كونە تۇركى عۇرىپتىق كەشەنى زەرتتەلۋدە

تۇركى اكادەمياسى حالىقارالىق ۇيىمىنىڭ (TWESCO) باستاماسىمەن موڭعولياداعى كونە تۇركىلەردىڭ «شيۆەەت ۋلاان» عۇرىپتىق كەشەنىندە باستالعان ارحەولوگيالىق قازبا جۇمىستارى جالعاسۋدا. بۇعان دەيىن حابارلاعانى­مىز­داي, بۇل – موڭعوليا ۇلتتىق عىلىم اكادەمياسى جانىنداعى تاريح جانە ارحەولوگيا ينستيتۋتىمەن بىرلەسىپ جۇزەگە اسقان جوبا. شىلدە ايىنىڭ باسىندا TWESCO باسشى­لى­عىنداعى جوبا اياسىندا بەلگىلى موڭعول ارحەولوگى د.تسەۆەندورج بەن قازاق­ستاندىق تۇركىتانۋشى-عالىم ن.ءبازىل­­حان­نىڭ جەتەك­شىلىگىمەن باستالعان قاز­با جۇ­­مىس­تارى بۇگىندە شيۆەەت ۋلااننىڭ نەگىزگى الاڭىندا ءجۇ­رىپ جاتىر. ماڭگىتاس تۇرعان تۇ­عىردىڭ ورنى مەن كەشەننىڭ ەكى بوسا­عاسىنىڭ الاڭى دا قازىلدى. ارحەولوگتاردىڭ جۇمىسى ءناتي­جەسىز ەمەس. اتاپ ايتقاندا, كونە تۇركىلەردىڭ ءمۇسىن­دەرى تابىلدى. بۇدان بولەك, ءۇيىندى تاستاردان ار­شىلىپ, كەشەننىڭ قۇرىلىمى, ىرگەتاسى, ىرگەتاسىنىڭ ءپىشىنى مەن كولەمى انىقتالىپ وتىر. وسى جانە وزگە دە جاڭا­لىق­تار اكادەميانىڭ ۇيىم­داستىرۋىمەن 24 تامىز كۇنى «شيۆەەت ۋلاان» عۇرىپتىق كەشە­نىندە وتەتىن « ۇلى دالا كوشپەلىلەرى: تاريحي-ءما­دەني ۇندەستىكتەر» اتتى ءىى تۇركى-موڭعول ارحەولوگتارىنىڭ دالا سەمينارىندا كەڭىرەك تانىستىرىلاتىن بولادى. بۇل دالا سەمينارى ازەربايجان, قازاقستان, قىرعىزستان, موڭعوليا, رەسەي جانە تۇركيا عالىمدارى مەن ءباسپاسوز وكىلدەرىنىڭ قاتىسۋىمەن 2016 جىلعى 20-27 تامىزدا وتە­تىن «ءتاڭىرتاۋدان وتۇكەنگە دەيىن: ۇلى دالا كوشپەندىلەرىنىڭ تا­ريحي-مادەني  قازىنالارى» اتتى حالىقارالىق ەكسپەديتسيا اياسىندا ۇيىمداستىرىلادى. نازارلارىڭىزعا كەشەننىڭ قۇرى­­لىمىن انىقتاۋ كەزىندە ءتۇسى­رىلگەن مىنا ءبىر سۋرەت ۇسىنىلىپ وتىر. «ەگەمەن-اقپارات»