تالاپتار تانىستىرىلدى

كەشە سىرتقى ىستەر مينيستر­لىگىندە قازاقستان رەسپۋب­لي­كاسى ور­تا­­لىق سايلاۋ كوميسسيا­سىنىڭ ۇيىم­­داستىرۋىمەن شەت مەملە­كەت­تەردىڭ ديپلوماتيالىق ميس­سيا­لارى مەن حالىقارالىق ۇيىم­دارى­نىڭ وكىلدەرىنە ارنالعان بريفينگ بولىپ ءوتتى. 39 الىس ءجا­نە تاياۋداعى شەت مەملەكەتتەردىڭ, ەۋروپالىق وداق پەن ەقىۇ ورتا­لىعىنىڭ وكىلدەرى قاتىسقان كەزدەسۋ بارىسىندا رەسپۋبليكا و­ر­تا­لىق سايلاۋ كوميسسياسى توراعا­سى­نىڭ ورىنباسارى ۆلاديمير فووس قازاقستان رەسپۋبلي­كاسى­نىڭ پرەزيدەنتىنە سايلاۋ ناۋقا­نى­نىڭ با­رى­سى تۋرالى حاباردار ەتىپ, قويىل­عان سۇراقتارعا جاۋاپ بەردى. ول الدىمەن كونستيتۋتسياعا ءجا­نە سايلاۋ زاڭناماسىنا ەنگىزىلگەن سوڭعى جاڭالىقتاردى ءسوز ەتە كەلە, ولاردىڭ پرەزيدەنتتىڭ كەزەكتەن تىس سايلاۋىن ۇيىمداستىرۋ مەن وتكىزۋ مەرزىمدەرىنە قاتىستى ەكەنىنە توقتالدى. وسى وزگەرىستەرگە ءساي­كەس سايلاۋ تاعايىندالعان كۇننەن باستاپ 2 اي ىشىندە وتكىزىلەدى. ناۋ­قاندى زاڭمەن بەلگىلەنگەن مەرزىمدە وتكىزۋ ءۇشىن كانديداتتار مەن سايلاۋ كوميسسيالارى ءۇشىن بارلىق سايلاۋ راسىمدەرى مەرزىمىن قىسقارتۋ كەرەك بولدى. بۇل رەتتە ورتالىق سايلاۋ كوميسسياسى اۋماقتىق سايلاۋ كوميسسيالارىنىڭ پرەزيدەنتتىككە كانديتتاردى قولداپ, قول جيناعان پاراقتارىن تەكسەرۋ مەرزىمىن 10 كۇننەن 5 كۇنگە دەيىن جانە ورتالىق سايلاۋ كوميسسياسىنىڭ كانديداتتارعا, ولاردىڭ كونستيتۋتسيا مەن «سايلاۋ تۋرالى» زاڭدا بەلگىلەنگەن تالاپتارعا سايكەستىگى انىق­تال­عان سوڭ, قول قويۋ پاراق­تارىن بەرۋ مەرزىمىن 5 كۇننەن 2 كۇنگە دەيىن قىسقارتۋ تۋرالى قاۋ­لى قابىلدادى. بريفينگتەگى ءسوزىن اياقتاي كەلە ۆلاديمير فووس ورتا­لىق سايلاۋ كوميس­سياسى بارلىق سايلاۋ پروتسەسىنە قاتىسۋشىلار­مەن, حالىقارا­لىق ۇيىمدارمەن ءجا­­نە شەتەلدىك بايقاۋشىلارمەن ىن­تىماقتاس­تىق­تا جۇمىس ىستەۋگە, ناۋقان بارى­سىن­داعى اعىمداعى اق­پاراتتارمەن جەدەل وي ءبولىسىپ وتىرۋ­عا ءازىر ەكەنىن ءبىلدىردى. جۇلدىز ءبايدىلدا.