باعدارلاما ۋاقتىلى ورىندالۋى ءتيىس

كەشە ۇكىمەت ۇيىندە پرەمەر-مينيستر كارىم ءماسىموۆ «نۇرلى جول» مەملەكەتتىك باعدارلاماسىن جۇزەگە اسىرۋ ماسەلەلەرى جونىندە كەڭەس وتكىزدى. «نۇرلى جول» مەملەكەتتىك باعدارلا­ماسى حابتىق قاعيدات بويىنشا ءتيىمدى ينفراقۇرىلىم قۇرۋ نەگىزىندە ەلىمىزدىڭ ماكرو­وڭىرلەرىن ىقپالداستىرۋ ارقىلى بىرىڭعاي ەكونوميكالىق نارىق قالىپ­تاستىرۋ ءۇشىن جۇزەگە اسى­رىلادى. ناتيجە­سىندە, ول جۇمىس ورىندارىن قۇرۋعا, قازاق­ستان­نىڭ ۇزاقمەرزىمدى ەكونوميكالىق ءوسىمىن قامتاماسىز ەتۋگە, سونداي-اق, سىرتقى نارىقتارداعى احۋال­دىڭ ناشارلاۋ جاعدايىندا ەكونو­ميكانىڭ جەكەلەگەن سەكتورلارى­نا قولداۋ كورسەتۋ بويىنشا داع­دارىسقا قارسى شارالاردى جۇزەگە اسىرۋعا باعىتتالعان. «نۇرلى جول» باعدارلاماسىن جۇزەگە اسىرۋدىڭ نەگىزگى كورسەت­كىشتەرى تۋرالى ۇلتتىق ەكونوميكا ءمينيسترىنىڭ ورىن­باسارى مارات قۇسايىنوۆ بايان­دادى. ونىڭ مالىمەتىنشە, باعدار­لاما اياسىن­دا اۆتوجول سالاسىن دامىتۋعا ءبولىن­گەن 59,2 ملرد. تەڭگە قاراجات تولىق يگەرىلدى. «ءبىلىم بەرۋ سالاسىندا ينفراقۇرىلىمدى دامىتۋ» باعىتى بويىنشا قارجى­لاندىرۋدىڭ 60,9 ملرد. تەڭگەسى جىلدىق جوسپار كەزىندە يگەرۋ 22,3 ملرد. تەڭگەنى قۇرادى. سونىمەن قاتار, ينجەنەرلىك-كوممۋني­كاتسيالىق ينفراقۇرىلىم سالۋعا 2016 جىلى 78,5 ملرد. تەڭگە قا­راس­تىرىلعان. 2016 جىلعى 25 ءشىل­دە­دەگى جاعداي بويىن­شا, قار­جى­لاندىرۋ جوسپارىنا سايكەس 30,5 ملرد. تەڭگە بولىنگەن, ونىڭ 28,1 ملرد. تەڭگەسى نەمەسە قارجى­لان­دىرۋ جوس­پارىنىڭ 92% يگەرىلدى. تولىق يگەرىلمەۋ الماتى, جامبىل, بقو, قوستاناي, سقو, وقو جانە استانادا كۇتىلۋدە. ءبىلىم جانە عىلىم ءمينيسترى ەرلان ساعاديەۆ ايتىپ وتكەندەي, قازىرگى تاڭدا 96 ءبىلىم بەرۋ نىسان­دارىنىڭ (77 مەكتەپ جانە 19 با­لا­باقشا) قۇرىلىسى ءجۇرىپ جا­تىر, الايدا, مۇندا دا بىرقاتار وب­لىستاردا قاراجاتتىڭ تولىق يگەرىل­مەۋ قاۋپى بار. جۇمىس كەڭەسىنىڭ قورىتىن­دىسى بويىن­شا پرەمەر-مينيستر ۇكىمەت مۇشەلەرىنە باعدار­لا­ما­نى جۇزەگە اسىرۋدىڭ ۋاق­تى­لى ورىندالۋىن جانە ءبولىن­گەن قا­راجاتتى تولىق يگەرۋدى باقىلاۋدى قامتاماسىز ەتۋدى تاپسىردى. «ەگەمەن-اقپارات»