كاسىپكەر بولامىن دەگەنگە كۋرس اشىلدى

[caption id="attachment_54275" align="aligncenter" width="700"] وڭتۇستىك قازاقستان وبلىسىنىڭ اكىمدىگى[/caption] مەملەكەت باسشىسى حالىققا جولداۋىندا شاعىن جانە ورتا بيزنەستى دامىتۋ ماقساتىندا كاسىپكەرلىكتى قولداۋدىڭ «بيزنەستىڭ جول كارتاسى – 2020» باعدارلاماسى وڭىردەگى ينۆەستيتسيالىق باعدارلامالارىنىڭ ءبىر بولىگى بولۋى تيىستىگىن اتاپ كورسەتكەن. وسى جۇمىستار اۋدان, قالالاردا جاقسى قارقىن الدى. توعىز جولدىڭ تورابىندا ورنالاسقان ارىس قالاسىنداعى كاسىپكەرلەر مەكتەبىندە ارنايى كۋرستار اشىلعان. وندا ءوز كاسىبىن ەندى اشۋدى جوسپارلاپ جۇرگەن باستاماشىل تۇرعىندار مەن ونى ءارى قاراي دامىتۋ نيەتىندەگى كاسىپكەرلەرگە كاسىپكەرلىكتىڭ نەگىزدەرى بويىنشا وقىتىلادى. قىسقا مەرزىمدىك وقىتۋ جوباسىنا قاتىسۋشىلارعا بيزنەستى اشۋ, ماركەتينگتىك جانە باسقارۋشىلىق قابىلەتتى دامىتۋ, قارجى زاڭدىلىعى سەكىلدى بيزنەستى ساۋاتتى جۇرگىزۋگە قاتىستى ماسەلەلەردە تاجىريبەسى مول, بىلىكتى ارىس قالالىق كاسىپكەرلىك مەكتەبىنىڭ بيزنەس ترەنەرى ج.كەنجەبەكوۆ ءدارىس بەرەدى. جاقىندا وسى وقۋ كۋرستارىن بىتىرگەن جيىرما ازامات ارنايى سەرتيفيكاتقا يە بولدى. ەندى ولارعا بيزنەستىڭ جاڭا ءتۇرىن اشۋعا ەشقانداي كەدەرگى بولمايدى. ويتكەنى, ءبىلىم-بىلىكتەرى جەتەدى. باقتيار تايجان وڭتۇستىك قازاقستان وبلىسى