قازانداعى فەستيۆالعا قاتىسادى

وتكەن جىلى ش.ايمانوۆ اتىنداعى «قازاقفيلم» اق جارىققا شىعارعان «قۇنانباي» ءفيلمى كورەرمەننەن ءوزىنىڭ جوعارى باعاسىن العانى بەلگىلى. ەندى بۇل وتاندىق فيلم 5 – 11 قىركۇيەك ارالىعىندا قازان قالاسىندا وتەتىن XII قازان حالىقارالىق مۇسىلمان كينوسى فەستيۆالىنە قاتىسپاق. اتالعان كونكۋرسقا قاتىسۋعا الەمنىڭ 50 ەلىنىڭ رەجيسسەرلەرى مەن پروديۋسەرلەرىنەن بارلىعى 700-دەن استام ءوتىنىش كەلىپ ءتۇسىپتى. الايدا, كونكۋرس باعدارلاماسىنا 33 مەملەكەتتىڭ 60-قا تارتا دەرەكتى, انيماتسيالىق جانە ويىن-ساۋىق سيپاتىنداعى فيلمدەرى كىرگەن. قازاقستاندىق فيلممەن رەسەي, يران, قىتاي, سەربيا, بىرىككەن اراب امىرلىكتەرى, بانگلادەش, مالايزيا سەكىلدى ەلدەردىڭ كينو تۋىندىلارى باسەكەگە تۇسپەك. بۇل كۇندەرى كورەرمەندەردىڭ نازارىنا كونكۋرستان تىس كەڭ اۋقىمداعى باعدارلامالار دا ۇسىنىلادى. ماسەلەن, فەستيۆال اياسىندا كينەماتوگرافيا سالا­سىنىڭ مايتالماندارىمەن ءتۇرلى شەبەرلىك-ساعاتتار, بايقاۋعا قاتىسۋشىلارمەن شىعارماشىلىق كەزدەسۋلەر, كينو ونەرى سالاسىنىڭ وزەكتى ماسەلەلەرىنە ارنالعان ءدوڭ­گەلەك ۇستەلدەر مەن ءباسپاسوز ءماس­ليحاتتارى ۇيىمداستىرىلادى. كونكۋرستىق باعدارلامانى رەجيسسەر, ستسەناريست, پروديۋسەر سيدديك بارماك, رەجيسسەر, كي­نو­­وپەراتور ۋسمان ساپاروۆ, رەجيس­سەر, ستسەناريست يۋسۋپ را­زىكوۆ جانە كينووپەراتور ۆالە­ري سەۆاستيانوۆ باعالايدى. فەستيۆالعا تورەلىك ەتەتىن قازىلار القاسىنىڭ ءتور­اعاسى – بەلگىلى كينورەجيسسەر, رە­سەيدىڭ حالىق ءارتىسى, كسرو مەملە­كەتتىك سىيلىعىنىڭ لاۋرەاتى الەكساندر پروشكين. بۇل فەستيۆال – 2005 جىلدان بەرى ءداستۇرلى تۇردە تاتارستان استا­ناسىندا ۇيىمداستىرىلىپ كە­لە جاتقان ەڭ اۋقىمدى كينوكور­سە­تىلىم. فەستيۆالدىڭ نەگىزگى تۇجى­­رىم­داماسى «ۇنقاتىسۋ مادە­نيە­تىنەن – مادەنيەت ۇنقاتىسۋىنا» ۇرانى ارقىلى انىق كورىنىس تاپقان. جالپى, فورۋمنىڭ باعدارلا­ماسىنا ۇلتارالىق ۇنقاتىسۋ ورناتۋدى وزەك ەتكەن, بەيبىتسۇيگىشتىك, وزگە دىنگە قۇرمەتپەن قاراۋ, تولە­رانتتىلىق سەكىلدى يدەيالاردى باس­شىلىققا العان فيلمدەر تاڭداپ الىنعان. ءلايلا ەدىلقىزى, «ەگەمەن قازاقستان»