سالىققا سالعىرت قاراماسا, رەسىمدەۋ دە جەڭىلدەيدى

كەشە ورتالىق كوممۋنيكاتسيالار قىزمەتىندە قارجى مينيسترلىگى مەملەكەتتىك كىرىستەر كوميتەتىنىڭ توراعاسى داۋلەت ەرعوجيننىڭ قاتىسۋىمەن بريفينگ ءوتتى. وسى جيىندا ايتىلعانداي, ەلىمىزدەگى ۇكىمەتتىك ەمەس ۇيىمداردى شەتەلدەن قارجىلاندىرۋعا بايلانىستى ەسەپتىلىك كۇشەيتىلمەك. ۇكىمەتتىك ەمەس ۇيىمدار شەتەلدەردەن الىنعان قارجى مەن ونىڭ كادەگە جاراتىلۋى تۋرالى ءبىر توقساندا ءبىر مارتە ەسەپ بەرۋگە ءتيىس. ەگەر قاراجات ءبىر توقسان ىشىندە جاراتىلسا, كەلەسى توقساندا مالىمەت بەرىلمەيدى. زاڭ جۇزىندە قارجىلاي كومەكتىڭ كولەمىنە شەكتەۋ قويىلماق ەمەس, تەك وعان ءتيىستى مالىمەتتەر ۋاقتىلى بەرىلسە بولعانى. كوميتەت توراعاسى اتاپ وتكەندەي, بۇل ايتىلعان ماسەلەلەر شەتەلدەن بەرىلەتىن تۇسىمدەرگە مونيتورينگ جاساۋ ءۇشىن قولعا الىنىپ وتىر ەكەن. ونىڭ كاسىپكەرلىك سالاعا قاتىسى جوق, بيزنەسكە قوسىمشا ەشقانداي سالماق سالىنبايدى. د.ەرعوجين وسى جيىندا مەم­­لەكەتتىك ورگانداردىڭ ستراتە­­گيالىق مالىمەتتەر بازاسىنا ون-لاين قول جەتكىزۋگە, سالىق ءتو­­لەۋشىلەردىڭ جۇمىسىن جەڭىل­­دەتۋ ماقساتىندا ولارعا ءبىر جەردەن قىزمەت كورسەتۋدى ۇيىم­داستىرۋعا كوڭىل بولىنەتىنىن ايتتى. بۇل ورايدا, «ازاماتتارعا ار­نالعان ۇكىمەت» مەملەكەتتىك كور­پوراتسياسىنا ۇلكەن مىندەت جۇك­تەلىپ وتىر. اتالمىش كورپوراتسيا حالىققا قىزمەت كورسەتۋ ورتا­لىقتارىن بىرىڭعاي جۇيەگە بىرىك­تىرۋگە مۇرىندىق بولۋعا ءتيىس. – بيزنەس پەن حالىققا كورسە­تىلەتىن قىزمەتتەردىڭ ساپاسى جاقسارۋى كەرەك. سالىق پەن كەدەن قىزمەتىندەگى بىرىكتىرۋلەر وسى سالادا تۋىنداعان ماسەلەلەردى شەشۋدەگى العاشقى قادام دەۋگە بولادى. كوميتەت سالىق پەن كەدەن جۇيەلەرىن ينتەگراتسيالاۋعا مۇددەلى. ءبىزدىڭ بارلىق جۇ­مىس­تارىمىز كليەنتتەرگە ساپالى قىز­مەت كورسەتۋگە, بيزنەس­كە قولايلى جاع­داي جاساۋعا باعىت­تالعان. ال سالىق پەن كەدەن جۇيە­لەرىن بىرىكتىرۋ قىزمەتتەردىڭ سا­پا­سىن ارتتىرۋعا مۇمكىندىك بەرە­دى, – دەيدى داۋلەت ەرعوجين. وتكەن جىلى ەلىمىز دۇنيەجۇ­زىلىك ساۋدا ۇيىمىنا مۇشە بولعانى بەلگىلى. كوميتەت ءتور­اعاسى اتاپ وتكەندەي, دسۇ يم­پورت­­­تاۋشى ەلدەرگە تاۋارلار­دى كە­دەن باجدارىنىڭ تومەندەتىلگەن مولشەرى بويىنشا اكەلۋگە جول اشادى. ياعني, ىشكى نارىققا اكەلى­نەتىن تاۋارلاردىڭ ارزانداۋىنا مۇمكىندىك تۋماق. بۇگىندە مەملەكەتتىك كىرىس­تەر كوميتەتى «اتامەكەن» ۇلت­تىق كاسىپكەرلەر پالاتاسىمەن بىرلەسىپ, داعدارىس كەزىندە كاسىپ­كەرلەرگە قولداۋ كورسەتۋ, اكىم­شىلىك راسىمدەردى ودان ءارى جەتىل­دىرۋ ماسەلەلەرىن قولعا الۋدا. كو­ميتەت توراعاسىنىڭ ايتۋىنشا, بۇل ماسەلە بيزنەس پەن مەملە­كەتتىك ورگاندار ءوزارا ءتيىمدى جۇمىس ىستەۋى كەزىندە عانا شەشىم تاپپاق. بيزنەس سالىقتى ۋاقى­تىندا ءارى تولىق تولەگەن سايىن مەملەكەتتىك ورگان دا ونى رەسىم­دەۋ شارالارىن جەڭىلدەتە بەرۋدى كوزدەپ وتىر. داۋلەت ەرعوجيننىڭ اي­تۋىنشا, مۇنداي قادامدار قازىر­دىڭ وزىندە جەمىس بەرىپ, كولەڭ­كەلى ەكونوميكانىڭ ۇلەسى ءبىر­شاما ازايىپ كەلە جاتىر. ارنۇر اسقاروۆ, «ەگەمەن قازاقستان»