى ۇيىمداستىرادى جانە كونكۋرسقا وتىنىمدەردى قابىلداۋ اياقتالعان كۇننەن باستاپ كۇنتىزبەلىك وتىز كۇننەن كەشىكتىرمەيتىن مەرزىمدە ساراپشىمەن شارت جاساسادى. 15. وپەراتور معتس مەن ەمس اياقتالعان سوڭ وپەراتور بەس جۇمىس كۇنى ىشىندە وتىنىمدەردىڭ ناتيجەلەرىن ساراپتاما قورىتىندىلارىمەن بىرگە ءتيىستى ۇلتتىق عىلىمي كەڭەستەرگە (ۇعك) جىبەرەدى. 16. كونكۋرس وتىنىمدەرىن ولاردى ىرىكتەۋدە كوزدەلگەن راسىمدەردى ەسەپكە الا وتىرىپ قاراستىرۋ كونكۋرس تۋرالى حابارلاندىرۋ شىققان كۇننەن باستاپ كۇنتىزبەلىك توقسان بەس كۇننەن اسپايتىن مەرزىمدە جۇزەگە اسىرىلادى. 18. گرانتتىق قارجىلاندىرۋ كونكۋرسىنىڭ ناتيجەلەر مىندەتتى تۇردە مەرزىمدى باسپا باسىلىمدارىندا جاريالانۋى جانە وپەراتوردىڭ ينتەرنەت رەسۋرستارىندا ورنالاستىرىلۋى ءتيىس. 19. گرانتتىق قارجىلاندىرۋ وپەراتوردىڭ كونكۋرس جەڭىمپازىمەن گرانتتىق قارجىلاندىرۋ تۋرالى شارت جاساۋىنىڭ نەگىزىندە جۇزەگە اسىرىلادى. 20. گرانتتىق قارجىلاندىرۋدى توقتاتۋ تۋرالى شەشىمدى ۇعك وپەراتوردىڭ ىسكە اسىرۋ كەزەڭىندە جۇرگىزگەن مونيتورينگ ناتيجەلەرى بويىنشا قابىلدايدى. 21. ورىنداۋشىلار وپەراتورعا شارتتا بەلگىلەنگەن مەرزىمدە ارالىق ەسەپتى سونداي-اق, گرانتتىق قارجىلاندىرۋدى پايدالانۋدىڭ قارجىلىق ەسەبىن قوسا العاندا جوبانى ىسكە اسىرۋ قورىتىندىسى بويىنشا ەسەپتى ۇسىنادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12775 بولىپ ەنگىزىلدى.