ريو-2016: بوكسشىلاردىڭ كەستەسى وزگەرىپ جاتىر

بۇگىن ريو-دە-جانەيرودا قازاقستان سپورتشىلارى دزيۋدو, اكادەميالىق ەسۋ مەن جۇزۋدەن وتەتىن جارىستارعا قاتىسادى. دزيۋدودان ايەلدەر اراسىنداعى بەلدەسۋلەر استانا ۋاقىتىمەن كەشكى ساعات 19.00-دە باستالادى. وندا ىرىكتەۋ كەزەڭى مەن شيرەك فينالدىق كەزدەسۋلەر وتەدى. ودان كەيىن ساعات 00.30-دا 10 تامىزعا قاراعان ءتۇنى دزيۋدوشىلار جۇلدە ءۇشىن كۇرەسەدى. وسى كەزدە كورەرمەندەر جارتىلاي فينالدىق, ءۇشىنشى ورىن ءۇشىن بەلدەسۋ مەن فينالدىق كەزدەسۋدى تاماشالاي الادى. دزيۋدو جارىسىنا 63 كيلوعا دەيىنگى سالماقتاعى ماريان ورداباەۆا قاتىسادى. اكادەميالىق ەسۋ جارىسى ساعات 21.00-دە باستالادى. وعان قازاقستاننان ۆلاديسلاۆ ياكوۆلەۆ پەن سۆەتلانا گەرمانوۆيچ قاتىسادى. ال ساعات 22.50-دەن باستاپ جۇزۋدەن 200 مەترگە براسس ءادىسى بويىنشا وتەتىن جارىستار كورسەتىلەدى. بۇل سىندا كورەرمەندەر دميتري ءبالانديننىڭ جارىسىن تاماشالاي الادى. وسىلاردىڭ بارلىعىن Kazsport تەلەارناسى تىكەلەي ەفيردە كورسەتەدى. «قازاقستان» تەلەارناسى ساعات 00.30-دا اۋىر اتلەتيكادان تىكەلەي ەفيردە ترانسلياتسيا جاسايدى. وندا 63 كيلوعا دەيىنگى سالماقتاعى كارينا گوريچەۆا تۇعىرعا شىعادى. تاعى ءبىر ايتاتىن نارسە, وليمپيادادا بوكسشىلاردىڭ جەكپە-جەكتەرىنىڭ كەستەسى وزگەرىپ جاتىر. ونى بىزگە «ەگەمەن قازاقستاننىڭ» ارناۋلى ءتىلشىسى باقتيار تايجان حابارلادى. «بۇگىن دانيار ەلەۋسىنوۆ پەن يۆان دىچكو جەكپە-جەكتەرىن وتكىزۋى ءتيىس», دەدى ول. داستان كەنجالين