نەمىس رەيحسفيۋرەرىنىڭ كۇندەلىگى

سوعىس كەزىنەن قالعان كە­زەك­تى قۇجات. ماسكەۋ ءتۇبىن­دەگى پودولسك اسكەري ارحي­ۆى­نەن سس رەيحسفيۋرەرى گەن­ريح گيمملەردىڭ جازعان كۇن­دە­لىكتەرى تابىلدى. تاريحي قۇ­­­جاتتا 1938, 1942 جانە 1945 جىل­دارى اتقارعان جۇمىستارى جا­­زىلعان. نەمىستىڭ Bild باسىلىمى كۇندەلىك ىشىنەن بىرنەشە ءۇزىن­دىلەردى جاريالادى. وندا نەگىزىنەن ەكىنشى دۇنيەجۇزىلىك سوعىس كەزىندە كونتسلاگەر تۇت­قىندارىن اياۋسىز جازا­لاعانى تۋرالى مالىمەتتەر بار. جازبادا بۋحەنۆالد لاگە­رىندە وزىنە ماسساج جاسال­عانىن, ارتىنشا 10 پولياك تۇتقىنىنا ءولىم جازاسىن بەرگەنى ايتىلعان. سونىمەن قاتار, ول سس ماماندارىنا يتتەردى وسۆەنتسيم تۇتقىندارىن تالاتۋ ارقىلى ۇيرەتۋ كەرەكتىگى تۋرالى تاپسىرما بەرگەنىن جازعان. 1943 جىلى جازعان جازبا­لارىنىڭ بىرىندە گەنريح گيم­م­لەر تاڭەرتەڭگى ۋاقىتتا سو­بي­بور لاگەرىندەگى گاز كامەرالارىن ارنايى تەكسەرگەنىن, ال قاس قارايعاننان كەيىن وفيتسەرلەرمەن بىرگە كەشكى اس ءىش­كەنىن اڭگىمەلەيدى. سونداي-اق, كۇندەلىكتەرىندە وتباسىمەن, دوس-جاراندارىمەن, سس باس­شى­لىعىمەن بايلانىسىن سيپاتتاعان. بولجام بويىنشا, كۇندە­لىكتەر الداعى جىلى تاريح­شىلاردىڭ پىكىرىمەن قوسا جاريالانادى. ايتا كەتەيىك, گەنريح گيمملەر – 1929-1945 جىلدارى سس رەيحسفيۋرەرى قىزمەتىن اتقارعان جانە گيتلەرلىك گەرمانياداعى ەڭ لاۋازىمدى تۇلعالاردىڭ ءبىرى بولدى. 1945 جىلدىڭ 23 مامىرىندا كالي تسياني امپۋلاسىن تىستەپ, وزىنە قول جۇمساعان. ايان ءابدۋالي, «ەگەمەن قازاقستان»