دۋبايدا تاعى ءبىر ءزاۋلىم عيمارات سالىنىپ جاتىر

ZAS Architects فيرماسى ازىرلەگەن ءزاۋلىم عيماراتتار جوباسىنىڭ قۇنى 550 ميلليون دوللارعا باعا­لانعان. naked-science.ru اقپارى بويىنشا, ءزاۋلىم ەكى عيماراتتان تۇراتىن بيىك مۇنارالاردىڭ جالپى اۋماعى 186 مىڭ شارشى مەتر بولادى. ەكەۋى دە 53 قاباتتان تۇرادى. ولاردىڭ بىرىندە ءبىرىنشى ساناتتاعى 448 بولمەلىك قوناقۇي بولسا, ەكىنشىسىندە 280 پاتەر بار. عيمارات ءىشىنىڭ كىرە بەرىسى كەلۋشىلەردى ۇلكەن تروپيكالىق ورماندا جۇرگەندەي سەزىمدە قالدىراتىن ارنايى 3D جوبالارمەن جابدىقتالعان. قوسىمشا اۋديوۆيزۋالدى, روبوتتى تەحنيكا مەن 3D تەحنولوگيالار ونىڭ اسەرىن كۇشەيتە تۇسەتىن بولادى. جاڭا عيماراتتاردىڭ باستى ەرەكشەلىگى – ىشىندە اۋماعى 7000 شارشى مەتردى قۇرايتىن تروپيكالىق ورمان ورنالاساتىندىعى. بۇل جەردە قوعامدىق اتتراكتسيوندار, تروپيكالىق وسىمدىكتەر جانە تروپيكالىق ىلعالدى اۋا جۇيەسى بار. ارحيتەكتورلاردىڭ ايتۋىنشا, مۇنداي ىلعالدى اۋا جۇيەسى تۇمان مەن جاڭبىردى شىنايى سەزىنۋگە مۇمكىندىك بەرەدى. كەلۋشىلەرگە ار­نالعان بىرنەشە دەمالىس ورنى, باسسەين, جاعاجاي, ءتۇرلى ءدامحانالار, سارقىرامالار بولادى. جوبانى ازىرلەۋشىلەر عيماراتتىڭ ال­دىڭعى قاتارلى تەحنولوگيالارمەن جاب­دىق­تالعانىن مالىمدەدى. جۇكتى جىلدام قوز­عالاتىن ليفتىلەرمەن بولمەگە جەتكىزەتىن روبوتتى جۇيە ورناتىلعان. عي­ماراتتىڭ قۇرىلىسىن 2018 جىلى اياقتاۋ جوسپارلانعان. ايان ءابدۋالي, «ەگەمەن قازاقستان»