قوزعالىس قايتا قالپىنا كەلتىرىلدى

  اقتوبە وبلىسىندا جۇك ۆاگون­­دارىنىڭ جولدان شىعىپ كەتۋىنە بايلانىستى جولاۋشىلار پويىزدارىنىڭ قوزعا­لىسىندا ءبىراز كىدىرىس بولدى. وقىس وقيعادان زيان شەككەن جولاۋشىلارعا وتەماقى تولەنەتىن بولادى. بۇل تۋرالى اقتوبەدە وتكەن ءباسپاسوز ءماسليحاتىندا «قازاقستان تەمىر جولى» ۇلتتىق كومپانياسى اقتوبە جۇك تاسىمالى بولىمشەسىنىڭ ديرەكتورى ماعاۋيا ورازقۇلوۆ حابارلادى.   ەستەرىڭىزگە سالا كەتەيىك, 31 شىلدەدە استانا ۋاقىتىمەن ساعات 03:25-تە ايتەكە بي اۋدا­نىنىڭ ورتالىعىنان 74 شا­قىرىم قاشىق­تىقتا «ايتەكە بي-نيكەلتاۋ» تەمىرجول ارالىعىندا كەن تيەلگەن 22 ۆاگون جولدان شىعىپ كەتىپ, ناتيجەسىندە تەمىرجول توسەمى ب ۇلىنگەن بولاتىن. توسىن وقيعا كەزىندە زارداپ شەككەندەر جوق. وقيعا ورنىنا وبلىس اكىمىنىڭ ورىنباسارى جاڭاباي بەكسارى, وبلىستىق توتەنشە جاعدايلار دەپارتامەنتىنىڭ باستىعى باۋىر­­جان سىزدىقوۆ باردى. تەز ارادا تەمىرجول ءتو­سەمىن قالپىنا كەلتىرۋ جۇ­مىستارى قولعا الىندى. قالپىنا كەل­تىرۋ جۇ­مىس­تارىنا 86 ادام, «قازاق­ستان تەمىر ­جولى» ۇلتتىق كوم­پانياسىنا ءاي­تەكە بي جانە قاندىاعاش ستانسالارىنا قا­راستى 2 قال­پىنا كەلتىرۋ پويىزى جۇ­مىل­دىرىلدى. ساعات 17:00-دە 2 ۆاگون تەمىر­جولعا قويىلدى, تاعى 20 ۆاگون تەمىر­جول بەت­ىنەن الىندى. وسى ۋاقىت ارالىعىندا «اس­تانا-اتىراۋ» جانە «اس­تانا-اقتوبە» باعىتىنداعى پويىز­داردىڭ 320-دان استام جولاۋشىسى اق­توبەگە جەت­كىزىلدى. وزگە جولاۋ­شىلارعا جاع­دايدىڭ بارلىعى جاسالدى, تاماق بەرىلدى, سۋ جەتكىزىلدى, وقيعا ورنىندا جەدەل جاردەم بريگاداسى مەن مەديتسينالىق قىزمەتكەرلەر كەزەكشىلىك ەتتى. قازىرگى ۋاقىتتا پويىزدار قوز­عالىسى تولىق قالپىنا كەلتىرىلدى. ساتىبالدى ءساۋىرباي, «ەگەمەن قازاقستان» اقتوبە وبلىسى