الماتىدا «ياندەكس.تاكسي» قىزمەتى ىسكە قوسىلدى

شەتەلدىكتەردە ەرتەدەن قالىپتاسقان تاكسي قىزمەتىنىڭ بۇل ءتۇرى قازاقستانعا دا جەتتى. الماتىدا «ياندەكس.تاكسي» قىزمەتى ءوز جۇمىسىن باستادى. ول ديسپەتچەرگە قوڭىراۋ شالماي-اق, بوس كولىكتى جىلدام تابۋعا مۇمكىندىك بەرەدى. ءموبيلدى قوسىمشادان, بولماسا «taxi.yandex.kz» cايتىنان سەرۆيسكە قازاق, ورىس جانە اعىلشىن تىلدەرىندە تاپسىرىس بەرۋگە بولادى. «ياندەكس.تاكسيدى» ىسكە قوسۋ «الماتى دامىتۋ ورتالىعى» اق قۇرىلىمدىق بولىمشەسىنىڭ قولداۋىمەن جۇزەگە اسىرىلىپ وتىر. سەرۆيسكە الماتىنىڭ 9 تاكسوپاركىنەن 150 اۆتوكولىك قوسىلعان. بۇل جۇيە شۇعىل تاپسىرىستاردى كليەنتكە جاقىن ورنالاسقان كولىكتەرگە جەتكىزۋىمەن ەرەكشە. تاكسيدىڭ كەلۋ ۋاقىتى 5-10 مينۋت ارالىعى, ال كولىكتىڭ قاي جەردە كەلە جاتقانىن كارتا ارقىلى قاداعالاپ وتىرۋعا بولادى. سونىمەن قاتار, تاپسىرىس بەرۋشىگە سەرۆيس جۇرگىزۋشىنىڭ تەلەفونى مەن كولىك ءنومىرىن سمس حابارلما ارقىلى جولداپ وتىرادى. ايمان مۇقىشەۆا