«ماڭىزسىزىن ماڭىزدىمەن ىعىستىرۋ» دەمەكشى, ەلىمىزدەگى ءتىل مارتەبەسىن كوتەرۋ ماقساتىندا قوسا الاتىن تاعى ءبىر ۇلەسىمىز – مەملەكەتتىك ءتىلدىڭ مەڭگەرىلۋ دەڭگەيىن SAT ۇلگىسىندە تەكسەرۋ. اتالمىش ەمتيحاننىڭ وقىلىم ءھام جازۋ مەن ءتىل بولىمدەرىندە كوبىنەسە ادەبي شىعارمالار ياكي عىلىمي-كوپشىلىك جۋرنالدار ماقالالارىنان ۇزىندىلەر تاپسىرماعا سايكەستەلىپ ۇسىنىلادى. بۇل جۇيە ارقىلى امەريكالىقتار اعىلشىن ءتىلىنىڭ ساپالى دا ساۋاتتى تۇردە بەرىلۋىن قاداعالاپ قانا قويماي, اعىلشىن تىلىندەگى ادەبيەتپەن دە ميلليونداعان تالاپكەردى جۇزدەستىرەدى. ادامزاتتىڭ وشپەس ۇستازى – كىتاپ, جانە ونى وقۋعا دەگەن, سونىڭ ىشىندە, اسىرەسە, قانعا جاقىن, ءوزىنىڭ بولمىس-رۋحىنداي ۇلتتىق ادەبيەتتى وقۋعا دەگەن قازاقستان جاستارىنىڭ ىقىلاسىن وياتۋدىڭ بىردەن-ءبىر جولى – اسىل ءسوزدى تۇسىنۋگە ۇيرەتۋ. وسىلايشا, جاس ۇرپاقتىڭ بويىندا اق-قارانى اجىراتۋ, لوگيكاسىن جانە ماقساتقا جەتۋ قابىلەتتەرىن شىڭداۋعا بولادى.
كوپتەگەن جاستاردىڭ جانە عالىمداردىڭ پىكىرىنشە, «بولماساڭ دا, ۇقساپ باق» دەمەكشى, بۇگىنگى تاڭداعى ماڭدايالدى مەملەكەتتەردىڭ بىلىمگە دەگەن, ءبىلىم دامۋىنا دەگەن كوزقاراستارىنان بىزگە ۇلگى الۋ زيان ەمەس. ەلىمىزدەگى تالاپكەرلەر ءۇشىن بولاشاقتا پايداعا اسىراتىن سىني تۇرعىداعى لوگيكالىق ويلاۋ قابىلەتتەرىن, مەملەكەتتىك ءتىلدى ءبىلۋى جانە عىلىمداردىڭ پاتشايىمى – ماتەماتيكانىڭ نەگىزدەرىن ەسكەرە ءجۇرۋى ولاردىڭ «قازاقستان-2050» ستراتەگياسىنىڭ ناعىز تىرەگى اتانۋىنا مول سەپتىگىن تيگىزەرى انىق.
بولاشاق – جاستاردىڭ قولىندا, ال سول جاس تالاپتى كەمەل جولعا باستايتىن ۇلكەن سىناقتىڭ زەردەسى, باسەكەگە قابىلەتتى بولۋى – تاۋەلسىزدىك ورلەۋىنىڭ دە ءبىر كورىنىسى. ەندەشە, جاستاردى, وسكەلەڭ ۇرپاقتى جاتتاۋعا ەمەس, ويلاۋعا باۋليىق.
بيبارىس سەيتاق
استانا
