قۇتقارۋشى مىسىقتى ماراپاتتادى

ۇلىبريتانيادا يەلەرىن ورتتەن قۇتقارعان تينك دەگەن مىسىق «جىل مىسىعى» اتاندى. ونى ماراپاتتاۋ سالتاناتى لوندوننىڭ قاق تورىندەگى ءزاۋلىم قوناقۇيدە جانۋارلاردى قورعاۋشىلاردىڭ, جۋرناليستەردىڭ قاتىسۋىمەن ءوتتى. اقىلدى مىسىق كلەر حوپكين­سوننىڭ وتباسىمەن بىرگە شرۋسبەري قالاسىندا تۇرادى ەكەن. ءبىر كۇنى ءتۇن ورتاسىندا ءدال ىرگەدەگى كورشى ءۇيدىڭ وتقا ورانعانىن كورگەن مىسىق شىرت ۇيقىدا جاتقان قوجايىنىنىڭ ۇستىنە سەكىرىپ, تىرنالاپ وياتىپ الىپتى. ءسويتىپ, مىسىقتىڭ ارقاسىندا كلەر حانىم كۇيەۋى مەن بالالارىن ويانىپ, ءورت وزدەرىنىڭ ۇيىنە تاراعانعا دەيىن دالاعا شىعىپ ۇلگەرگەن.  قوجايىنىنىڭ ايتۋىنشا, مىسىق بولماسا, ءبىر ءۇيلى جان تىرىدەي ورتەنىپ كەتەدى ەكەن. بۇعان دەيىن شۆەتسيادا ناللە دەگەن مىسىق تا يەسىن قۇتقارىپ قالعان ەدى. ول قۋات كوزىنە قوسىلىپ تۇرعان سمارتفوننىڭ تۇتىندەي باستاعانىن كورىپ, ۇيىقتاپ جاتقان قوجايىنىن وياتىپ الىپتى. ءسويتىپ, ول مىسىق تا ءتۇرلى توك-شوۋلاردىڭ قادىرلى مەيمانى بولىپ, از ۋاقىتتا جۇلدىزعا اينالعان كورىنەدى. نۇرحان اسقار