باتىر ەسكەرتكىشى كۇتىمگە ءزارۋ

ەلباسىمىزدىڭ تاپسىرماسى بويىنشا بيىل ەلىمىزدىڭ بارلىق وڭىرلەرىندە قوعامدىق كەڭەستەر قۇرىلدى. كەڭەس قۇرامىنا ءارتۇرلى سالا ماماندارى, ۇكىمەتتىك ەمەس ۇيىم وكىلدەرى كىرگەن. بۇگىنگە دەيىن سەمەيدە كەڭەستىڭ ەكى وتىرىسى ءوتتى. العاشقى وتىرىس جەرگە قاتىستى بولعاندىقتان, وندا جەردى وڭدەپ, جونىمەن پايدالانۋ ماسەلەسى قاراستىرىلدى. ەكىنشى وتىرىس تا جەر تۋرالى بولدى, بىراق, قالا ىشىندەگى جەردى قولدانۋ جايى قوزعالدى. سەمەي قالالىق سوعىس جانە ەڭبەك, قارۋلى كۇشتەر ارداگەرلەرى كەڭەسىنىڭ توراعاسى, قوعامدىق كەڭەس مۇشەسى امانتاي دوعالاقوۆتىڭ ايتۋىنشا, الداعى وتىرىستا قارالاتىن ماسەلەلەر قالانى اباتتاندىرۋعا قاتىستى بولماق. سەبەبى كەڭەس مۇشەلەرىن جەڭىس ساياباعىنىڭ بيىل كوگالدان­دىرىلماۋى الاڭداتىپ وتىر. گۇل ەگىلەتىن جەرلەردى ءشوپ باسقان. ال ۆوكزال ماڭىنداعى قابانباي باتىر ەسكەرتكىشى ايانىشتى حالدە. – قالانىڭ ىشىندە ارحيتەكتۋرا جاعىنان تالاپقا ساي ەمەس ءارى بۇرىنعى قالپى بۇزىلعان نارسەلەر وتە كوپ, – دەيدى سەمەي قالالىق سوعىس جانە ەڭبەك, قارۋلى كۇشتەر ارداگەرلەرى كەڭەسىنىڭ توراعاسى, قوعامدىق كەڭەس مۇشەسى امانتاي دوعالاقوۆ, جەردى قالاي بولسا سولاي العان. باس جوسپارعا قاراماي, قىزىل سىزىقتان ءوتىپ كەتكەن. بۇلاردىڭ بارلىعىن, مىنە, قوعامدىق كەڭەستە قاراستىرىپ جاتىرمىز. جيىنىمىزعا ۇنەمى ساۋلەت, قالا قۇرىلىسى ءبولىمى مەن جەر كوميتەتىنەن وكىلدەر قاتىسىپ, تىڭداپ وتىرادى. بۇ­لارعا قوعامدىق كەڭەس اتىنان ءوز پىكىرىمىزدى ايتىپ جاتىرمىز. كەلەشەكتە جۇمىستارىن جاق­سارتىپ, جانداندىرعاندارى ءجون. جەڭىس سايا­باعىنا كۇتىم كە­رەك. مۇندا جىل سايىن جاز­عىت­ۇرىم 9 مامىرعا تامان قىز­عال­داق ءوسىپ تۇرۋشى ەدى, بيىل وتىر­عىزىلمادى. سوسىن قالا­داعى ورتالىق تەمىرجول ۆوك­زالى الدىنداعى قابانباي با­تىر ەسكەرتكىشى قاراۋسىز قالدى. ماڭايى قوقىسقا تولىپ, تۇعى­رىنىڭ سىلاعى ءتۇسىپ قالعان. اينا­لاسىنداعى ءشوپ قۋراپ, شاشىلىپ جاتىر, ۇيات. ۆوكزالعا نەبىر ادامدار كەلىپ-كەتىپ جاتادى. ءتىپتى, مىنا كورشى رەسەيدەن دە كەلەتىندەر بار. قابانباي باتىر ەسكەرتكىشى جوندەلسە, كۇتىمگە الىنسا دەپ بىرنەشە مارتە ايتتىق. جەكە كاسىپكەرلەر قولداۋ كورسەتىپ جىبەرسە شەشىلەتىن شارۋا عوي. قوعامدىق كەڭەستىڭ يىعىنا ارتىلعان جۇك اۋىر بولىپ تۇر. باستى ماقساتتارى الەۋمەتتىك جاعدايدى جاقسارتىپ, ەكونوميكانى, ەكولوگيانى قۋاتتاندىرۋعا باعىتتالعان. سوندىقتان ەسكەرتكىش كۇتىمى سياقتى ماسەلەلەردى بيۋد­جەتتىڭ قورجىنىنا تەلمىرتپەي, جەكە كاسىپكەرلەردىڭ دەمەۋشىلىك كومەكتەرى ارقىلى شەشسە دەگەن ۇسىنىستارىن ايتىپ وتىر. راۋشان نۇعمانبەكوۆا سەمەي