سوت الدىنا بارماي-اق...

الماتى قالاسىندا قازاقستان حالقى اسسامبلەياسىنىڭ وكىلدىگى رەسپۋبليكالىق «مەدياتسيا كۇنى» اكتسياسى اياسىندا قالا جۇرتشىلىعىن ءتۇرلى تۇيتكىلدى ماسەلەلەرگە قاتىستى «اشىق ەسىك» فورماتىندا قابىلدادى. دوستىق ءۇيى جانىنان اشىل­عان مەدياتسيا كابينەتىنىڭ ءبىتىم­گەرشىلىك قىزمەتىنە جانە زاڭدىق كەڭەس الۋعا جۇگىنگەن كىسىلەردىڭ دەنى وتباسىلىق, الەۋمەتتىك جانە كورشىلەر اراسىندا بولاتىن تۇسىنىسپەۋشىلىك ماسەلەلەرى بويىنشا كەلگەن ەكەن. ارينە, قوعام بولعاننان كەيىن م ۇلىككە جانە ت.ب. قاتىستى كەلىسپەۋشىلىك سەكىلدى جاعدايلار ازاماتتار اراسىندا ءجيى تۋىنداپ وتىراتىنى راس. قازاقستان حالقى اسسامبلەياسىنىڭ زاڭگەرلەرى تۇرعىندارعا زاڭدىق كەڭەس بەرۋمەن قاتار, ماسەلەنى ۋشىق­تىرماي, قوس تاراپ ءۇشىن دە پايدالى شەشىلۋىنە ىقپال جاساۋ­دىڭ تيىمدىلىگىن ءتۇسىندىردى. ەلىمىزدە «مەدياتسيا تۋرالى» زاڭ قابىلدانىپ, ونىڭ كومەگىمەن كوپتەگەن شاعىن جانە ورتاشا دارەجەدەگى قىلمىستىق ىستەر, ازاماتتىق, ەڭبەك داۋى, وتباسىلىق جانە ءوزارا قۇقىقتىق قاتىناستارعا بايلانىستى جەكەلەگەن ىستەر ءوز شەشىمىن تاۋىپ كەلە جاتقانىنا دا 5 جىلدىڭ ءجۇزى بولدى. شاعىمدانۋشى ازاماتتار مەن زاڭدى تۇلعالار مەديا­تسياعا بەلسەندى تۇردە ءجۇ­گىنۋىنىڭ ارقاسىندا سوت جۇيەسىنە تۇسەتىن اۋىرتپالىق جەڭىلدەپ, ءتۇرلى دەڭگەيدەگى ىستەردىڭ تىڭعىلىقتى شەشىم تابۋ ساپاسى اناعۇرلىم ارتاتىنىن وسى ۋاقىت ارالىعىنداعى تاجىريبە كورسەتىپ وتىر. قازاقستاندا «مەدياتسيا تۋرالى» زاڭ 2011 جىلدىڭ 5 تامىزىندا كۇشىنە ەنگەن بولاتىن. بۇل زاڭ مەدياتسيانى ۇيىمداستىرۋ سالاسىنداعى قوعامدىق قاتىناستاردى رەتتەپ, ونى جۇرگىزۋ قاعيداتتارى مەن ءراسىمىن, سونداي-اق, مەديا­توردىڭ مارتەبەسىن ايقىنداپ بەردى. قانات ەسكەندىر, «ەگەمەن قازاقستان» الماتى