امىرە قاشاۋباەۆ تۋرالى كوركەم فيلم جارىققا شىعادى

«قازاقفيلم» كينوستۋدياسى امىرە قاشاۋباەۆتىڭ ءومىر جولىنا ارنالعان جاڭا كوركەم ءفيلمدى ءتۇسىرۋدى قولعا الدى, دەپ حابارلادى ش. ايمانوۆ اتىنداعى «قازاقفيلم» اكتسيونەرلىك قورىنىڭ ءباسپاسوز قىزمەتى. 2017 جىلى حالىقارالىق پروكاتقا شىعارۋعا جوسپارلانعان «امىرە» كينوجوباسى قازاقستان مەن اقش-تىڭ بىرلەسە وتىرىپ شىعاراتىن العاشقى جوباسى بولماق. كينوتۋىندى قازاقتىڭ تۇڭعىش ءبىرتۋار ءانشىسى امىرە قاشاۋباەۆتىڭ قۇيرىقتى جۇلدىزداي جارق ەتىپ وتكەن جارقىن ءومىرىن باياندايدى. 1925 جىلى پاريجدە وتكەن Exposition Internationale des Arts Décoratifs et Industriels Modernes شەڭبەرىندە ۇيىمداستىرىلعان بۇكىلالەمدىك مۋزىكالىق بايقاۋدا ەۋروپا كورەرمەندەرىنە قازاقتىڭ ءداستۇرلى انشىلىك ونەرى مەن قارا دومبىراسىن پاش ەتكەن 36 جاستاعى امىرە قاشاۋباەۆ كسرو دەلەگاتسياسىنىڭ اراسىنان توپ جارىپ, ەكىنشى ورىندى جانە كۇمىس مەدال يەلەنگەن. فيلم دارىندى ءانشىنىڭ مۇستافا شوقايمەن كەزدەسۋى, دجاز ورىنداۋشىسى دجوردج گەرشۆينمەن تانىسۋى مەن ءانشىنىڭ وتانىنا ورالعاندا باستان كەشكەن سىناقتارى تۋرالى سىر شەرتەدى. تۋىندىدا امىرە قاشاۋباەۆتىڭ رەپەرتۋارىنداعى «بالقاديشا», «سۇرجەكەي», «ءۇش دوس», «دۋداراي», «جالعىز ارشا», «بەس قاراگەر», «اعاش اياق» جانە «Əي-əي بوپەم» اندەرى ورىندالادى. شىلدە ايىنىڭ سوڭىندا لاتۆيانىڭ ريگا قالاسىندا باستالعان ءتۇسىرۋ جۇمىستارى قىركۇيەك ايىندا الماتى قالاسىندا جالعاسادى. ءفيلمنىڭ ستسەناريىن جازعان – بەنجامين ا. ۆان دەر ۆين. (Benjamin A. van der Veen). باستى رولدەردى وتاندىق اكتەرلەر سانجار ماديەۆ (امىرەنى) جانە ەركەبۇلان دايىروۆ (مۇستافا شوقايدى) سومدايدى. سونىمەن قاتار, بريتاندىق اكتەر بەن الدريدج (Ben Aldridge) جانە «وبلاست تمى» ءفيلمى ارقىلى تانىلعان امەريكالىق اكتريسا ەببي كورنيش سىندى باسقا دا اكتەرلەر قاتىسادى. ايمان مۇقىشەۆا