پارا الامىن دەپ تۇتىلدى

جاستاردى سىبايلاس جەم­قور­لىققا باۋلىعاندى ەستىپ پە ەدىڭىز؟ ەستىمەسەڭىز ايتايىق, اتىراۋدا وسىنداي ءداستۇر پايدا بولدى. ماسەلەن, جەكە نوتاريۋس ك.حايرۋللين وزىنەن ءتالىم-تاربيە الۋعا كەلگەن جاس ماماندى نوتارياتتىق قىز­مەتپەن اينالىسۋدىڭ قىر-سىرىنا قانىقتىرۋدى ەمەس, كەرىسىنشە, جەمقورلىق ىستەرگە باۋلىپتى. ولاي دەيتىنىمىز, قۋ قۇلقىنىنىڭ قامىن كۇيت­تەگەن جەكە نوتاريۋس ادىلەت دەپارتامەنتىنىڭ لاۋازىمدى تۇلعالارىنان نوتاريۋستىڭ ليتسەنزياسىن الىپ بەرۋگە كومەكتەسەتىنىن ەمەۋرىنمەن بىلدىرگەن. وسى كومەگى ءۇشىن جاس ماماننان 20 000 اقش دوللارىن تالاپ ەتىپتى. الايدا, قالاي يسە, سولاي بوي تۇزەيتىن جاس شىبىق كەيپىندەگى جاسبۋىننىڭ وكىلى بۇعان كونە قويماپتى. ءسوي­تىپ, جەكە نوتاريۋستىڭ زاڭعا قايشى كەلەتىن تەرىس ارەكە­تىن اشكەرەلەپ, سىبايلاس جەمقور­لىقتىڭ جولىن كەسەتىن ارناۋلى قىزمەت وكىلدەرىنە ارىزدانىپتى. ارتىنشا جەكە نوتاريۋس ءوزىنىڭ قىزمەتتىك كابينەتىندە 10 000 اقش دوللارىن الۋ كەزىندە قولعا ءتۇستى. الاياقتىق جانە پارا بەرۋگە ارانداتۋشىلىق ايىبىمەن كىنالى دەپ تانىلعان ول 5 جىل مەرزىمگە شارتتى تۇردە باس بوستاندىعىنان ايىرىلدى. ايتقانداي, ەندى ول ءومىر بويىنا نوتارياتتىق قىزمەتپەن اينالىسپايتىن بولدى. جولداسبەك شوپەعۇل, «ەگەمەن قازاقستان» اتىراۋ