ەلباسى پاكىستان پرەزيدەنتىنە كوڭىل ايتۋ جەدەلحاتىن جولدادى

قازاقستان پرەزيدەنتى پاكىستان يسلام رەسپۋبليكاسىنىڭ پرەزيدەنتى مامنۋن حۋسەينگە كۆەتتا قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى. Akorda.kz-ءتىڭ مالىمەتى بويىنشا, جەدەلحاتتا مەملەكەت باسشىسىنىڭ كۆەتتا قالاسىندا بولعان تەررورلىق اكت سالدارىنان كوپتەگەن جازىقسىز ادامنىڭ قازا بولعانى تۋرالى سۋىت حاباردى زور كۇيزەلىسپەن قابىلداعانى اتاپ وتىلگەن. «قازاقستان جاھاندىق قاۋىپسىزدىككە قاتەر توندىرەتىن حالىقارالىق ەكسترەميزم مەن تەرروريزمنىڭ ارەكەتتەرىن قاتاڭ ايىپتايدى. الەمدىك قاۋىمداستىقتىڭ وسى قاۋىپ-قاتەردىڭ تارالۋىنا قارسى كۇرەستەگى كۇش-جىگەرىن تولىق قولدايمىز», – دەلىنگەن جەدەلحاتتا. نۇرسۇلتان نازارباەۆ قايعىعا ورتاقتاسا وتىرىپ, قازاقستان حالقىنىڭ جانە جەكە ءوزىنىڭ اتىنان قازا بولعانداردىڭ وتباسىلارىنا جانە جاقىندارىنا, سونداي-اق بارشا دوستاس پاكىستان حالقىنا كوڭىل ايتتى. ەلباسى زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى. ايدار ورىسباەۆ