ەلىمىزدىڭ باتىسى مەن شىعىسىندا جاڭبىر جاۋىپ, نايزاعاي وينايدى

[caption id="attachment_55148" align="aligncenter" width="667"] فوتو: alau.kz[/caption] inform.kz-ءتىڭ حابارلاۋىنشا, قازاقستاننىڭ باتىسىندا جانە شىعىسىندا اتموسفەرالىق اعىنداردىڭ وتۋىمەن نايزاعاي ويناپ, جاڭبىرلى اۋا رايى ساقتالادى. ال ەلىمىزدىڭ قالعان وڭىرلەرىندە كۇن رايى اشىق بولادى. سولتۇستىكتە كەي جەرلەردە تۇمان ءتۇسىپ, جەل كۇشەيەدى, وڭتۇستىكتە شاڭدى داۋىل كوتەرىلەدى. شىعىستا كۇندىز بۇرشاق جاۋى ىقتيمال. شىعىس قازاقستان وبلىسىندا كەي جەرلەردە نايزاعاي وينايدى, جەل 15-20 م/س-قا دەيىن كۇشەيەدى. باتىس قازاقستان, پاۆلودار, اتىراۋ وبلىستارىنىڭ كەيبىر جەرلەرىندە جەلدىڭ جىلدامدىعى 15-20 م/س-قا دەيىن جەتەدى. جامبىل وبلىسىندا جەلدىڭ كۇشى 15-20 م/س-قا جەتىپ, شاڭدى داۋىل كوتەرىلەدى. سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى. كۇندىز ماڭعىستاۋ, اتىراۋ, باتىس قازاقستان, اقتوبە, وبلىستارىندا, قوستاناي, قاراعاندى وبلىستارىنىڭ كەي جەرلەرىندە اپتاپ ىستىق ساقتالادى. قىزىلوردا, وڭتۇستىك قازاقستان, جامبىل وبلىستارىنىڭ كەي جەرلەرىندە توتەنشە ءورت قاۋپى جوعارى بولادى. تالعات رايىمبەك