ەكسكاۆاتورشىعا اۆتوكولىك سىيلادى

ەۋرازيالىق توپ (ERG) قۇرامىنا كىرەتىن «قازاقستان ءاليۋمينيى» اق فيليالى – كەرەگەتاس اكتاس كەنىشى جۋىردا 50 جىلدىق مەرەيتويىن اتاپ ءوتتى. كەنىشتە مايقايىڭ, باياناۋىل, ەكىباستۇزدىڭ جاستارى ەڭبەك ەتۋدە. باياناۋىلدىڭ وزىنەن 200-دەي ادام كەنىشكە جۇمىسقا تۇرىپتى. ولار تاۋ-تاس قوپارىپ ۇزاق جىلدار بويى كەنىشتە جۇمىس ىستەپ جۇرگەن كەنشى اعالارىنىڭ جولىن جالعاستىرۋدا. مەرەيتويلىق جيىن اكتاس وندىرەتىن كەنىشتىڭ ءوسىپ-وركەندەۋىنە ومىرلەرىن ارناعان كاسىپورىن جۇمىسشىلارىنىڭ, كەنشىلەردىڭ باسىن قوسىپ, لايىقتى مەرەكەلىك كۇن ارناپ, سىيلىقتار, ماراپاتتار تارتۋ ەتتى. مىسالى, كەنىشتىڭ ەكسكاۆاتور ءماشينيسى قابيدەن احمەتوۆكە «قازاقستان ءاليۋمينيى» اق پرەزيدەنتى ارمان ەسەنجولوۆ «لادا پريورا» اۆتوكولىگىنىڭ كىلتىن تابىستادى. قابيدەن اعامىز دا 30 جىل بويى كەنىشتە ەڭبەك ەتىپ كەلەدى ەكەن. قانداي قيىندىقتار كەزدەسسە دە كەنشى جۇمىس ورنىن اۋىستىرۋ تۋرالى مۇلدە ويلانباپتى. فاريدا بىقاي, «ەگەمەن قازاقستان» پاۆلودار